ZWILILO 1:20 - BIVHILI KHETHWA Mafhungo Madifha

²⁰ “Muṋe washu, edzou vhona uri zwi khou mmbavha hani! Ngomu hanga hu tou duga, mbilu yanga i a vhavha; ndo vha ḽishandukwa vhukuma. Nnḓa pfumo ḽi a vhulaha, ngomu nḓuni ndi lufu fhedzi.

ZWILILO 1:20 Iomraidhean Croise

JOBO 30:27

Ndi lala ndi tshi ḽa mbilu; ndi sokou dzula ndi maṱunguni;

JOBO 33:27

Ndi hone a tshi ḓo imba vhathuni, a ri, “Ndo tshinya, a tho ngo ita zwi re zwone, hone Mudzimu o nthwa nga ṱhamu ṱhukhu-ṱhukhu;

DZIPHISALEMA 22:14

Ndo tou tevhulelwa kule sa maḓi, na zwiendanungo zwanga zwo lunguluwa; mbilu yanga yo ṋoka sa phula, yo tou pwaṱa ngomu khanani yanga.

DZIPHISALEMA 38:8

Ndo ṱahala tshoṱhe, ndo pwashekana, ndi khou gomela nga vhuṱungu vhu re mbiluni yanga.

MIRERO 28:13

Ane a dzumba vhutshinyi hawe a zwi mu nakeli; ane a vhu bula a vhu furalela, u khathutshelwa nga Mudzimu.

YESAYA 16:11

Mbilu yanga i ṱungufhalela Muaba, luvalo lwa tetemela unga mbila dzi tshi ndiliii – ndi tshi humbula Kiri Hareshethe muṱoḓo wanga u a tumuwa.

YESAYA 38:14

Vhutshilo hanga ho vha ho tumulwa ha fhela unga dennde ya mulisa yo rathululwaho ya ladzwa, unga sila ḽine ḽa tumulwa nga muluki ḽa petwa, vhusiku na masiari nda pfa Mudzimu o nṱamba tshoṱhe,

JEREMIA 14:18

Arali nda bva muḓini ndi vhona vhe vha ḽiwa nga pfumo; arali nda dzhena muḓini ndi vhona vhathu vha no khou ṋoka nga nḓala. Hu vhaporofita, hu vhotshifhe, vhoṱhe vho hanganea, vha khou tendeleka na shango unga vhashavhi.”

JEREMIA 14:20

Muṋe washu, vhuvhi hashu ri a vhu vhona, milandu ya vhokhotsi ashu ri a i ḓivha, ngoho ro u khakhela.

JEREMIA 2:35

ni ri, ‘A thi na mulandu; Yahavee ho ngo ntsinyutshela.’ Hone ndi ḓo ni haṱula nga zwenezwo zwine na amba na ri, ‘Thi na tshe nda tshinya.’ ”

JEREMIA 3:13

Iwe tenda mulandu, u tende uri wo shandukela Yahavee Mudzimu wau wa ḓiṋekedza midzimu isili fhasi ha miri yoṱhe yo adzaho, Nṋe wa si tsha nthetshelesa. Ho amba Nṋe Yahavee.”

JEREMIA 31:20

“Khezwi Efraimi a tshi nga ṅwana wanga ane nda mu funa. Khezwi a tshi nga u takadza mbilu yanga! Ndi tshi mu amba a thi tsha kona u mu hangwa. Mbilu yanga yo mu ṱuvha hani; vhukuma ndi ḓo mu khathutshela.”

JEREMIA 4:19

Yawee, ndi khou pfa vhuṱungu, zwi tou vhavha! Mbilu yanga i tou sinḓa ngomu hanga, a thi koni u fhumula. Ndo pfa phalaphala i tshi lila, ndo pfa mukosi wa nndwa.

JEREMIA 48:36

“Mbilu yanga i lilela Muaba unga tshiṱiringo; i lila unga tshiṱiringo i tshi lilela vhathu vha Kiri Herese. Lupfumo lwe vha lu kuvhanganya lwo ṱuwa.

ZWILILO 1:11

Vhana vhawe vhoṱhe vha a gomela vha tshi ṱoḓa zwiḽiwa, vha renga zwiḽiwa nga nungu dzavho uri vha si fe tshoṱhe. “Yawee Muṋe washu, edzou sedza u vhone uri ndi nyadziwa hani.”

ZWILILO 1:18

“Muṋe washu u a fulufhedzea, ngauri nṋe ndo nyadza zwe a amba. Thetshelesani inwi tshakha dzoṱhe! Edzonu vhona u tambula hanga. Vhana vhanga, vhaṱhannga na vhasidzana, vho hwalwa vha iswa vhuthubwani.

ZWILILO 1:8

Jerusalema o tshinya zwihulu. Zwenezwo zwa mu kumadza unga musadzi a no khou vhona ṅwedzi. Vhoṱhe vhe vha vha vha tshi mu hulisa vha vho mu nyadza nge vha mu vhonela; ene muṋe u a gomela a sedza thungo nga ṱhoni.

ZWILILO 1:9

O vha a songo elekanya zwa matshelo, zwino tshika yawe yo nambatela zwiambaro zwawe. O wa lu ofhisaho; a hu na ane a nga mu khuthadza. “Yawee Muṋe washu, edzou sedza u ṱungufhadzwa hanga, vhona, swina ḽo kunda.”

ZWILILO 2:11

Maṱo anga o neta nga u lila, ngomu hanga hu tou duga. Mbilu yanga yo tevhutshela fhasi nge vhathu vhanga vha lozwiwa. Vhana na dzitshetshe vha ṋokela mikotoni ya muḓi,

ZWILILO 5:16

Ṱhohoni a ri tshee na tshiala, tsho wa. Ro tshinya, ro zwi vhona!

ESEKIELE 7:15

“Ngei nnḓa ha muḓi vhathu vha fhela nga pfumo; ngomu muḓini vhathu vha fhela nga dwadze na nḓala. Ane a wanala nnḓa u ḓo fa nga pfumo; ane a wanala muḓini u ḓo fa nga nḓala na dwadze.

DANIELE 9:5

Ro tshinya, ro khakha, ro ita zwo vhifhaho, ro u shandukela, ro furalela milayo yau na ndaela dzau.

HOSIA 11:8

Efraimi, ndi nga u laṱa hani? Israele, ndi nga u ṱutshela hani? Ndi nga ni ita hani zwe nda ita Adama kana nda ni ita zwe nda ita Tseboimi? Mbilu yanga a i tendi ndi tshi ita nga u ralo. Ndi a ni pfela vhuṱungu.

HABAKUKU 3:16

Ndo ri u zwi pfa, mbilu yanga ya tou sinḓa, milomo yanga ya tetemela ndi tshi zwi pfa, marambo anga a thoma u oma, milenzhe yanga ya tetemela. Ndi tou gomela musi wa khombo, ndi tshi humbula zwo livhaho vha no khou ri tshoṱhela.

DOTORONOMIO 32:25

Mikotoni vha ḓo ḽiwa nga pfumo, ngomu nḓuni vha fa nga nyofho – muṱhannga na musidzana, lushie na mukalaha, a hu nga ponyoki muthu.