ZWILILO 1:2 - BIVHILI KHETHWA Mafhungo Madifha

² Vhusiku u lila lu ṱungufhadzaho, marama awe o ḓala miṱodzi. Kha vhafunwa vhawe vhoṱhe a hu na ane a mu fhumudza. Khonani dzawe dzoṱhe dzo mu fheṱa; vho no vha maswina awe.

ZWILILO 1:2 Iomraidhean Croise

JOBO 6:15

hone inwi khonani dzanga ni a nndaṱedza; ni nga milambwana ine ya xa musi mvula i sa ni.

JOBO 7:3

Na nṋe ndo kovhelwa zwo raloho: Miṅwedzi i tshi ḓi ṱanḓulukana a thi tshileli tshithu; vhusiku vhu tshi ḓi tevhekana vhu ḓisa maṱungu fhedzi.

DZIPHISALEMA 126:5

Vhane vha zwala vha tshi lila, vha ḓo kaṋa vha tshi fhululedza.

DZIPHISALEMA 31:11

Maswina anga oṱhe a a nnyadza, zwihulu vhahura vhanga; khonani dzi vho nnyita dada; vha ṱanganaho na nṋe nḓilani vha a shavha.

DZIPHISALEMA 6:6

U gomela hanga ho no tou nnetisa. Vhusiku hoṱhe ndi rothisa miṱodzi thovho yanga ya vhuya ya ṋukala; vhulalo hanga ndi vhu lovhedza nga miṱodzi.

DZIPHISALEMA 69:21

Ndi tshi pfa nḓala vho mpha vhutulu; ndó farwa nga ḓora vha mpha viniga.

MIRERO 19:7

Mushai u nyalwa na nga vhana vha mme awe; khonani dzawe dzi nga kundwa ngani u mu laṱa? Nangwe a tshi vha luvhelela a vha tsha vhonala.

JEREMIA 13:17

Huno na sa thetshelesa, nṋe ndi ḓo lila tshiphirini, ndi tshi lilela u ḓihudza haṋu; ndi ḓo lila nda tswukisa maṱo, miṱodzi ya tevhukana ngauri sambi ḽa Muṋe washu ḽi ḓo iswa vhuthubwani.

JEREMIA 2:25

U vhone u sa ḓo ṱahadza zwienda zwau, wa oma mikulo nga ḓora nga u sala midzimu murahu. Huno iwe wo ri, ‘Ndi nga zwi ita hani? Midzimu isili ndi a i funa, ndo fanela u i tevhela.’

JEREMIA 3:1

Muṋe washu u ri, “Arali munna a ṱala musadzi wawe, musadzi a mu ṱutshela a vhingwa nga muṅwe munna, nṋa uyo munna mulayo u nga tenda a tshi dovha a vhinga uyo musadzi naa? Zwo vha zwi sa ḓo shata shango tshika tshoṱhe naa? Hone iwe wo vha na vhafarakano vhanzhi – zwino u vho ṱoḓa u vhuya kha Nṋe naa?

JEREMIA 30:14

Vhafunwa vhau vhoṱhe vho u hangwa; a vha u londi. Ndo u dia zwa nga wo diwa nga swina, ndo u pfisa vhuṱungu zwa nga u khou vhu pfiswa nga wa tshiṱuhu, ndi nge milandu yau ya hula na vhutshinyi hau ha anda.

JEREMIA 4:30

Iwe Jerusalema wo phusukanywaho, u ḓo itani? Ndi mini u tshi ambara dza muridili na nungu dza musuku? Ndi mini u tshi fhoma maṱo au nga phomo unga phombwe? U ḓiṱama hau ndi mahandana fhedzi, vhafunwa vhau vha vho u nyadza, vha ṱoḓa u u vhulaha.

JEREMIA 9:1

Ngavhe ṱhoho yanga i tshisima tsha maḓi, maṱo anga e tshisima tsha miṱodzi. Ndo vha ndi tshi ḓo lila vhusiku na masiari, ndi tshi lilela vhathu vha hashu vhe vha vhulawa nndwani.

ZWILILO 1:19

Ndo vhidzelela khonani dzanga, hone vho nndaṱedza. Vhotshifhe vhanga na magota anga vha lovhela henefha muḓini vha tshi khou ṱoḓa zwiḽiwa uri vha tshile.

ZWILILO 1:21

Vhathu vho pfa tshigomelo tshanga, hone a hu na ane a nkhuthadza. Maswina anga oṱhe o pfa uri zwo mmbifhela, a pembelela zwe wa nnyita. Ngavhe u tshi ḓisa ḓuvha ḽe wa ḽi ḓivhadza, uri na vhone vha itwe zwe nṋe nda itwa.

ZWILILO 1:9

O vha a songo elekanya zwa matshelo, zwino tshika yawe yo nambatela zwiambaro zwawe. O wa lu ofhisaho; a hu na ane a nga mu khuthadza. “Yawee Muṋe washu, edzou sedza u ṱungufhadzwa hanga, vhona, swina ḽo kunda.”

ZWILILO 2:11

Maṱo anga o neta nga u lila, ngomu hanga hu tou duga. Mbilu yanga yo tevhutshela fhasi nge vhathu vhanga vha lozwiwa. Vhana na dzitshetshe vha ṋokela mikotoni ya muḓi,

ESEKIELE 16:37

zwenezwo ndi ḓo kuvhanganya vhafunwa vhau vhoṱhe vhe wa ḓiphiṋa navho, vhoṱhe vhe wa vha u tshi vha funa, na vhe wa vha u sa vha funi, ndi ḓo vha kuvhanganya vhoṱhe vha u vutshela vha u tingeledza vha tshi bva matungo oṱhe; ndi ḓo u ṱangula vha tshi zwi vhona, nda ita uri vha u vhonele.

HOSIA 2:7

U ḓo gidimela vhafunwa vhawe a si vha fare, u ḓo vha ṱoḓa a si vha wane. Ndi hone a tshi ḓo ri, ‘Ndi ḓo vhuelela ha munna wanga wa kale, ngauri zwiḽa zwo vha zwi tshi nnakela u fhira zwino.’

MIKA 7:5

U songo fulufhedza muhura wau, khonani u songo i fulufhela. Na musadzi ane wa eḓela wo kuvhatedzana nae, u vhe na nzhele na zwine wa mu vhudza.

NZUMBULULO 17:13

Vha ṱoḓa zwithihi zwi no fana: vha ḓo kumedza iḽo ḽivhanda maanḓa avho na muvhuso wavho.

NZUMBULULO 17:16

Idzo ṋanga dza fumi dze wa dzi vhona, na iḽo ḽivhanda, zwi ḓo sala zwi tshi vhenga iḽa phombwe zwa i ṱangula ya sala fhedzi. Zwi ḓo ḽa na ṋama yayo zwa i fhisa nga mulilo.