ZWILILO 1:19 - BIVHILI KHETHWA Mafhungo Madifha

¹⁹ Ndo vhidzelela khonani dzanga, hone vho nndaṱedza. Vhotshifhe vhanga na magota anga vha lovhela henefha muḓini vha tshi khou ṱoḓa zwiḽiwa uri vha tshile.

ZWILILO 1:19 Iomraidhean Croise

JEREMIA 2:28

“Zwino midzimu heyo ye na ḓiitela i ngafhi? Arali i tshi kona nga i ḓe i ni tshidze khomboni. Iwe Juda, hufha hu si na muḓi wau u si na mudzimu wawo.

JEREMIA 30:14

Vhafunwa vhau vhoṱhe vho u hangwa; a vha u londi. Ndo u dia zwa nga wo diwa nga swina, ndo u pfisa vhuṱungu zwa nga u khou vhu pfiswa nga wa tshiṱuhu, ndi nge milandu yau ya hula na vhutshinyi hau ha anda.

JEREMIA 4:30

Iwe Jerusalema wo phusukanywaho, u ḓo itani? Ndi mini u tshi ambara dza muridili na nungu dza musuku? Ndi mini u tshi fhoma maṱo au nga phomo unga phombwe? U ḓiṱama hau ndi mahandana fhedzi, vhafunwa vhau vha vho u nyadza, vha ṱoḓa u u vhulaha.

ZWILILO 1:1

Yowee! Uḽa muḓi we wa vha wo ḓala vhathu, a u tsha dzula muthu! Wo vha u muhulwane vhukati ha dzitshakha, zwino u vho tou nga tshilikadzi! O vha e mufumakadzi vhukati ha mashango, zwino o no vha phuli!

ZWILILO 1:11

Vhana vhawe vhoṱhe vha a gomela vha tshi ṱoḓa zwiḽiwa, vha renga zwiḽiwa nga nungu dzavho uri vha si fe tshoṱhe. “Yawee Muṋe washu, edzou sedza u vhone uri ndi nyadziwa hani.”

ZWILILO 1:2

Vhusiku u lila lu ṱungufhadzaho, marama awe o ḓala miṱodzi. Kha vhafunwa vhawe vhoṱhe a hu na ane a mu fhumudza. Khonani dzawe dzoṱhe dzo mu fheṱa; vho no vha maswina awe.

ZWILILO 2:20

“Yawee Muṋe washu, edzou sedza u elekanye uri: We wa vhuya wa mu ita nga u rali ndi nnyi? Vhasadzi vha vho ḽa zwibebwa zwavho, vhana vhavho vhe vha tou vha mamisa vha vha alusa. Tshifhe na muporofita vha vhulawa thembeleni ya Muṋe washu.

ZWILILO 4:17

Ro lavhelela u fariswa, maṱo a vhuya a neta, mathina ndi mahandana fhedzi. Rí thawarani dzashu ro vha ro sedza lushaka, lwe lwa vha lu sa koni u ri tshidza.

ZWILILO 5:12

Vhavhusi vhashu vho fhahewa vhó vhoxwa zwanḓa; na vhakalaha maswina ha vha hulisi.