ZWILILO 1:18 - BIVHILI KHETHWA Mafhungo Madifha

¹⁸ “Muṋe washu u a fulufhedzea, ngauri nṋe ndo nyadza zwe a amba. Thetshelesani inwi tshakha dzoṱhe! Edzonu vhona u tambula hanga. Vhana vhanga, vhaṱhannga na vhasidzana, vho hwalwa vha iswa vhuthubwani.

ZWILILO 1:18 Iomraidhean Croise

1 MAHOSI 13:21

a vhidzelela a tshi vhudza muḓinḓa wa Mudzimu a no bva Juda a ri, “Muṋe washu u ri, ‘Wo nyadza ipfi ḽa Yahavee, a wo ngo tevhedza ndaela ye wa fhiwa nga Muṋe washu Mudzimu wau.

ESRA 9:13

“Zwo ri welaho zwo ḓiswa nga zwiito zwashu zwivhi na mulandu washu muhulu. Naho zwo ralo, Iwe Mudzimu washu wo ri rwa nga ṱhamu ṱhukhu i songo eḓanaho vhuvhi hashu, wa litsha vhaṅwe vha songo fa.

NEHEMIA 9:26

“Hone vhathu vhau vho u shandukela, vha u nyadza; vha landula Mulayo wau. Vha ita na u vhulaha vhaporofita vhe vha vha kaidza, vhe vha vha vhudza uri vha humele ha Iwe. Vha u nyefula vha dovha,

NEHEMIA 9:33

U tshi ri rwa nga ṱhamu wo ita zwone; wo vha u tshi ḓi fulufhedzea, naho riṋe ro tshinya.

DZIPHISALEMA 107:11

nge vha lwa na milayo ya Mudzimu, vha nyadza nyeletshedzo ya Waṱaḓuluṱaḓulu;

DZIPHISALEMA 119:137

Muṋe washu, a u na tshiṱalula, khaṱhulo dzau a dzi khakhi.

DZIPHISALEMA 119:75

Muṋe washu, ndi a ḓivha uri khaṱhulo dzau a dzi khakhi; u tshi mpfisa vhuṱungu zwo vha zwo tea.

DZIPHISALEMA 145:17

Muṋe washu u a fulufhedzea kha zwoṱhe zwine a ita, vhuthu hawe vhu vhonala kha mishumo yawe yoṱhe.

EKISODA 9:27

Farao a vhidzisa Mushe na Aroni a ri, “Ndi a tenda uri ndi na mulandu. Yahavee u ita zwi re zwone, nṋe na vhalanda vhanga ri khou ita zwi si zwone.

JEREMIA 12:1

Muṋe washu, Iwe a u vhuyi wa khakha; mbilaelo dzanga ndi ḓo dzi kumedza Iwe. Hone litsha ndi u vhudzise kuvhusele kwau! Ndi mini vhavhi zwi tshi vha nakela? Ndi mini vha no u shandukela vha si na tshi no vha dina?

JEREMIA 32:23

Vho dzhena vha ḽi dzhia ḽa vha ḽavho, hone a vho ngo u thetshelesa, a vho ngo tevhedza milayo yau, a vho ngo ita zwe wa vha vhudza uri vha zwi ite. Ndi zwe wa vha ḓisela khombo hei yoṱhe.

JEREMIA 4:17

Maswina a u tanga unga vhathu vho lindaho tsimu nge wa shandukela Nṋe. Ho amba Nṋe Yahavee.

JEREMIA 49:12

Muṋe washu u ri, “Arali vha songo teaho u nwa tshinwelo tsha khaṱhulo vha tshi fanela u tshi nwa, iwe u nga bva hani u songo tshi nwa? A u nga bvi u songo tshi nwa, tshau ndi u nwa.

ZWILILO 1:12

“Inwi noṱhe ni no fhira henefha, a ni zwi londi? Edzonu livha-livha ni vhone. Hu na u tambula hu no nga uhu hanga he nda ṱungufhadzwa ngaho, he a nnḓisela uḽa musi wa mbiti dzawe dzi ofhisaho naa?

ZWILILO 3:42

“Ro tshinya ra u shandukela, Iwe wa si ri hangwele.”

ZWILILO 5:16

Ṱhohoni a ri tshee na tshiala, tsho wa. Ro tshinya, ro zwi vhona!

DANIELE 9:5

Ro tshinya, ro khakha, ro ita zwo vhifhaho, ro u shandukela, ro furalela milayo yau na ndaela dzau.

DANIELE 9:7

Iwe Muṋe washu a hu na he wa khakha, hone riṋe ṋamusi ro ambara ṱhoni, riṋe vhathu vha Juda, vhadzulapo vha Jerusalema, vha ḽoṱhe ḽa Israele, kule na tsini, mashangoni oṱhe he wa vha balanganyela hone nge wa vhona vha sa fulufhedzei.

AMUSI 8:13

Musi wonoyo vhasidzana vha tamisaho na vhaṱhannga vha u khwaṱha vha ḓo ṋoka nga ḓora.

TSEFANIA 3:5

Muṋe washu a re ngomu hawo u ita zwi re zwone, ha khakhi. Musi muṅwe na muṅwe ḽi tshi tsha mulayo wawe u ḓi ima wo ralo, a u pfukwi. Naho zwo ralo vhatshinyi a vha shoni.

ZAKARIA 1:6

A thi ri vhomakhulukuku waṋu vho nyadza maipfi anga na ndaela dzanga dze nda vha vhudza nga milomo ya vhaḓinḓa vhanga vhaporofita, vha fhedza nga u tambula? Ngavhuya vho ḓisola vha ri, ‘Yahavee Mulangazwoṱhe o ri ita zwe a ḓiimisela u zwi ita, a ri ita zwo fanelaho nḓila dzashu na zwiito zwashu.’ ”

VHAROMA 2:5

Hone nga tshipimbi tshau na mbilu i sa laṱi vhuvhi hayo, u khou ḓiṋaṋisela ṱhamu ya Mudzimu ine ya ḓo vhonala nga ḓuvha ḽa khaṱhulo yawe i sa khakhi.

VHAROMA 3:19

Huno riṋe ri ḓivha uri zwoṱhe zwine Mulayo wa Mudzimu wa amba zwo ambelwa avho vha vhuswaho ngawo, hu u itela uri hu sa ḓo vha na ane a nga ḓiṱamba, shango ḽoṱhe ḽi fanelwe nga khaṱhulo ya Mudzimu.

DOTORONOMIO 32:4

Ndi Ene bako ḽashu ḽa u shavhela khaḽo. Mishumo yawe a i solisei, zwoṱhe zwine a ita ndi zwone. Ndi Mudzimu a fulufhedzeaho, ha khakhi, u ita zwi re zwone na zwivhuya fhedzi.

VHARANGAPHANḒA 1:7

Adoni Bezeke a ri, “Ho vha hu na mahosi a 70 e nda a tumula magunwe a zwanḓa na a milenzhe a tshi ṱwa a tshi doba matshakatshaka fhasi ha ḓafula ḽanga. Mudzimu zwino o nndifhedza zwe nda vha ita.” Vha mu isa Jerusalema, a fela hone.

1 SAMUELE 15:23

U sa pfa hu nga vhutshinyi ha u tungula ṱhangu, u ḓihudza hu nga tshivhi tsha u gwadamela zwitungulo. Zwino nge na landula ipfi ḽa Muṋe washu, na Ene o ni landula, a ni tsha vha khosi.”