ZWILILO 1:17 - BIVHILI KHETHWA Mafhungo Madifha

¹⁷ Tsioni a ṱharamudza zwanḓa zwawe a tshi vhidza khonani dzawe, hone a hu na ane a mu khuthadza. Muṋe washu o rambela Jakopo maswina a no bva masia oṱhe. Vha vhona Jerusalema a tshi nga musadzi e maḓuvhani awe.

ZWILILO 1:17 Iomraidhean Croise

1 MAHOSI 8:22

Solomoni a ima phanḓa ha aḽiṱari ya Muṋe washu, phanḓa ha tshivhidzo tshoṱhe tsha Israele, a imisela zwanḓa ṱaḓulu

1 MAHOSI 8:38

u thetshelese thabelo dzavho. Arali vhathu vhau vha Israele mbilu dzavho dzi tshi vhavha, vha rabela vho imisa zwanḓa zwavho zwo livha thembeleni hei, muṅwe na muṅwe a tshi ḓivha tshililo tshawe,

2 MAHOSI 25:1

Zwino Tsedekia a shandukela Nebukhadnetsara khosi ya Babele. Zwenezwo nga ḓuvha ḽa fumi ḽa ṅwedzi wa fumi wa ṅwaha wa vhuṱanu na vhuṋa wa muvhuso wa Tsedekia, Nebukhadnetsara khosi ya Babele a ḓa na mmbi yawe yoṱhe a tshi ḓa u dia Jerusalema. Vha ṱoka mishasha nnḓa ha muḓi, vha u govhela nga thulwi dza mavu e vha khokha.

MUFUNZI 4:1

Nda dovha nda vhona u kandeledzwa ha vhathu fhano fhasi ha ḓuvha. Vha kandeledzwaho vha lila hu si na mufhumudzi; vhakandeledzi vhavho vha na maanḓa, a hu na mulamuleli.

YESAYA 1:15

Ni tshi imisa zwanḓa ni tshi rabela a thi nga vhuyi nda ni lavhelesa. Nangwe na tou rabela hani a thi nga thetshelesi, hufha zwanḓa zwaṋu zwo ḓala malofha.

YESAYA 54:11

Muṋe washu u ri, “Iwe Jerusalema, muḓi wo tambudzwaho, wo phusukanywaho, hu si na ane a u khuthadza, ndi ḓo vusa miteo yau nga matombo a mutengo muhulu, nda u fhaṱa nṱha ha matombo a safire;

JEREMIA 12:9

Vhathu vhanga ndi vhona vha tshi nga gwitha ḽine zwiṅwe zwiṋoni zwa ḽi tinga zwa ḽi luma. Kuvhanganya phukha dzoṱhe dza ḓaka dzi ḓe dzi ḽe.

JEREMIA 15:5

Muṋe washu u ri, “Iwe Jerusalema, ane a ḓo u lilela ndi nnyi? A no ḓo u pfela vhuṱungu ndi nnyi? A no ḓo u vhudzisa mulalo ndi nnyi?

JEREMIA 16:6

Vhoṱhe vhapfumi na vhashai vha ḓo fa shangoni heḽino. A vha nga swiṱwi, a vha nga lilelwi, a hu na ane a ḓo ḓigegenedzela vhone kana a palula ṱhoho a tshi vha lilela.

JEREMIA 34:22

hone ndi ḓo vha vhidza, Nṋe Yahavee ndi khou ralo, ndi ḓo vha vhuisa hafhano muḓini houno. Vha ḓo lwa nawo, vha u kunda vha u fhisa we lore. Miḓi ya Juda ndi ḓo i phusukanya ha si tsha dzula muthu.”

JEREMIA 4:31

Ndi khou pfa mukosi u no nga wa musadzi ane a ṱoḓou vhofholowa; ndi tshigomelo tsha a no nga u khou beba ṅwana wa tanzhe; ndi mukosi wa u fhihamelwa ha Tsioni a tshi onyolosa zwanḓa a tshi ri, “Yawee, ndi khou dzidzivhala, ndo kumedzwa dziphondi!”

JEREMIA 6:3

Mahosi vha ḓo ḓa vhe na mmbi dzavho dza nga masambi a fulaho pfulo yeneyo. Vha ḓo akha dennde dzavho dza mona nawo, muṅwe na muṅwe a fulisa hune a funa.

JEREMIA 8:18

Mbilu yanga i a vhavha, i tou ṋoka.

ZWILILO 1:16

Ndi zwine nda lila, maṱo anga a bva miṱodzi. A hu na a re tsini ane a nkhuthadza, a hu na ane a rudza mbilu yanga. Vhana vhanga vho ṱovhowa, swina ḽo kunda.”

ZWILILO 1:19

Ndo vhidzelela khonani dzanga, hone vho nndaṱedza. Vhotshifhe vhanga na magota anga vha lovhela henefha muḓini vha tshi khou ṱoḓa zwiḽiwa uri vha tshile.

ZWILILO 1:2

Vhusiku u lila lu ṱungufhadzaho, marama awe o ḓala miṱodzi. Kha vhafunwa vhawe vhoṱhe a hu na ane a mu fhumudza. Khonani dzawe dzoṱhe dzo mu fheṱa; vho no vha maswina awe.

ZWILILO 1:21

Vhathu vho pfa tshigomelo tshanga, hone a hu na ane a nkhuthadza. Maswina anga oṱhe o pfa uri zwo mmbifhela, a pembelela zwe wa nnyita. Ngavhe u tshi ḓisa ḓuvha ḽe wa ḽi ḓivhadza, uri na vhone vha itwe zwe nṋe nda itwa.

ZWILILO 1:8

Jerusalema o tshinya zwihulu. Zwenezwo zwa mu kumadza unga musadzi a no khou vhona ṅwedzi. Vhoṱhe vhe vha vha vha tshi mu hulisa vha vho mu nyadza nge vha mu vhonela; ene muṋe u a gomela a sedza thungo nga ṱhoni.

ZWILILO 1:9

O vha a songo elekanya zwa matshelo, zwino tshika yawe yo nambatela zwiambaro zwawe. O wa lu ofhisaho; a hu na ane a nga mu khuthadza. “Yawee Muṋe washu, edzou sedza u ṱungufhadzwa hanga, vhona, swina ḽo kunda.”

ZWILILO 4:15

Vhathu vha vha ṱavhela mukosi vha ri, “Ṱuwani! No kumala! Ṱuwani! Ṱuwani! Ni songo ri kwama!” Musi vha tshi shavha vha tshi tendeleka na vha dzitshakha dza vhannḓa vha ri, “Vha songo dzula fhano!”

ESEKIELE 36:17

“Iwe ṅwana wa muthu, vhathu vha Israele vho vha vha tshi dzula shangoni ḽavho, hone vho ḽi shata tshika nga kutshilele kwavho na maitele avho; Nṋe ndo vha ndi tshi vhona kutshilele kwavho ku kwa tshika ku tshi nga maṱambo a musadzi.

HOSIA 8:8

Vhaisraele vho miliwa, tshakha dzi vho vha vhona, vha nga tshithu tshi si na mushumo,