ZWILILO 1:15 - BIVHILI KHETHWA Mafhungo Madifha

¹⁵ Muṋe wa zwoṱhe o landula vhahali vhanga vhoṱhe; o vhidza mmbi ya ḓa ya lwa na nṋe ya kuya vhaṱhanngana vhanga, ya ḽa munyanya. Muṋe wa zwoṱhe o sukekanya Juda musidzana wa lunako bonḓeloni ḽawe.

ZWILILO 1:15 Iomraidhean Croise

2 MAHOSI 9:33

Jehu a ri, “Mu poseni fhasi!” Ndi hone vha tshi mu posa fhasi, malofha awe a hasha mutsheṱo khathihi na bere dza Jehu; dza mbo ḓi mu kandekanya.

DZIPHISALEMA 119:118

U landula vhoṱhe vhane vha nyadza zwe wa vhofha; vhumbulu havho a vhu farisi tshithu.

YESAYA 28:18

Mulanga we na vhofha na lufu u ḓo fheliswa, zwe na langana na vhudzulavhafu a zwi nga pfumbi; musi khombo i tshi swiela, ni ḓo kumbwa.

YESAYA 41:2

Uḽa a no bva vhubvaḓuvha, ane hune a kanda a kunda, o rithwa nga nnyi uri a ḓe? Ndi nnyi we a mu kumedza dzitshakha, a mu tekulela mahosi, a vha runga nga pfumo vha vha buse, musevhe wawe wa vha balanganya unga mathukhwi a tshi hwalwa nga muya.

YESAYA 5:5

“Zwino-ha ndi ḓo ni vhudza zwine nda ḓo ita tsimu yanga: Ndi ḓo fuḓa mupfunda woṱhe wo i tangedzaho, nda litsha phukha dza ḓaka dzi tshi i ḽa, nda thutha mutsheṱo wayo dza i kandekanya,

YESAYA 63:3

“Ndo kandekanya dzitshakha ndi ndoṱhe unga muthu a tshi suka nḓirivhe bonḓeloni; a hu na lushaka lwo imaho na Nṋe. Ndo vha kandekanya ndo sinyuwa; ndo vha sukekanya ndi mbitini, malofha avho a hashekanya nguvho dzanga, zwiambaro zwanga zwa ḓala malofha.

JEREMIA 13:24

Muṋe washu u ri, “Ndi ḓo ni balanganya unga mungu u tshi hwalwa nga muya wa phangani.

JEREMIA 14:17

Muṋe washu o nndaya uri ndi vhudze vhathu nga maṱungu anga ndi ri, “Maṱo anga nga a bve miṱodzi i sa imi vhusiku na masiari, ngauri lushaka lwa hashu lwe lwa vha lu tshi nga musidzana a sa ḓivhi munna lwo pfulwa mbonzhe khulu, lwo huvhala zwi si na vhukono.

JEREMIA 18:21

Zwenezwo vhana vhavho nga vha fe nga nḓala, vha kudze u vha kumedze pfumo. Vhasadzi vhavho nga vha sale vha si na vhana, vhe dzitshilikadzi, vhanna vhavho nga vha vhulawe, vhaṱhanngana vhavho vha ḽiwe nga pfumo nndwani.

JEREMIA 37:10

Nangwe no vha ni tshi nga kunda mmbi ya Babele yoṱhe ine ya khou ni dia, ha tou sala dzikhuvhabvu fhedzi dzidenndeni, vho vha vha tshi ḓo ḓi bva vha ḓa u fhisa muḓi houno we lore.”

JEREMIA 50:26

Ḽi weleni ni tshi bva thungo dzoṱhe! Pwashani mvari dza zwisiku zwaḽo zwi vulee; zwe na kumbulula ni zwi khokhe unga thulwi ya mavhele. Ḽi phusukanyeni tshoṱhe hu si vhe na tshi salaho.

JEREMIA 51:34

“Nebukhadnetsara khosi ya Babele o ri mila, o ri ḓaḓisa, o ri ita mvuvhelo i si na tshithu ngomu. O ri mila unga ṱharu, a fura nga zwiḽiwa zwashu, zwino o ri ṱanza.

JEREMIA 6:11

Mbiti dzau dzi khou duga ngomu hanga, a thi tsha kona u dzi konḓelela.” Zwenezwo Muṋe washu a mmbudza a ri, “Mbiti dzanga dzi shululele kha vhana zwiṱaraṱani na kha vhaṱhannga vho kuvhanganaho. Vhoṱhe, munna na musadzi, vha ḓo kumbiwa, na vho tshenaho mmvi, vho no vhaho vha maḓuvha.

ZWILILO 2:21

Muhulwane na muṱuku vha fa vhoṱhe mavuni a mikoto; vhaṱhannga vhanga na vhasidzana vho ḽiwa nga pfumo. Wo vha vhulaha musi wa mbiti dzau; wo vha shidzha u sa vhuyi wa vha khathutshela.

ZWILILO 3:34

Zwivhotshwa zwoṱhe zwi tshi kandeledzwa shangoni,

DANIELE 3:13

Nebukhadnetsara a sinyuwa zwihulu, a vhidzisa Shadraka na Mishaka na Abedenego, vha mbo ḓi ḓiswa phanḓa ha khosi.

JUELE 3:13

“Dzungudzani segere, khaṋo yo vhibva! Vhuvhi havho ho andesa, vha kaṋeni unga mavhele, vha pwaṱuleni unga nḓirivhe dzi tshi pwaṱulwa bonḓeloni ḽo ḓalaho, i ḓale waini i tou fhalala!”

MIKA 7:10

Ndi hone maswina anga a tshi ḓo zwi vhona, a niwa nga ṱhoni, vhenevho vhe vha mmbudza vha ri, “Yahavee Mudzimu wau u ngafhi?” Maṱo anga a ḓo vha vhona vha tshi wa, na zwino vha ḓo kandekanywa nga milenzhe unga matope mikotoni.

MALAKIA 4:3

Ndi hone ni tshi ḓo kandekanya vhavhi, vha ḓo nga milora ine na i kanda nga ṋayo musi une nda ita zwithu hezwo.”

LUKASI 21:24

Vhaṅwe vha ḓo ḽiwa nga pfumo, vhaṅwe vha thubiwa vha itwa dziphuli mashangoni oṱhe, Jerusalema u ḓo kandekanywa nga vhannḓa tshifhinga tshe vha ṋewa tsha vhuya tsha fela.

DOTORONOMIO 28:33

Zwe na lima na zwoṱhe zwe na shuma na ḓinetisa zwi ḓo ḽiwa nga lushaka lune na si lu ḓivhe, maḓuvha oṱhe na sokou dzula ni tshi kandeledzwa na u tambudzwa

VHAHEBERU 10:29

Zwino muthu ane a nyadza Murwa wa Mudzimu, a nyefula malofha a khwaṱhisaho mulanga e a mu ita mukhethwa, a nyefula Muya ane ra wana ngae tshilidzi tsha Mudzimu, onoyo u ḓo rwiwa nga ṱhamu nngafhani?

NZUMBULULO 19:15

Mulomoni wawe ha ṱoṱomowa banga ḽa vhuhali ḽa u rema dzitshakha. Ndi Ene a no ḓo vha lisa nga luḓo lwa vhuhosi, a kandekanya bonḓelo ḽa waini ya ṱhamu dza Mudzimu Ramaanḓaoṱhe dzi ofhisaho.

VHARANGAPHANḒA 10:8

Vha kandeledza Vhaisraele vhoṱhe vhe vha vha vha tshi dzula shangoni ḽa Vhaamori vhubvaḓuvha ha Jorodani kha ḽa Giliadi, vha vha tambudza, ha vhuya ha fhela miṅwaha ya 18.