ZWILILO 1:11 - BIVHILI KHETHWA Mafhungo Madifha

¹¹ Vhana vhawe vhoṱhe vha a gomela vha tshi ṱoḓa zwiḽiwa, vha renga zwiḽiwa nga nungu dzavho uri vha si fe tshoṱhe. “Yawee Muṋe washu, edzou sedza u vhone uri ndi nyadziwa hani.”

ZWILILO 1:11 Iomraidhean Croise

2 MAHOSI 6:25

Ha wa nḓala khulu muḓini, u ṱahela ha zwiḽiwa ha hulela lwe ṱhoho ya donngi ya vhuya ya rengwa nga khilogiramu ya siliva, mupfudze wa maivha wa giramu dza ḓana wa rengwa nga giramu dza 57 dza siliva.

JOBO 40:4

A zwo ngo mpfanela. Ndi ḓo fhindula nda ri mini? Zwo ntsomela.

DZIPHISALEMA 79:4

Vhahura vhashu vha a ri holedza, vhe ra ṋekana navho masakha vha a ri sea vha ri goḓa.

JEREMIA 15:19

Muṋe washu a fhindula a ri, “Arali wa vhuya kha Nṋe, ndi ḓo u vhuedzedza mushumoni wau wa ntshumela. Arali wa amba zwo teaho, wa si tsha amba maipfi a si na mushumo, u ḓo vha mulomo wanga. Vhathu havha nga vha tevhele iwe, iwe u songo tevhela vhone.

JEREMIA 19:9

Ndi ḓo vha ḽisa ṋama ya vhana vhavho vha vhatuka na vha vhasidzana, vha dovha vha ḽana nga tshavho musi zwo vhifha vhó govhelwa nga maswina avho vha tshi ṱoḓa u vha vhulaha.’

JEREMIA 38:9

“Thovhele muṋe wanga, havha vhathu vho tshinya nga zwe vha ita muporofita Jeremia. Vho mu posa bidzini; u ḓo fa nga nḓala, a hu tshee na zwiḽiwa fhano muḓini.”

JEREMIA 52:6

Nga ḓuvha ḽa vhuṱanu na vhuṋa ḽa ṅwedzi wa vhuṋa nḓala afho muḓini yo vha yo no hulela lwe ha vha hu si tshee na zwiḽiwa zwine vhathu vha nga ḽa.

ZWILILO 1:8

Jerusalema o tshinya zwihulu. Zwenezwo zwa mu kumadza unga musadzi a no khou vhona ṅwedzi. Vhoṱhe vhe vha vha vha tshi mu hulisa vha vho mu nyadza nge vha mu vhonela; ene muṋe u a gomela a sedza thungo nga ṱhoni.

ZWILILO 1:9

O vha a songo elekanya zwa matshelo, zwino tshika yawe yo nambatela zwiambaro zwawe. O wa lu ofhisaho; a hu na ane a nga mu khuthadza. “Yawee Muṋe washu, edzou sedza u ṱungufhadzwa hanga, vhona, swina ḽo kunda.”

ZWILILO 2:11

Maṱo anga o neta nga u lila, ngomu hanga hu tou duga. Mbilu yanga yo tevhutshela fhasi nge vhathu vhanga vha lozwiwa. Vhana na dzitshetshe vha ṋokela mikotoni ya muḓi,

ZWILILO 2:12

vha vhudzisa vhomme avho vha ri, “Vhurotho na waini zwi ngafhi?” vha tshi ṋoka mikotoni ya muḓi unga vhanna vho rungwaho nga pfumo; vha fela ngozwini.

ZWILILO 2:20

“Yawee Muṋe washu, edzou sedza u elekanye uri: We wa vhuya wa mu ita nga u rali ndi nnyi? Vhasadzi vha vho ḽa zwibebwa zwavho, vhana vhavho vhe vha tou vha mamisa vha vha alusa. Tshifhe na muporofita vha vhulawa thembeleni ya Muṋe washu.

ZWILILO 5:1

Muṋe washu, elelwa zwo ri welaho, edzou sedza u vhone ṱhoni dzashu.