ZWILILO 1:1 - BIVHILI KHETHWA Mafhungo Madifha

¹ Yowee! Uḽa muḓi we wa vha wo ḓala vhathu, a u tsha dzula muthu! Wo vha u muhulwane vhukati ha dzitshakha, zwino u vho tou nga tshilikadzi! O vha e mufumakadzi vhukati ha mashango, zwino o no vha phuli!

ZWILILO 1:1 Iomraidhean Croise

1 MAHOSI 4:21

Solomoni o vha a tshi vhusa mivhuso yoṱhe u bva mulamboni wa Yufuratha u swika shangoni ḽa Vhafilista, u vhuya u swika masakhani a Egipita. Vhathu vha mashango hayo vho vha vha tshi thela muthelo, nahone vho vha vhalanda vha Solomoni vhutshilo hawe hoṱhe.

2 MAHOSI 23:33

Farao Nikho wa Egipita a mu vhofha nga dzigeḓane a mu vhea muḓini wa Ribila shangoni ḽa Hamathi uri a si kone u vhusa Jerusalema, a thelisa vhathu vha Juda khilogiramu dza 3 400 dza siliva na khilogiramu dza 34 dza musuku.

2 MAHOSI 23:35

Jehoyakimu a ṋea Farao Nikho siliva na musuku nga he a zwi ṱoḓa ngaho. Izwo o zwi kona nga u thelisa shango, vhathu vha shango vha bvisa siliva na musuku zwi tshi ya nga zwine vha vha nazwo.

2 KORONIKA 9:26

Solomoni o vha a tshi vhusa mahosi oṱhe u bva mulamboni wa Yufuratha u swika shangoni ḽa Vhafilista u vhuya u swika nga masakha a Egipita.

ESRA 4:20

Jerusalema ho vhuya ha vha na mahosi a maanḓa a tshi vhusa ḽoṱhe ḽa Seli-ha-Yufuratha, a tshi thelisa vhathu mithelo na nduvho dza tshakha-tshakha.

NEHEMIA 5:4

Nga ngeno vhaṅwe vha ri, “Riṋe ro tou pamba tshelede uri ri thele muthelo wa musanda nga u tou vhetshedzela masimu ashu na masimu a minḓirivhe.

NEHEMIA 9:37

Zwine shango ḽa bveledza zwi dzhiwa nga mahosi vhe wa ita uri vha ri vhuse nge ra tshinya. Vha ita zwine vha funa nga riṋe na kholomo dzashu, ri khomboni khulu!

DZIPHISALEMA 122:4

Ndi hune matsinde a Israele a gonya hone, matsinde a Muṋe washu. Vha yo renda dzina ḽa Muṋe washu, nga he a laya Israele.

YESAYA 14:12

Iwe Masase i penyaho, ṅwana wa mapfuvhi, wo wa hani u tshi bva ṱaḓulu! Zwiḽa kale wo kunda dzitshakha, fhedzi zwino na iwe wo poswa fhasi.

YESAYA 22:2

Muḓi woṱhe wo vusa vilinga, hu pfala u zhamba na u nyanyuwa; vhanna vho fa, hone a vho ngo fa nga pfumo, a vho ngo fa nndwani.

YESAYA 3:26

khoroni dzau hu ḓo pfala mukosi na tshililo; u ḓo nga musadzi ó sokou khotha, ó ṱangulwa.

YESAYA 49:21

“Ndi hone u tshi ḓo amba nga mbilu wa ri, ‘We a mmbebela vhana vhangafhangafha ndi nnyi? Ndo vha ndi si na vhana, ndí muumba, ndó thathiwa, ndó landulwa, zwino we a alusa avha ndi nnyi? Ndo vha ndo sala ndi ndoṱhe, zwino vhana avha vha bvafhi?’ ”

YESAYA 50:5

Muṋe wa zwoṱhe Muṋe washu o kolongonya nḓevhe dzanga, nṋe nda si mu vutshele, nda si teledze.

YESAYA 52:2

Iwe Jerusalema, fhufhura buse ḽau! Takuwa! Dzula kha khuluṋoni! Iwe Tsioni musidzana wa ḽithubwa, vhofholola geḓane dzo u hungaho mukulo.

YESAYA 52:7

Ṋayo dza a no ḓisa mafhungo mavhuya dzi tshi gidima nṱha ha dzithavha, zwo naka hani! Zwi takadza hani a tshi ḓivhadza a mulalo, a tshi ḓisa mafhungo a takadzaho, a tshi ḓivhadza a u tshidzwa ha vhathu, a tshi vhudza Tsioni a ri, “Mudzimu wau u a vhusa!”

YESAYA 54:4

U songo ofha, a u tsha ḓo dovha wa shona; u songo vha na ṱhoni, a u tsha ḓo dovha wa nyadziswa; u ḓo hangwa vhuaḓa he wa ita u tshee muṱuku, wa si tsha elelwa u nyadziwa hau zwiḽa u tshee tshilikadzi.

JEREMIA 31:7

Muṋe washu u ri, “Imbelani Jakopo nga dakalo, pembelelani lushaka lu fhiraho dzoṱhe. Thendo dzaṋu nga dzi pfale, ni ri, ‘Yahavee o tshidza vhathu vhawe, vhone Vhaisraele vho salaho.’

JEREMIA 40:9

Gedalia ṅwana wa Ahikamu, ṅwana wa Shafani, a vha fulufhedzisa nga muano a ri, “Ni songo ofha u shumela Vhababele. Dzulani shangoni heḽi ni shumele khosi ya Babele, ndi hone zwi tshi ḓo ni nakela.

JEREMIA 42:2

ha muporofita Jeremia vha mu humbela vha ri, “Nga vha dzou thetshelesa khumbelo yashu, vha rabele Muṋe washu Mudzimu wavho vha tshi rabelela tsalela hedzi dza vhathu dzoṱhe. Na vhone vha khou tou zwi vhona uri nangwe kale ro vhuya ra vha vhanzhi, zwino ro no tou sala ri vha si gathi.

JEREMIA 44:2

“Yahavee Mulangazwoṱhe Mudzimu wa Israele u ri: Inwi vhaṋe no vhona khombo khulu ye nda i ḓisa Jerusalema na miḓini ya Juda. Ṋamusi a i tsha dzula vhathu, ndi matumba

JEREMIA 44:6

Ndi zwe mbiti dzanga dzi ofhisaho dza shuluwa; ndo sinyutshela miḓi ya Juda na magondo a Jerusalema nda zwi ita matumba a sa dzuli muthu sa zwine ṋamusi zwa vhonala zwo ralo.

JEREMIA 50:23

Nundo ye ya vha i tshi pwasha ḽifhasi ḽoṱhe yo pwashea ya balangana! Tshakha dzoṱhe dzi vhona Babele e matumba.

JEREMIA 9:11

Muṋe washu u ri, “Jerusalema ndi ḓo hu ita thulwi ya matumba, hu ḓo vha vhudzulo ha dziphunguhwe; miḓi ya Juda ndi i ita soga hu sa dzuli muthu.”

ZWILILO 1:19

Ndo vhidzelela khonani dzanga, hone vho nndaṱedza. Vhotshifhe vhanga na magota anga vha lovhela henefha muḓini vha tshi khou ṱoḓa zwiḽiwa uri vha tshile.

ZWILILO 2:1

Muṋe washu o tiba Tsioni, ṅwananyana wa lunako, nga gole ḽa mbiti dzawe! Vhugala ha Israele o vhu posa fhasi, ha bva ṱaḓulu ha wela mavuni; musi wa mbiti dzawe ho ngo tsha elelwa thembele yawe, vhukando ha milenzhe yawe.

ZWILILO 2:10

Vhahulwane vha Tsioni vha dzula mavuni vho sokou tshete; vho ḓishela mavu ṱhohoni vha ambara madzanganda. Vhasidzana vha kotamisa dziṱhoho.

ZWILILO 4:1

Yowee, musuku a u tsha penya, musuku u songo vangwaho wo rivha! Nungu khethwa dzo balangana na mikoto!

ZWILILO 5:16

Ṱhohoni a ri tshee na tshiala, tsho wa. Ro tshinya, ro zwi vhona!

ESEKIELE 26:16

Vhavhusi vhoṱhe vha lwanzhe vha ḓo takuwa kha khuluṋoni dzavho vha vhea khanzu dzavho nga thungo, vha bvula nguvho dzavho dza maṱeleṱele. Vha ḓo fuka nyofho, vha dzula fhasi vha ṱwa vha tshi tetemela, vho tshenuswa nga zwo u welaho.

ESEKIELE 26:2

“Iwe ṅwana wa muthu, vhunga vha Tiro vho nzhonzhowedza Jerusalema vha ri, ‘Ahaa! Uḽa muḓi we wa vha u tshi pfi Khoro ya Dzitshakha wo phusukanywa, wo sala u matumba; zwino ro vulelwa khoro, lupfumo lu ḓo vha lwashu!’

ESEKIELE 5:5

Muṋe wa zwoṱhe Muṋe washu u ri, “Hoyu ndi muḓi wa Jerusalema, ndo u vhea vhukati ha dzitshakha, wo tangwa nga mashango asili.

LIVITIKO 26:31

nda phusukanya miḓi yaṋu ya sala i matumba, nda phusukanya pfamo dzaṋu hune na luvha hone, nda landula nduvho dzaṋu.

LIVITIKO 26:33

Ndi ḓo ni ḓisela nndwa nda ni balanganya na mashango asili. Shango ḽaṋu ḽi ḓo sala ḽi si na muthu, miḓi yaṋu ya sala i matumba.

TSEFANIA 2:15

Ndi zwone zwine zwa ḓo wela muḓi uḽa wa mifhululu, we wa vha u tshi dzula u sa ofhi tshithu. Wo amba nga mbilu wa ri, “Muḓi ndi nṋe, a hu na muṅwe u no nga nṋe.” Zwino wo no vha matumba, wo no vha vhudzulo ha phukha dza ḓaka! Vhoṱhe vhafhiri vha nḓila vha lidza muludzi, vha dzungudza mavili vha tshi u holedza.

NZUMBULULO 18:7

U shengedzeni u gomele, zwi nge vhugala na miḓifho ye wa ḓiitela! U dzula u tshi ḓifhima u tshi ri, ‘Ndo thukha hafhano nṋe mufumakadzi! A thi tshilikadzi; ndi nga si vhuye nda shengela.’