VHAFILIPI 4:3 - BIVHILI KHETHWA Mafhungo Madifha

³ Na inwi mushumi nga nṋe a fulufhedzeaho, ndi ni humbela uri ni farise vhasadzi havho. Vho ḓidina vhe na nṋe na Klementsi na vhaṅwe vhashumisani na riṋe ri tshi anḓadza mafhungo maḓifha. Avho madzina avho a buguni yo ṅwalwaho maḽaifa a vhutshilo.

VHAFILIPI 4:3 Iomraidhean Croise

DZIPHISALEMA 69:28

Madzina avho nga a thuthwe buguni ya vha tshilaho! Kha vha bviswe kha mutevhe wa vhathu vhau vha fulufhedzeaho!

EKISODA 32:32

A u vha hangweli zwavho naa? Hone arali u sa vha hangweli, izwo thutha dzina ḽanga buguni ye wa ṅwala madzina a vhathu vhau.”

YESAYA 4:3

Muṅwe na muṅwe ane a ḓo vha o sala Tsioni, we Mudzimu a mu nanga uri a sale Jerusalema a si fe, u ḓo pfi mukhethwa.

ESEKIELE 13:9

Ndi ḓo angaladza tshanḓa tshanga nda rwa vhaporofita vha mabono a si na tshithu ngomu, vha bvumba mazwifhi; a vha nga ṱanganedzwi khoroni ya vhathu vhanga, madzina avho a nga si ṅwalwe Buguni ya vhathu vha Israele, a vha nga kandi mavuni a ḽa Israele; ndi hone ni tshi ḓo zwi ḓivha uri ndi Nṋe Muṋe wa zwoṱhe Yahavee.

DANIELE 12:1

“Misi yeneyo hu ḓo bvelela Mikaele muruṅwa muhulwane ane a londola vhathu vha haṋu. Hu ḓo vha na u tambula huhulu, hu sa vhuyi ha vhambedzwa na he ha vhuya ha vha hone tshee tshakha dza vha hone. Musi tshifhinga tshenetsho tshi tshi swika, vhathu vha haṋu vha ḓo tshidzwa, vhoṱhe vhe madzina avho a ṅwalwa buguni ya Mudzimu.

LUKASI 10:20

Tshi re hone ni songo sokou takadzwa nga u kona u pandela thuṅwa dza Saṱhane, takalani nge madzina aṋu a ṅwalwa ṱaḓulu.”

VHAROMA 12:1

Ndi a ni kwengweledza-ha vha hashu, vhunga Mudzimu o ri pfela vhuṱungu vhungafhangafha, ndi ri: ḓikumedzeni tshoṱhe ni vhe nduvho khethwa i tshilaho, i takadzaho Mudzimu. Ndi hone u luvha Mudzimu zwi tshi bva mbiluni.

VHAROMA 16:12

na Thraifina na Thraifosa, vhashumi vha biko kha zwa u shumela Khristo; na Pheresisi khaladzi anga ane nda mu funa, we a shumela Muṋe washu zwinzhi;

VHAROMA 16:9

na Urbanosi we ra vhuya ra shumisana mushumoni wa Khristo, na Stakisi khonani ine nda i funa.

VHAFILIPI 1:12

Vha hashu, ndi funa ni tshi ḓivha uri zwe zwa nngwela zwo ḓo ita uri mafhungo maḓifha a ṋaṋe u bvela phanḓa.

VHAFILIPI 1:16

Vhone vha zwi ita nga u mpfuna, ngauri vha a ḓivha uri Mudzimu o nnḓisa fhano uri ndi lwele mafhungo maḓifha.

VHAFILIPI 1:27

Zwino tshihulwane tshilani lwo fanelaho mafhungo maḓifha a Khristo. Ndi hone ni tshi ḓo ima no khwaṱha ni na muya muthihi na mbilu nthihi ni tshi farisana kha nndwa ya u lwela uri vhathu vha tende mafhungo maḓifha. Arali nda swika henefho nga tsha vhukoma kha ndi wane ni tshi kha ḓi zwi ita; nangwe nda kundwa u swika, kha ndi pfe zwenezwo.

VHAFILIPI 1:5

ngauri tshi tsheetsho u swika zwino no vha ni tshi ḓi shumisana na nṋe kha u ḓivhadza mafhungo maḓifha.

VHAFILIPI 1:7

A thi ni hangwi, nahone ndi vhona zwo fanela ndi sa hangwi na muthihi waṋu, ngauri ro kovhekana roṱhe hei mpho ye Mudzimu a mpha. Ri khazwo roṱhe naho zwino ndi dzhele; na musi ndi tshi sengiselwa mafhungo maḓifha nda khwaṱhisa uri ndi mafhungo a ngoho, ro ḓi vha khazwo roṱhe.

VHAFILIPI 4:2

Inwi Iodia na Sintike, ndi khou ni kwengweledza ndi ri: anḓanani nga tshaṋu vhunga noṱhe ni vha Muṋe washu.

VHAKOLOSA 1:7

Ndi eneaḽa e na funzwa nga Ephafrasi mushumi nga riṋe – onoyo mushumeli wa Khristo ane a ni shumela lwa u fulufhedzea ri mu funa hani –

NZUMBULULO 13:8

Vhoṱhe vha dzulaho fhano shangoni vha ḓo ḽi luvha; vhane vha sa ḓo ḽi luvha ndi vhenevho fhedzi vhe madzina avho a dzula o ṅwalwa buguni ya vhutshilo shango ḽi sa athu sikwa, buguni ya Ngwana yo ṱhavhiwaho.

NZUMBULULO 17:8

Iḽo ḽivhanda ḽo vhuya ḽa vha hone, fhedzi zwino a ḽi tsha tshila; ḽi ḓo ṱuwa ḽi tshi bva dindini, ḽa fhedza nga u lozwiwa. Vhathu vha dzulaho fhano fhasi vhe madzina avho a si ṅwalwe buguni ya vha tshilaho tshee shango ḽa sikwa, vha ḓo kanuka vha tshi vhona ḽivhanda iḽo ḽe ḽa vhuya ḽa vha hone, fhedzi zwino ḽi si tsheeho, ḽi tshi ḓo dovha ḽa vhonala.”

NZUMBULULO 20:12

Nda vhona vhafu, vhahulwane na vhaṱuku, vho ima henefho phanḓa ha khuluṋoni, bugu dza vulwa. Ha dohwa ha vulwa iṅwe bugu; ndi bugu ya vha tshilaho. Ndi hone vhafu vha tshi haṱulwa hu tshi tevhedzwa mishumo yavho nga he ha ṅwalwa dzibuguni.

NZUMBULULO 20:15

Muṅwe na muṅwe we dzina ḽawe ḽa vha ḽi songo ṅwalwa buguni ya vha tshilaho a kudzwa ishani ḽeneḽo ḽa mulilo.

NZUMBULULO 21:27

Henefho a hu nga dzheni na tshithihi tsho kumalaho; hu ḓi nga ane a ita zwi shonisaho kana ane a zwifha a nga si dzhene; vhane vha ḓo dzhena ndi vhe madzina avho a ṅwalwa buguni ya vha tshilaho, buguni ya Ngwana.

NZUMBULULO 3:5

“ ‘Ane a ḓo kunda nndwani iyo u ḓo ambadzwa nguvho dzenedzo tshena. A thi nga vhuyi nda thutha dzina ḽawe buguni ya vha tshilaho. Ndi ḓo tou bula phanḓa ha Khotsi anga na vharuṅwa nda ri hoyu ndi wanga.