VHAFILIPI 3:3 - BIVHILI KHETHWA Mafhungo Madifha

³ A si vhone vho fumbaho lwa ngoho havhaḽa, vho fumbaho lwa ngoho ndi riṋe vhane ra shumela Mudzimu nga maanḓa a Muya wawe ra zuwa Khristo Yesu, ri sa ḓitiki nga hezwo zwa u fumbisa muvhili zwawo,

VHAFILIPI 3:3 Iomraidhean Croise

DZIPHISALEMA 105:3

Zuwani dzina ḽawe ḽikhethwa; mbilu dza vhane vha mu ṱoḓa nga dzi takale.

YESAYA 45:25

hone Muṋe washu a tshi haṱula u ḓo ima na vhaḓuhulu vhoṱhe vha Israele, vhone vha mu khoḓa.

JEREMIA 4:4

Ḓifumbiseleni Nṋe Yahavee, ni tou fumba mbilu, inwi vhanna vha Juda na vhathu vha Jerusalema, mbiti dzanga dzi sa ḓo pwashea dza duga unga mulilo nga mulandu wa vhuvhi he na ita, dza ri u duga ha si vhe na a dzi dzimaho.”

JEREMIA 9:26

vhathu vha Egipita na Juda na Edomo na Amoni na Muaba na vhoṱhe vha no vheula ṱhaha vha dzulaho phangani mashangoni a kule. Tshakha hedzo dzoṱhe a dzo ngo fumba zwa ngoho, Vhaisraele vhone a vho ngo fumba mbiluni.”

MALAKIA 1:11

Vhukuma dzina ḽanga ndi ḽihulu vhukati ha dzitshakha, u bva vhubvaḓuvha u swika vhukovhela. Hoṱhe-hoṱhe ndi dubiselwa zwioro nda ṋekedzwa nduvho dzi si na tshika, ngauri dzina ḽanga ndi ḽihulu vhukati ha dzitshakha. Hu amba Nṋe Yahavee Mulangazwoṱhe.

VHAROMA 1:9

Mudzimu ndi ṱhanzi: a thi ni hangwi misi yoṱhe ndi tshi rabela. Ene Mudzimu ane nda mu shumela nga mbilu yanga yoṱhe ndi tshi ḓivhadza mafhungo maḓifha a Murwa wawe, u a zwi ḓivha. Tshine nda mu humbela ndi uri arali a tshi funa ndi vhuye ndi vulelwe nḓila ya u ni dalela-vho.

VHAROMA 15:17

Zwino nge nda vha wa Yesu Khristo ndi na zwine nda nga kona u zuwa zwe nda shuma kha zwa Mudzimu.

VHAROMA 7:6

Hone zwino nge ra fa, ro vhofhololwa kha Mulayo, uḽa we a vha o ri vhofha kale o felwa. A ri tsha shumela Muṋe washu nga nḓila ya kale ya u tevhedza Mulayo wo ṅwalwaho, ri vho mu shumela nga nḓila ntswa ya Muya wawe.

VHAROMA 8:15

Muya we Mudzimu a ni ṋea ha ri iti phuli dzine dza sokou dzula dzi na nyofho, u ri ita vhana vha Mudzimu a ri konisa u vhidzelela ra ri, “Baba, Muṋe wanga!”

VHAROMA 8:39

hu zwa ṱaḓulu, hu zwa fhasi, hu tshiṅwe tshisikwa-vho – a tshiho tshine tsha nga ri fhandekanya na lufuno lwa Mudzimu lwe a ri itela nga Khristo Yesu Muṋe washu.

VHAROMA 9:6

A zwi ambi uri ipfi ḽa Mudzimu ḽo pfuvha; a si uri vhoṱhe vha lutsinga lwa Israele ndi Vhaisraele vhukuma.

2 VHAKORINTA 11:18

Vhunga hu na vhanzhi vhane vha zuwa zwa vhathu, na nṋe ndi ḓo ralo.

VHAGALATA 5:25

Muya ndi Ene o ri ṋeaho vhutshilo; kha a vhe Ene-ha ane a ri langa.

VHAGALATA 6:16

Vhoṱhe vhane vha ḓiela nga muelo wonoyo, vha re vhone Vhaisraele vha Mudzimu, ngavhe vha tshi vha na mulalo vha itelwa vhuthu.

VHAEFESA 6:18

Zwoṱhe hezwo zwi humbeleni nga thabelo. Dzulani ni tshi rabela ni tshi endedzwa nga Muya Mukhethwa. Zwenezwo dzulani no fhaṱuwa ni sa neti, ni tshi rabelela vhakhethwa vhoṱhe vha Mudzimu,

DOTORONOMIO 10:16

“Ndi zwone, laṱani tshipimbi tshaṋu; unga no fumba mivhili, fumbani-ha na mbiluni dzaṋu!

DOTORONOMIO 30:6

“Ndi hone Muṋe washu Mudzimu waṋu a tshi ḓo fumbisa mbilu dzaṋu na dza vhana vhaṋu uri ni kone u mu funa nga mbilu yoṱhe na nga zwoṱhe zwine na vha zwone, na tshila,

VHAFILIPI 1:1

Ndi nṋe Paulo, na Timoti, vhaḓinḓa vha Khristo Yesu. Ri ṅwalela inwi noṱhe vhakhethwa vha Mudzimu vha ngeo Filipi, inwi ni re vhathihi na Khristo Yesu, khathihi na vhalisa na madikoni vha tshivhidzo.

VHAFILIPI 3:12

A si uri ndo no zwi kona, a si uri ndo no vha muthu o khunyelelaho; tshi re hone ndi tou fungelela nda hovhelela nda nga ndi sa zwi fara, vhunga na nṋe Khristo Yesu o mpfara.

VHAFILIPI 3:14

Ndi gidima ndo tou oma ndo livha phanḓa hune mbambe ya guma hone uri ndi wane tshiphuga. Tshiphuga itsho ndi u wana zwa ngei ṱaḓulu zwe Mudzimu a ri vhidzela zwone nga Khristo Yesu.

VHAKOLOSA 2:11

Na u fumba no no ḓi fumba nge na vha vhathihi nae, hu si u fumba hu itwaho nga vhathu lini, hai, no fumbiswa nga Khristo. U fumba ndi amba u bvula tsiko yaṋu ya kale.

JUDASI 1:20

Hone inwi vhafunwa, ḓialuseni kha lutendo lwaṋu lukhethwakhethwa, ni ḓi rabela nga maanḓa a Muya Mukhethwa.