NUMERI 9:21 - BIVHILI KHETHWA Mafhungo Madifha

²¹ Tshiṅwe tshifhinga gole ḽo vha ḽi tshi dzula henefho u bva nga madekwana u swika nga matsheloni, gole ḽi tshi tou takuwa na vhone vha takuwa vha fara lwendo. Kana ḽo takuwa masiari kana vhusiku, hezwo gole ḽi tshi tou takuwa, vha mbo thoma u tshimbila.

NUMERI 9:21 Iomraidhean Croise

NEHEMIA 9:12

Masiari wa vha endedza nga gole, vhusiku nḓila yavho wa i vhonetshela nga mulilo.

NEHEMIA 9:19

Hone Iwe a wo ngo vha ṱutshela henefho phangani, ngauri khathutshelo yau ndi khulu. A wo ngo ṱusa gole kana mulilo zwe zwa vha sumbedza nḓila vhusiku na masiari.

NUMERI 9:20

Tshiṅwe tshifhinga gole ḽo vha ḽi tshi alama nṱha ha dennde maḓuvha a si gathi, ya vha ndaela ya Muṋe washu ya uri vha dzule henefho, vha dovha vha pfuluwa vha tshi tevhedza ndaela ya Muṋe washu.

NUMERI 9:22

Arali gole ḽi tshee ḽo alama nṱha ha dennde naho a vha maḓuvha mavhili kana ṅwedzi kana maḓuvha manzhi, vho vha vha sa tshimbili vha fhirela phanḓa, hone arali ḽi tshi takuwa, vho vha vha tshi fhirela phanḓa.