NUMERI 8:19 - BIVHILI KHETHWA Mafhungo Madifha

¹⁹ nahone ndi dzhia Vhalivi nda vha ṋea Aroni na vhana vhawe vha vha tshifhiwa tshi bvaho kha Vhaisraele, vha shumele Vhaisraele denndeni ya u ṱangana na Nṋe, vha pfumelele Vhaisraele vha vha tsireledze kha khombo ine ya nga vha vhulaha arali vho sendela tsini ha fhethu hukhethwa.”

NUMERI 8:19 Iomraidhean Croise

EKISODA 12:50

Vhaisraele vhoṱhe vha thetshelesa, vha tevhedza ndayo dze Muṋe washu a ṋea Mushe na Aroni.

NUMERI 1:50

Vhalivi vhone u vha vhetshele u sedza zwa dennde ya mbulungelo ya mulanga na thundu dzayo dzoṱhe. Vha ḓo i hwala na thundu dzayo, vha shuma ngomu hayo, vha ṱoka mishasha yavho u mona nayo.

NUMERI 1:53

Hone Vhalivi vha ṱoke mishasha yavho u mona na dennde uri vha i linde, hu songo vhuya ha sendela muthu tsini hayo a ntsinyusa nda vhulaha vhathu vha Israele.”

NUMERI 16:46

Mushe a vhudza Aroni a ri, “Nga vha mbo ḓi dzhia tshidongo tshavho tsha mulilo, vha longe masimbe a mulilo a no bva kha aḽiṱari, vha ṋuṋedze zwioro kha ayo masimbe. Vha gidimele natsho hune vhathu vha vha hone, vha vha pfumelele. Nga vha ṱavhanye! Muṋe washu o no sinyuwa, na bulayo ḽo no thoma.”

NUMERI 8:18

Zwino ndi khou dzhia Vhalivi vhudzuloni ha matanzhe oṱhe a Vhaisraele,

NUMERI 8:20

Ndi hone Mushe na Aroni na Vhaisraele vhoṱhe vha tshi kumedza Vhalivi sa zwe Muṋe washu a laya Mushe.

1 SAMUELE 6:19

Huno Mudzimu a vhulaha vhanna vha 70 vha Bethe Shemeshe nge vha ṱolela ngomu ha mbulungelo ya Muṋe washu. Vhathu vha lila nge Muṋe washu a vha rwa zwingafho.