NUMERI 7:1 - BIVHILI KHETHWA Mafhungo Madifha

¹ Musi we Mushe a fhedza u akha dennde ya u ṱangana na Muṋe washu, o i ḓodza, a i kumedza Mudzimu na thundu dzayo dzoṱhe, khathihi na aḽiṱari na thundu dzayo dzoṱhe.

NUMERI 7:1 Iomraidhean Croise

GENESI 2:3

Mudzimu a ri ḓuvha ḽa vhuṱanu na vhuvhili ḽi vhe na mashudu, ḽi vhe ḽikhethwa, nge a awela ngaḽo ó fhedza mushumo wawe woṱhe wa u sika.

1 MAHOSI 8:64

Musi wonoyo khosi ya hangula tshipiḓa tsha vhukati tsha muṱa u re phanḓa ha thembele ya Muṋe washu, henefho ya ṋekedza tshiṱhavhelo tshi fhiswaho na nduvho ya thoro na mapfura a zwiṱhavhelo zwa u konana na Mudzimu, ngauri aḽiṱari ya musinaseṱha i re phanḓa ha Muṋe washu yo vha yo ṱukufhalesa, zwiṱhavhelo zwi fhiswaho na nduvho dza thoro na mapfura a zwiṱhavhelo zwa u konana na Mudzimu zwi sa fheleli khayo.

EKISODA 13:2

“Matanzhe oṱhe a zwiduna kha ḽa Israele a sumelwe Nṋe, tshiduna tshiṅwe na tshiṅwe tshine tsha ranga u bebwa, a nga vha muthu kana tsha vha tshifuwo, ndi tshanga.”

EKISODA 29:36

“Ḓuvha ḽiṅwe na ḽiṅwe ḽa hayo maḓuvha u ṋekedze tshiṱhavhelo tsha mboho tshi vhe tshipfumelo tsha vhutshinyi. U tshi ṋekedza tshiṱhavhelo tshine tsha vha tshipfumelo tsha vhutshinyi u ḓo vha u tshi khou kumulula aḽiṱari. Zwenezwo u i ḓodze nga mapfura a muolivi i vhe khethwa.

EKISODA 40:11

U nkumedze na sambelo na tshiraho tshaḽo nga u ralo.

NUMERI 17:2

“Vhudza Vhaisraele vha u fhe mbaḓa dza 12, murangaphanḓa wa tsinde ḽiṅwe na ḽiṅwe a ḓise luthihi. U ṅwale dzina ḽa munna muṅwe na muṅwe kha lubaḓa lwawe,

NUMERI 7:10

Musi we aḽiṱari ya ḓodziwa, vharangaphanḓa vha ḓisa na nduvho dza u i kumedza Mudzimu. Musi vho no ḓilugisela u swikisa zwifhiwa zwavho aḽiṱarini,

NUMERI 7:84

Nduvho dzoṱhe dzo ḓiswaho nga vharangaphanḓa vha 12 dza u kumedza aḽiṱari ndi hedzi: – midzio ya 12 ya siliva na masambelo a 12 a siliva, zwó ṱangana zwi tshi lemela khilogiramu dza 27,6 – ndilo dza 12 dza musuku, dzó ṱangana dzi tshi lemela khilogiramu dza 1,5, dzó ḓala zwioro – mboho dza 12 na thutha dza 12 na ngwana dza 12 dza ṅwaha muthihi, khathihi na nduvho dza thoro dzine dza tshimbila nadzo, dza zwiṱhavhelo zwi fhiswaho – mbudzi dza 12 dza nduvho ya tshipfumelo – mboho dza 24 na thutha dza 60 na mbudzi dza 60 na ngwana dza 60 dza ṅwaha muthihi, dza nduvho dza u konana na Mudzimu.

MATIOSI 23:19

Mabofu ndinwi! Matsina tshihulwane ndi tshifhio? Ndi nduvho kana ndi aḽiṱari ine ya ita na nduvho uri i vhe khethwa?