NUMERI 6:5 - BIVHILI KHETHWA Mafhungo Madifha

⁵ “Zwenezwo a tshee o vhoxwa nga muano wa munaziri, a songo vhuya a vheula mavhudzi awe kana a palula ṱhoho. O vhofhiwa nga mulayo wonoyo tshifhinga tshoṱhe tsha musi o ḓikumedza Yahavee, nga a litshe mavhudzi awe na ndebvu dzawe zwi aluwe.

NUMERI 6:5 Iomraidhean Croise

ESEKIELE 44:20

“ ‘Vha songo palula ṱhoho dzavho, nahone vha songo litsha mavhudzi avho a tshi lapfesa; vha fanela u a tumelela lwo eḓanelaho.

NUMERI 6:4

Zwenezwo a tshi kha ḓi vha munaziri, a songo ḽa tshithu tsho itwaho nga munḓirivhe, naho tsho itwa nga mbeu kana makanda a nḓirivhe.

MISHUMO 18:18

Paulo a dzula Korinta na vhaṅwe Vhakhriste tshifhinga tshilapfu, a konou ṱuwa nga tshikepe e na Phrisila na Akwila vha ya Siria. Hone a sa athu takuwa Khengria, o vheulisa mavhudzi awe, ngauri o vha o anela Mudzimu muano.

VHARANGAPHANḒA 13:5

ngauri u ḓo vha muthu wa thovhela wa beba ṅwana wa mutukana. A songo vhuya a geriwa mavhudzi, ngauri musi wonoyo une a bebwa u ḓo kumedzwa Mudzimu a vha munaziri. Ene u ḓo vha ene wa u thoma u lamukisa Vhaisraele kha Vhafilista.”

VHARANGAPHANḒA 16:17

a fhedza nga u mu vhudza a ri, “Mavhudzi anga ha athu vhuya a vheulwa. Ndo kumedzwa Mudzimu nda vha munaziri u bva tshee nda bebwa. Nda vheulwa mavhudzi, maanḓa anga a ḓo ṱuwa nda shaya nungo u ḓi nga muṅwe na muṅwe.”

VHARANGAPHANḒA 16:19

Delila a siamedza Simisoni tshirumbi tshawe a mu ladza, a konou vhidza munna a vheula mitsheli miṱanu na mivhili ya mavhudzi a Simisoni, ha vha hone a tshi vho kona Simisoni a sala a si tshee na maanḓa.

1 SAMUELE 1:11

A fulufhedzisa Muṋe washu a ri, “Muṋe washu Mulangazwoṱhe, arali wa sedza vhuṱungu hanga, wa nnyelelwa, wa si nkhangwe, wa mpha ṅwana wa mutuka, ndi ḓo mu kumedza Iwe Muṋe washu maḓuvha oṱhe a vhutshilo hawe, nahone a nga si vhuye a vheulwa mavhudzi.”