NUMERI 6:24 - BIVHILI KHETHWA Mafhungo Madifha

²⁴ “Muṋe washu nga a u shudufhadze a u londole;

NUMERI 6:24 Iomraidhean Croise

GENESI 28:15

Nṋe ndi na iwe, ndi ḓo u londola hoṱhe hune wa ya, nda u vhuisa shangoni heḽino. A thi nga u litshi; ndi ḓo vhuya nda khunyeledza zwe nda u fulufhedzisa.”

2 SAMUELE 7:29

Zwino ngavhe zwi tshi u takadza u shudufhadza nnḓu yanga, uri u ḓi dzula u tshi ri vhona, ngauri Iwe Muṋe wa zwoṱhe Muṋe washu wo amba wa shudufhadza nnḓu yanga, na zwino ri ḓo vha na mashudu lini na lini.”

DZIPHISALEMA 134:3

Vhotshifhe: “Muṋe washu, Musiki wa ḽiṱaḓulu na ḽifhasi, nga a ni shudufhadze e Tsioni.”

DZIPHISALEMA 17:8

Ntsireledze unga tshanga ya iṱo, nkuvhatedze nga phapha dzau,

DZIPHISALEMA 28:9

Tshidza lushaka lwau, u shudufhadze vha re vhau, vha lise u vha tike lini na lini.

DZIPHISALEMA 91:11

U ḓo ruma vharuṅwa vhawe, vha u londola nḓilani dzau dzoṱhe;

YESAYA 27:3

Nṋe Yahavee ndi a i londola, a thi fhidzi u i sheledza. Ndi i linda vhusiku na masiari hu sa ḓo ḓa muṅwe a tshinya.

YESAYA 42:6

u ri, “Ndi Nṋe Yahavee, a thi pfuki mulanga wanga, ndi zwe nda u vhidza; ndi ḓo u fara nga tshanḓa, nda u londola, nda vhofha mulanga na vhathu vhanga nga iwe, nda u ita tshedza tsha dzitshakha,

DANIELE 9:17

Zwino-ha Mudzimu washu, thetshelesa thabelo yanga ndi tshi u luvhelela Muṋe washu, tshifhaṱuwo tshau nga tshi dovhe tshi takale u tshi sedza hukhethwa hau ho ṱutshelwaho, u tshi itela Iwe muṋe.

JOHANISI 17:11

Zwino Nṋe a thi tsheeho fhano shangoni, ndi khou ḓa ha Iwe, ngeno vhone vha tshee fhano shangoni. Khotsi Mukhethwa, vha tsireledze vha dzule vho nambatela dzina ḽau, ḽeneḽi ḽe na Nṋe wa mpha ḽone, uri vha vhe tshithu tshithihi unga Nṋe na Iwe ri tshithu tshithihi.

1 VHAKORINTA 14:16

Arali u tshi khou renda Mudzimu nga muya wau fhedzi, muṅwe muthu zwawe a re henefho a nga kona hani u bvumela thabelo yau a ri “Amen”? Hufha a sa pfi zwine wa khou amba.

VHAEFESA 6:24

Vhathu vhoṱhe vhane vha funa Muṋe washu Yesu Khristo nga lufuno lu sa fi, ngavhe Mudzimu a tshi vha itela vhuthu.

VHAFILIPI 4:23

Ngavhe Muṋe washu Yesu Khristo a tshi tonda mimuya yaṋu noṱhe nga vhuthu nandi!

VHAFILIPI 4:7

Mulalo wa Mudzimu u sa ṱalukanywi nga muthu u ḓo linda mbilu dzaṋu na mihumbulo yaṋu uri ni dzule ni vha Khristo Yesu.

1 VHATHESALONIKA 5:23

Ngavhe Mudzimu, Ene Ṋemulalo, a tshi ni ita vhakhethwa tshoṱhe, a vhulunga muya na mbilu na muvhili, uri Muṋe washu Yesu Khristo a tshi vhuya a wane hu si na tshi no solisea.

1 PITROSI 1:5

Vhunga ni tshi fulufhela Mudzimu, u a ni pilela nga maanḓa awe, uri ni vhuye ni swike kha u tshidzwa ho khunyelelaho hune ra ḓo dzumbululelwa nga tshikhathi tsha vhufhelo.

JUDASI 1:24

Thendo dzashu nga dzi swikiswe ha Mudzimu nga Yesu Khristo Muṋe washu. Mudzimu u kona u ni vhulunga uri ni si khukhulwe a vhuye a ni imise phanḓa hawe na vhona vhugala hawe ni vhathu vha sa solisei, ni tshi pembela nga dakalo.

RUTE 2:4

Buasi a mbo swika masimuni a tshi bva Betlehema, a reshana na vhakaṋi a ri, “Muṋe washu a vhe na inwi!” Vhone vha mu fhindula vha ri, “Muṋe washu a vha shudufhadze!”

1 SAMUELE 2:9

“U linda ṋayo dza vhathu vhawe vha fulufhedzeaho, hone vhavhi vha ngalangala swiswini. Muthu ha kundi nga nungo dzawe nandi.