NUMERI 6:15 - BIVHILI KHETHWA Mafhungo Madifha

¹⁵ U ḓo dovha a ṋekedza na mufaro wa vhurotho vhu si na mbilisa: mikonde midenya ya vhukhopfu ho vangiwaho zwigaku zwo fhomiwaho nga mapfura a muolivi, khathihi na nduvho dzi ṱoḓeaho dza ṱhotshe na waini.

NUMERI 6:15 Iomraidhean Croise

EKISODA 29:2

na vhurotho vhu si na mbilisa, na khekhe dzi si na mbilisa dzo vangiwaho mapfura na makokisi a si na mbilisa o shashiwaho nga mapfura zwi tshi itwa nga vhukhopfu havhuḓi ha goroi.

YESAYA 62:9

iwe we wa kaṋa mavhele u ḓo ḽa vhuswa wa nthenda, iwe we wa fula nḓirivhe u ḓo nwa waini miṱani ya thembele yanga.”

JUELE 1:13

Inwi vhotshifhe, ambarani madzanganda ni lile, honḓani inwi ni no shuma aḽiṱarini. Iḓani, lalani no fuka madzanganda, inwi vhane na shumela Mudzimu wanga, ngauri nḓuni ya Mudzimu waṋu a hu tshee na nduvho ya thoro na ya waini.

JUELE 1:9

Nduvho ya thoro na nduvho ya waini a zwi tsha ḓo ṋekedzwa nḓuni ya Muṋe washu. Vhotshifhe vhane vha shumela Muṋe washu vha khou lila vha tou ṱavha mukosi.

JUELE 2:14

Ndi nnyi ane a zwi ḓivha uri a nga kha ḓi ni hangwela, a ni shudufhadza na wana khaṋo khulu, na konou ṋekedza Muṋe washu Mudzimu waṋu nduvho ya thoro na waini?

LIVITIKO 2:4

Arali nduvho i ya vhurotho ho bagiwaho ṋanḓoni, ho fanela u bagiwa vhu si na mbilisa. Vhu nga kha ḓi vha ha mikonde midenya ho bagiwaho nga vhukhopfu ho vangiwaho mapfura a muolivi kana makokisi o ḓodzwaho mapfura a muolivi.

LIVITIKO 7:12

Arali munna a tshi ṋekedza nduvho heino i tshi vha nduvho ya u livhuha Mudzimu, hezwi a tshi ṋekedza tshifuwo tsha tshiṱhavhelo a ṋekedze na nduvho ya vhurotho vhu si na mbilisa: i nga ḓi vha mikonde midenya ya vhurotho ho itwaho nga vhukhopfu ho vangwaho mapfura a muolivi kana makokisi o ḓodzwaho mapfura a muolivi kana khekhe dzo itwaho nga vhukhopfu ho vangiwaho mapfura a muolivi.

LIVITIKO 8:2

“Dzhia Aroni na vhana vhawe u vha ise muṋangoni wa dennde ya u ṱangana na Nṋe, u ḓise zwiambaro zwa vhotshifhe na mapfura a u vha ḓodza na mbohwana ya nduvho ya tshipfumelo na thutha mbili na mufaro wa vhurotho vhu si na mbilisa.

LIVITIKO 9:4

na mbohwana na thutha dza nduvho ya u konana na Mudzimu. Nga vha dzi ṋekedze Muṋe washu dzi na nduvho ya thoro yo vangiwaho mapfura. Vho fanela u ita nga u ralo, ngauri Muṋe washu u ḓo ḓisumbedza vhone ṋamusi.”

NUMERI 15:10

khathihi na ḽitha mbili dza waini. I ḓo vha nduvho i nukhelelaho i takadzaho Muṋe washu.

NUMERI 6:16

Tshifhe u ḓo dzhia zwoṱhe hezwo a zwi swikisa ha Muṋe washu, a ṋekedza nduvho ya tshipfumelo na nduvho i fhiswaho.

1 VHAKORINTA 10:31

Ndi zwone, hu musi ni tshi ḽa, hu musi ni tshi nwa, na tshini tshine na ita, tshihulwane ndi uri zwoṱhe kha zwi vhe zwa uri Mudzimu a rendwe.

1 VHAKORINTA 11:26

Zwino-ha misi yoṱhe ni tshi ḽa vhurotho uho na nwa tshinwelo itsho, ni ḓivhadza lufu lwa Muṋe washu, u swika a tshi vhuya.