NUMERI 6:12 - BIVHILI KHETHWA Mafhungo Madifha

¹² a dovha a ḓikumedza Muṋe washu a dovholola aḽa maḓuvha e a vha o fulufhedzisa u vha munaziri. Aḽa maḓuvha a u ranga ha tsha vhaliwa, nge a shatwa tshika e munaziri. U ḓo ḓisa ngwana ya ṅwaha muthihi ya vha nduvho ya tshipfumelo.

NUMERI 6:12 Iomraidhean Croise

EKISODA 12:5

“ ‘Itsho tshifuwo tsho fanela u vha tshi si na luvhadzi, tshi vhe tshiduna tshi sa fhiri ṅwaha muthihi, ni nga ḓi nanga kha nngu kana mbudzi.

ESEKIELE 18:24

“Huno arali a fulufhedzeaho a shanduka a si tsha fulufhedzea, a ita vhuvhi, a ita zwi nengisaho zwoṱhe zwine muvhi a ita, onoyo o fanela u tshila naa? Zwoṱhe zwe a ita a tshi fulufhedzea ndi ḓo zwi hangwa nge ene muṋe a ntshandukela a tshinya, u ḓo fela zwenezwo.

LIVITIKO 14:24

Tshifhe u ḓo dzhia iyo thuthana na mapfura a muolivi a zwi ṋekedza Muṋe washu i nduvho i imiselwaho nṱha.

LIVITIKO 5:6

o fanela u pfumelwa ha Muṋe washu nga nduvho ya phwidzi kana mbudzi ya tsadzi. Tshifhe nga a ṋekedze iyo nduvho i vhe tshipfumelo tsha uyo munna.

LIVITIKO 5:7

Arali munna a si na nngu kana mbudzi, nga a lifhe mulandu wawe nga u ṋekedza Muṋe washu maivha mavhili, ḽiṅwe ḽi ḓo vha nduvho ya tshipfumelo, ḽiṅwe ḽa vha nduvho i fhiswaho.

NUMERI 6:11

Tshifhe u ḓo ṋekedza ḽithihi ḽa vha nduvho ya tshipfumelo, ḽiṅwe ḽa vha nduvho i fhiswaho, uri hu itwe maitele a u mu kumulula nge a kwama tshitumbu. Nga ḓuvha ḽeneḽo uyo munna u ḓo dovha a kumedza mavhudzi awe

NUMERI 6:13

“Musi munaziri a tshi ṱhaphudza muano wawe, u ḓo ita maitele enea: U ḓo iswa muṋangoni wa dennde ya u ṱangana na Muṋe washu

MATIOSI 24:13

Hone ane a ḓo konḓelela a sa litshi, ndi ene ane a ḓo tshidzwa.

MATIOSI 3:15

Yesu a mu fhindula a ri, “Ni songo hana hezwino: zwo ri fanela u ita hezwi uri ri khunyeledze zwoṱhe zwo tiwaho nga Mudzimu.” Ndi hone Johanisi a tshi tenda.

JAKOPO 2:10

Hafhu naho muthu a tshi nga tevhedza Mulayo woṱhe, hone a pfuka kuga kuthihi zwakwo, o no ḓiovhela mulandu wa u pfuka milayo yoṱhe.

2 JOHANISI 1:8

Ni vhone ni sa ḓo xedza zwe ra zwi shumela, ndi hone ni tshi ḓo wana pfufho yaṋu yoṱhe.