NUMERI 5:27 - BIVHILI KHETHWA Mafhungo Madifha

²⁷ Arali o ita vhupombwe, maḓi a ḓo ita uri a pfe vhuṱungu nga maanḓa, thumbu yawe i ḓo kukumuwa, mbumbelo yawe ya hwetekana. Vhathu vha hawe vha ḓo teketelana nga dzina ḽawe.

NUMERI 5:27 Iomraidhean Croise

DZIPHISALEMA 109:18

O ambara maṱamba unga nguvho, eneo ngavhe a tshi nwelela malani awe, a nwelela maramboni awe unga mapfura;

MUFUNZI 7:26

Nda wana hu na musadzi a no kalakata u fhira lufu; ene muṋe ndi tshikwekwe, mbilu yawe ndi tshilibana, zwanḓa zwawe ndi geḓane. Ane a takadza Mudzimu u ḓo mu ponyoka, mutshinyi u ḓo fashiwa.

YESAYA 65:15

Nṋe Yahavee Muṋe wa zwoṱhe ndi ḓo ni vhulaha; vhanangiwa vhanga vha ḓo teketela maswina nga dzina ḽaṋu; hone vhalanda vhanga ndi ḓo vha ṋea dzina ḽiswa.

JEREMIA 24:9

Ndi ḓo vha ḓisela khombo lune tshakha dzoṱhe dza mashango dza ḓo ofha. Hoṱhe hune nda ḓo vha balanganya vha ḓo kolelwa nga vhathu, vha ita miswaswo ngavho, vha vha nyadza; vha tshi teketela muthu vha ḓo ri ngavhe a tshi welwa nga khombo yeneyo ye ya wela vhathu vha Juda.

JEREMIA 29:18

Ndi ḓo vha pandamedza nga pfumo na nḓala na dwadze nda ita uri mivhuso yoṱhe ya shango i tshenuwe i tshi vhona zwe nda vha ita, vha vha ṱano ḽa u teketelwa na zwi ofhisaho, na u nyadziwa na u shona vhukati ha tshakha dzoṱhe hune nda ḓo vha balanganyela hone.

JEREMIA 29:22

Mathubwa oṱhe a no bva Juda a re Babele vha tshi teketela muthu vha ḓo mu teketela nga madzina avho vha ri: Ngavhe Yahavee a tshi u ita zwe a ita Tsedekia na Ahabu, vhe khosi ya Babele ya vha fhisa nga mulilo.

JEREMIA 42:18

“Muṋe washu Mulangazwoṱhe Mudzimu wa Israele u ri, ‘Vhunga mbiti dzanga na u sinyuwa hanga zwo shulutshela kha vha dzulalo Jerusalema, zwenezwo u sinyuwa hanga hu ḓo shulutshela kha inwi arali na ya Egipita. Vhathu vha ḓo ni sanda, vha ni nyadza, vha teketelana nga dzina ḽaṋu, vha ni sea; fhethu hafhano a ni tsha ḓo dovha na hu vhona.’

JEREMIA 44:12

Ndi ḓo lozwa tsalela dza vhathu vha Juda vho ḓiimiselaho u ya Egipita u yo dzula hone. Vhoṱhe vhahulwane na vhaṱuku vha ḓo lovhela Egipita; vha ḓo ḽiwa nga pfumo, vha fa nga nḓala. Vhathu vha ḓo vha sanda, vha vha nyadza, vha teketelana nga dzina ḽavho, vha vha sea.

ZAKARIA 8:13

Inwi vhathu vha Juda na Israele, vhunga tshakha dzo vha dzi tshi teketelana nga dzina ḽaṋu, zwino ndi ḓo ni tshidza, vhathu vha vho ḓo shudufhadzana nga dzina ḽaṋu. Ni songo ofha tshithu, ni songo kulea nungo.”

NUMERI 5:20

Hone arali wo ita vhupombwe u tshi kha ḓi vha na munna wau, wa ḓishata tshika nga u dzheniswa nḓuni nga munna a si wau,

NUMERI 5:28

Hone arali a si na mulandu a nga si huvhale, nahone u ḓo ḓi beba vhana.

VHAROMA 6:21

No wanani ngazwo? A si zwine zwino na vho shona ni tshi zwi humbula? Zwi guma nga u ḓisa lufu.

2 VHAKORINTA 2:16

Kha vhane vha khou lovha zwi nga munukho wa zwo faho une wa vhulaha, ngeno kha vhane vha khou tshidzwa zwi tshi nga munukho u ḓifhelelaho une wa tshidza. Ndi nnyi-ha zwino ane a nga kona zwingafho?

DOTORONOMIO 28:37

Henefho tshakha dzoṱhe dzine Muṋe washu a ḓo ni balanganya nadzo dzi ḓo semana dza goḓana nga dzina ḽaṋu.

2 PITROSI 2:10

zwihulwane vhane vha langwa nga nyemulo dzavho dzi nengisaho vha tshi nyadza vhuhulu ha Muṋe washu. Ndi vhadziakhani, ndi khundavhalai, vha sema vhahulwane vha sa tetemeli,