NUMERI 5:19 - BIVHILI KHETHWA Mafhungo Madifha

¹⁹ Ndi hone tshifhe a tshi ḓo ita uri musadzi uyo a tende muano une wa buliwa nga tshifhe u no ri, ‘Arali u songo ita vhupombwe, ú songo pambuwa nḓilani, ú songo ḓishata tshika u tshi kha ḓi vha na munna wau, ngavhe maḓi haya a no ḓisa zwi vhavhaho na mafhanza a sa u huvhadzi.

NUMERI 5:19 Iomraidhean Croise

NUMERI 5:12

uri a laye Vhaisraele ndayo hedzi a ri, “Zwi nga itea uri munna a humbulele musadzi wawe uri ha fulufhedzei, o ḓishata tshika nga u dzheniswa nḓuni nga muṅwe munna. Huno munna wawe a nga kha ḓi vha a si na ngoho, ngauri musadzi wawe a nga kha ḓi vha o zwi ita tshiphirini, hu si na ṱhanzi, á songo farwa a tshi khou zwi ita. Nahone zwi nga kha ḓi itea uri munna a vhe na vivho a sokou humbulela musadzi wawe vhuvhi, naho a songo ḓishata tshika.

NUMERI 5:18

Tshifhe a ṱharamudze mavhudzi a uyo musadzi, a vhee nduvho ya vhukhopfu zwanḓani zwawe, a konou fara sambelo ḽiḽa ḽi re na maḓi a no ḓisa zwi vhavhaho na mafhanza.

NUMERI 5:28

Hone arali a si na mulandu a nga si huvhale, nahone u ḓo ḓi beba vhana.

MATIOSI 26:63

Yesu a si fhindule tshithu. Ndi hone tshifhe muhulu a tshi mu anisa a ri, “Ndi ni anisa nga Mudzimu a tshilaho ndi ri ni ri vhudze arali e inwi Mesia, Murwa wa Mudzimu.”

VHAROMA 7:2

Ri nga fanyisedza nga mufumakadzi o vhingiwaho: ene mulayo u mu vhofhekanya na munna musi munna a kha ḓi tshila; hone arali munna o fa, ha tsha vhuswa nga mulayo u mu vhofhekanyaho na munna onoyo.