NUMERI 4:3 - BIVHILI KHETHWA Mafhungo Madifha

³ na u ṅwala vhanna vhoṱhe vha re na miṅwaha i thomaho kha 30 u swika kha ya 50 vhane vha fanela u shuma denndeni ya u ṱangana na Muṋe washu.

NUMERI 4:3 Iomraidhean Croise

GENESI 41:46

Josefa o vha e na miṅwaha ya 30 a tshi thoma u shumela Farao khosi ya Egipita. Josefa a ṱuwa ha Farao a tandula shango ḽoṱhe ḽa Egipita.

2 SAMUELE 5:4

Dafita a tshi vha khosi o vha e na miṅwaha ya 30, a vhusa a fhedza miṅwaha ya 40.

1 KORONIKA 6:48

Vhaṅwe Vhalivi vha havho vho vha vho ṋewa mishumo miṅwe yoṱhe ya hukhethwa, nḓuni ya Mudzimu.

2 KORONIKA 31:17

Vha kovhela vhotshifhe vho ṅwalwaho zwi tshi ya nga miṱa yavho hu tshi tevhedzwa zwo ṅwalwaho kha mutevhe wavho, na kha Vhalivi u thoma kha vha miṅwaha ya 20 zwa ḓi ralo, zwi tshi ya nga vhuimo havho na zwigwada zwavho.

ESRA 3:8

Huno nga ṅwedzi wa vhuvhili wa ṅwaha wa vhuvhili vho no swika nḓuni ya Mudzimu i re Jerusalema, Zerubabele ṅwana wa Salathiele na Joshua ṅwana wa Jotsadaka na vha havho vhoṱhe, vhotshifhe na Vhalivi na vhoṱhe vho vhuelelaho Jerusalema vha tshi bva vhuthubwani, vha thoma u shuma, vha vhea Vhalivi u bva kha vha miṅwaha ya 20 uri vha sedze hu tshi fhaṱiwa nnḓu ya Muṋe washu.

NUMERI 1:3

u thoma kha vha miṅwaha ya 20, vho teaho u bva pfumo. Ni vha vhale ni tshi tevhedza gomane dzavho.

NUMERI 1:50

Vhalivi vhone u vha vhetshele u sedza zwa dennde ya mbulungelo ya mulanga na thundu dzayo dzoṱhe. Vha ḓo i hwala na thundu dzayo, vha shuma ngomu hayo, vha ṱoka mishasha yavho u mona nayo.

NUMERI 16:9

Ni vhona e mafhungo maṱuku izwi zwe Mudzimu wa Israele a ni khetha kha tshivhidzo tsha Vhaisraele, uri ni kone u sendela tsini hawe, ni shume mishumo yaṋu denndeni ya u ṱangana na Muṋe washu, ni tshi shumela tshivhidzo itshi?

NUMERI 4:2

uri vha vhale Vhalivi vha mutupo wa Kehathi zwi tshi ya nga lutsinga lwavho na miṱa yavho,

NUMERI 4:23

a ṅwale vhanna vhoṱhe vha miṅwaha i no thoma kha 30 u swika 50 vhane vha fanela u shuma denndeni ya u ṱangana na Muṋe washu.

NUMERI 4:30

a ṅwale vhanna vhoṱhe vha miṅwaha i thomaho nga 30 u swika kha 50 vhane vha fanela u shuma denndeni ya u ṱangana na Mudzimu.

NUMERI 4:4

Tshavho ho vha hu u londola zwikhethwakhethwa.

LUKASI 3:23

Musi Yesu a tshi thoma mushumo wa u funza o vha a tshi vho swika kha miṅwaha ya 30. Vhathu vhone vho vha vha tshi mu ita ṅwana wa Josefa. Josefa o vha e ṅwana wa Eli,

1 TIMOTI 1:18

Timoti ṅwananga, ndi ni kumedza ndaela hei ndi tshi tevhedza zwiḽa zwe Mudzimu a dzumbulula a tshi amba inwi. Ni ḓo lwa tshidele arali na ḓitika ngazwo,

1 TIMOTI 3:1

Hu pfi, “Ane a funa u vha mulisa wa tshivhidzo o tama mushumo wavhuḓi.” Hayo ndi mafhungo ane a fanela u fulufhelwa.

1 TIMOTI 3:6

A songo vha muthu ane a kha ḓi bva u rembuluwa, uri a sa ḓo ḓihudza a vho ḓo rwiwa nga ṱhamu i ngaho iḽa yo rwaho diabolo.