NUMERI 4:15 - BIVHILI KHETHWA Mafhungo Madifha

¹⁵ Musi tshifhinga tsha u thutha mishasha tshi tshi swika, Aroni na vhana vhawe vhó no fhedza u zwi putela na thundu dzazwo dzoṱhe, hu fanela u ḓa vha mutupo wa Kehathi vha hwale thundu heyo khethwa. Ndi wone mushumo une vha fanela u shuma denndeni ya u ṱangana na Muṋe washu, hone hezwo zwikhethwa vha songo vhuya vha zwi kwama, vha sa ḓo fa.

NUMERI 4:15 Iomraidhean Croise

2 SAMUELE 15:24

Tsadoko na ene o vha e henefho, na Vhalivi vhoṱhe vhe vha vha vhe nae vho vha vho hwala mbulungelo ya mulanga ya Mudzimu. Vha vhea mbulungelo ya Mudzimu fhasi, Abiathara a ṋekedza zwiṱhavhelo vhathu vhoṱhe vha vhuya vha bva muḓini.

2 SAMUELE 6:13

Musi vho hwalaho mbulungelo ya mulanga ya Muṋe washu vho tshimbila maga maṱanu na ḽithihi, Dafita a ṋekedza tshiṱhavhelo tsha mboho na ṋamana yo nonaho.

1 MAHOSI 8:3

Musi vhahulwane vha Israele vho no khunyelela, vhotshifhe vha hwala mbulungelo ya Muṋe washu,

1 KORONIKA 15:15

Vhalivi vha hwala mbulungelo ya Mudzimu nga thanda vho dzi vhea kha mahaḓa avho, nga he Mushe a laya zwi tshi tevhedza zwe Muṋe washu a amba.

1 KORONIKA 15:2

Ndi hone Dafita a tshi ri, “Mbulungelo ya Mudzimu i nga hwalwa nga Vhalivi fhedzi, e si muṅwe muthu, ngauri Muṋe washu o nanga vhone uri vha hwale mbulungelo yawe, vha mu shumele lini na lini.”

1 KORONIKA 23:26

Vhalivi a vha tsha ḓo hwala dennde ya Muṋe washu na zwithu zwoṱhe zwine zwa shumiswa hu tshi luvhiwa.”

EKISODA 19:12

U vhee mukano u mona na thavha, u vha vhudze u ri, ‘Ni vhone ni sa ḓo gonya thavha, kana na kwama tsinde ḽayo. Ane a vhuya a kwama iyo thavha tshawe ndi u vhulawa.

EKISODA 19:21

Muṋe washu a vhudza Mushe a ri, “Tsela fhasi u vhudze vhathu vha si pfuke mukano we vha vhetshelwa vha tshi ri vha ḓa u vhona Yahavee; vha zwi ita hu ḓo fa vhanzhi vhavho.

EKISODA 27:7

U dzi ṱome kha mikungelo, uri dzi vhe masia oṱhe a aḽiṱari musi i tshi hwaliwa.

LIVITIKO 16:13

Henefho phanḓa ha Mune washu u ḓo ṋuṋedza zwioro muliloni, vhutsi ha zwioro vhu ḓo tsira tshitibo tsha mbulungelo uri a si tshi vhone, a sa ḓo fa.

NUMERI 1:50

Vhalivi vhone u vha vhetshele u sedza zwa dennde ya mbulungelo ya mulanga na thundu dzayo dzoṱhe. Vha ḓo i hwala na thundu dzayo, vha shuma ngomu hayo, vha ṱoka mishasha yavho u mona nayo.

NUMERI 1:51

Musi ni tshi ṱokolola mishasha yaṋu ni tshi fhirela phanḓa, Vhalivi vha ḓo akhulula dennde, vha dovha vha i akha hoṱhe-hoṱhe hune na ḓo ṱoka mishasha yaṋu. Muthu a si Mulivi ane a vhuya a sendela tsini ha iyo dennde nga a vhulawe.

NUMERI 10:21

Zwino ha takuwa Vhalivi vha mutupo wa Kehathi vhó hwala zwithu zwikhethwa. Musi vha tshi swika mishashani ine vha khou ya khayo, vha wana dennde yo dovha u akhiwa.

NUMERI 18:3

Vho fanela u khunyeledza mushumo wavho na pfanelo dzavho dza dennde nga u farisa, hone vha songo sendela tsini ha zwithu zwikhethwa na aḽiṱari. Arali vha sendela tsini hazwo, noṱhe iwe na vhone ni ḓo fa.

NUMERI 3:38

Mushe na Aroni na vhana vhawe vho vha vha tshi fanela u ṱoka mishasha yavho phanḓa ha dennde ya u ṱangana na Muṋe washu sia ḽa vhubvaḓuvha. Vhone vho vha vhe vha u londola Hukhethwa vha tshi itela Vhaisraele. Muṅwe-vho ane a vhuya a linga u sendela tsini na Hukhethwa o vha a tshi vhulawa.

NUMERI 4:14

Nṱha hayo vha vhee thundu dzine dza shumiswa henefho khayo: zwidongo zwa mulilo na forogo dza ṋama na dzifosholo na masambelo. Vha konou i tibedza nga mukumba wo sukwaho, vha ṱome thanda dza u hwala ngadzo kha mikungelo.

NUMERI 4:19

Zwenezwo uri vha tshile vha si fe nga u sendela tsini ha zwikhethwakhethwa, ni vha itele hezwi: Aroni na vhana vhawe nga vha dzhene hukhethwa vha ṋee munna muṅwe na muṅwe mushumo wawe, vha mu sumbedze zwine a fanela u hwala.

NUMERI 4:20

Hone Vhakehathi vha songo dzhena vha vhona zwikhethwa na kathihi, vha sa ḓo fa.”

NUMERI 7:9

Hone vha Kehathi, Mushe ho ngo vha ṋea dzigoloi na dziphulu, ngauri zwithu zwikhethwa zwe vha vha vha tshi zwi londola vho vha vha tshi zwi hwala mahaḓani avho.

DOTORONOMIO 31:9

Mushe o ṅwala mulayo wa Mudzimu a u ṋea vhotshifhe, vhone Vhalivi, vha hwalaho mbulungelo ya mulanga wa Muṋe washu, na vhahulwane vhoṱhe vha Israele,

JOSHUA 4:10

Vhotshifhe vho ima vhukati ha Jorodani ha vhuya ha itwa zwoṱhe zwe Muṋe washu a vhudza Joshua uri a vhudze vhathu vha zwi ite. Hezwo ndi zwe Mushe a ri zwi itwe. Vhathu vha wela mulambo nga u ṱavhanya.

1 SAMUELE 6:19

Huno Mudzimu a vhulaha vhanna vha 70 vha Bethe Shemeshe nge vha ṱolela ngomu ha mbulungelo ya Muṋe washu. Vhathu vha lila nge Muṋe washu a vha rwa zwingafho.