NUMERI 4:14 - BIVHILI KHETHWA Mafhungo Madifha

¹⁴ Nṱha hayo vha vhee thundu dzine dza shumiswa henefho khayo: zwidongo zwa mulilo na forogo dza ṋama na dzifosholo na masambelo. Vha konou i tibedza nga mukumba wo sukwaho, vha ṱome thanda dza u hwala ngadzo kha mikungelo.

NUMERI 4:14 Iomraidhean Croise

2 KORONIKA 4:19

Khosi Solomoni a ita na thundu yoṱhe ye ya vha i thembeleni ya Mudzimu: aḽiṱari ya musuku na maḓafula a vhurotho vhune ha ṋekedzwa Mudzimu,

EKISODA 27:1

“U fhaṱe aḽiṱari nga thanda ya muunga, i vhe na masia a eḓanaho, vhunavha i vhe mitha mbili na hafu, vhuphara i vhe mitha mbili na hafu, vhulapfu u ya nṱha i vhe mitha na hafu.

EKISODA 27:3

Aḽiṱari yone u i itele khali dza u fara milora i no bva kha mapfura; u ite na mpfo na masambelo a u handulula na dziforogo na ndongo dza mulilo. Midzio yoṱhe ya aḽiṱari u i ite nga musinaseṱha.

NUMERI 4:13

Aḽiṱari ya musinaseṱha, vha bvise milora ya mapfura khayo vha adze sila ḽa muridili nṱha hayo.

NUMERI 4:15

Musi tshifhinga tsha u thutha mishasha tshi tshi swika, Aroni na vhana vhawe vhó no fhedza u zwi putela na thundu dzazwo dzoṱhe, hu fanela u ḓa vha mutupo wa Kehathi vha hwale thundu heyo khethwa. Ndi wone mushumo une vha fanela u shuma denndeni ya u ṱangana na Muṋe washu, hone hezwo zwikhethwa vha songo vhuya vha zwi kwama, vha sa ḓo fa.

NUMERI 4:6

Vha dovhe vha i fukedze nga mukumba wo sukwaho vha dovhe vha inge pesa ḽa denga nga nṱha, vha kone u ṱoma thanda dza u hwala kha mikungelo yadzo.