NUMERI 34:3 - BIVHILI KHETHWA Mafhungo Madifha

³ Masakha a thungo ya tshipembe a ḓo thoma phangani ya Tsini a tshimbila na masakha a Edomo. A ḓo thoma vhubvaḓuvha hune Lwanzhe lwa Muṋo lwa guma hone thungo ya tshipembe.

NUMERI 34:3 Iomraidhean Croise

GENESI 14:3

Mahosi hayo maṱanu o ima oṱhe a bva pfumo a yo lwa govhani ḽa Sidimu (Govha ḽa Sidimu ndi Lwanzhe lwa Muṋo).

EKISODA 23:31

Mikano ya shango ḽau ndi ḓo i vhea ya guma nga Lwanzhe lwa Dziṱhanga na lwanzhe lwa Vhafilista na phanga na mulambo wa Yufuratha. Ndi ḓo kumedza vhadzulapo vha iḽo shango zwanḓani zwau, wa vha pandela vha u shavha.

ESEKIELE 47:13

Muṋe wa zwoṱhe Muṋe washu u ri, “Mikano ine matsinde a Israele a 12 a ḓo kovhekana mashango ngayo ngeino. Josefa u ḓo wana mikovhe mivhili.

ESEKIELE 47:8

Uyo munna a ri, “Maḓi haya a ela a tshi ya vhubvaḓuvha a tshi tsela Govhani ḽa Jorodani, a swika Lwanzheni lwa Muṋo, a tshi ela a tshi dzhena lwanzheni a ḓifhisa maḓi alwo.

NUMERI 13:21

Ndi hone avho vhanna vha tshi livha thungo ya devhula, vha tandula shango u bva phangani ya Tsini thungo ya tshipembe u vhuya u swika Rehobo, tsini ha Phara ya Hamathi thungo ya devhula.

JOSHUA 1:4

Mukano wa shango ḽaṋu thungo ya tshipembe u ḓo thoma phangani wa swika thavhani dza Libanoni thungo ya devhula; thungo ya vhubvaḓuvha u ḓo bva mulamboni muhulu wa Yufuratha, wa buḓekanya shango ḽa Vhahithi, u swika Lwanzheni lwa Phandamashango thungo ya vhukovhela.

JOSHUA 3:16

maḓi a si tsha ela, a raha a swika muḓini wa Adamu u re tsini ha Tsarethani. Maḓi a no ela a tshi tsela Lwanzheni lwa Muṋo o vha o tumuwa tshoṱhe, vhathu vha konou wela mulambo tsini ha Jerikho.