NUMERI 33:1 - BIVHILI KHETHWA Mafhungo Madifha

¹ Mafhungo haya a sumbedza madzina a fhethu he Vhaisraele vha ṱoka mishasha musi vho no pfuluwa Egipita zwi tshi ya nga matsinde avho vho rangwa phanḓa nga Mushe na Aroni.

NUMERI 33:1 Iomraidhean Croise

DZIPHISALEMA 105:26

Ndi hone a tshi ruma Mushe muḓinḓa wawe, na Aroni we a mu nanga,

DZIPHISALEMA 77:20

Wo endedza vhathu vhau unga sambi ḽa nngu, vhó rangwa phanḓa nga Mushe na Aroni.

EKISODA 12:37

Vhaisraele vha takuwa Ramisese vha livha Sukotho. Vho vha vha tshi nga vha vhanna vha 600 000 vha tshi khou tshimbila nga milenzhe, hu sa vhalwi miṱa yavho.

EKISODA 12:41

Musi wonoyo vha vha vha tshi khou fhedza miṅwaha ya 430, matsinde oṱhe a vhathu vha Muṋe washu vha pfuluwa Egipita.

EKISODA 12:51

Musi wonoyo Muṋe washu a pfulusa Vhaisraele na matsinde avho shangoni ḽa Egipita.

EKISODA 13:18

Mudzimu o bvisa vhathu nga nḓila ya u mona ya sogani i yaho Lwanzheni lwa Dziṱhanga. Vhaisraele vho pfuluwa Egipita vho kungela zwihali.

EKISODA 6:26

Aroni na Mushe ndi vhone vhe vha vhudzwa nga Muṋe washu a ri, “Pfulusani Vhaisraele shangoni ḽa Egipita vho khethekana nga matsinde.”

MIKA 6:4

Hufha ndo ni pfulusa shangoni ḽa Egipita, ndó ni vhofholola vhupulini. Ndo ruma Mushe uri a ni endedze, e na Aroni na Miriamu.

NUMERI 33:2

Mushe o ṅwala dzina ḽa fhethu hoṱhe he vha ṱoka mishasha ó vhudzwa nga Muṋe washu.

JOSHUA 24:5

Ngavhuya nda ruma Mushe na Aroni, nda ita uri Vhaegipita vha welwe nga khombo khulu, hone inwi nda ni pfulusa.

1 SAMUELE 12:8

“Jakopo na muṱa wawe vho pfulutshela Egipita, Vhaegipita vha sala vha tshi vha kandeledza, vhomakhulukuku waṋu vha lilela Muṋe washu uri a vha farise, a ruma Mushe na Aroni, vhenevho vha pfulusa vhomakhulukuku waṋu Egipita, vha ḓa vha vha dzudza shangoni ḽino.