NUMERI 28:9 - BIVHILI KHETHWA Mafhungo Madifha

⁹ Nga ḓuvha ḽa Sabatha hu ṋekedzwe thuthana mbili dza ṅwaha muthihi dzi si na luvhadzi na khilogiramu mbili dza vhukhopfu dzo vangiwaho mapfura a muolivi i vhe nduvho ya thoro, hu ṋekedzwe na nduvho ya waini.

NUMERI 28:9 Iomraidhean Croise

2 MAHOSI 4:23

Munna wawe a ri, “Ndi mini ni tshi ya khae ṋamusi? Hufha hu si vhuṱambo ha ṅwedzi muswa kana Sabatha!” Musadzi a fhindula a ri, “A zwi na mushumo!”

2 KORONIKA 2:3

Solomoni a swikisa mafhungo haya ha khosi Hiramu wa Tiro a ri, “Nga vha nthumele matanda a mukedara sa zwe vha itela khotsi anga Dafita zwiḽa vha tshi vha rumela mikedara ya u fhaṱa pfamo ya u dzula khayo.

2 KORONIKA 2:4

Zwino nṋe ndi ṱoḓa u fhaṱela dzina ḽa Muṋe washu Mudzimu wanga thembele, nda mu kumedza yone uri hu fhiswe zwioro phanḓa hawe, a dzule a tshi ṋekedzwa vhurotho vhune ha kumedzwa Ene, a ṋekedzwa zwiṱhavhelo zwi fhiswaho misi yoṱhe nga matsheloni na nga madekwana na nga Dzisabatha na nga vhuṱambo ha Ṅwedzi Muswa na nga vhuṱambo ho vhewaho ha Muṋe washu Mudzimu washu. Heyo ndi ndayo ya Vhaisraele ya lini na lini.

2 KORONIKA 8:13

O ṋekedza zwiṱhavhelo zwi fhiswaho a tshi tevhedza Mulayo wa Mushe wa zwi ṱoḓeaho ḓuvha ḽikhethwa ḽiṅwe na ḽiṅwe, Dzisabatha na vhuṱambo ha Ṅwedzi Muswa na vhuṱambo ha ṅwaha nga ṅwaha, vhuṱambo ha Vhurotho vhu si na mbilisa na vhuṱambo ha Mishasha.

YESAYA 58:13

Muṋe washu u ri, “Arali Sabatha na i ita khethwa, na si ite zwa mabindu aṋu ngaḽo; arali na ri Sabatha i a takadza, na hulisa ḓuvha ḽanga ḽikhethwa, na si ite mishumo ya maṅwe maḓuvha, na si ite zwa mabindu, na si ambe zwitshele,

ESEKIELE 20:12

Nda vha ṋea na Dzisabatha dzanga uri tshi vhe tshiga vhukati hanga na vhone, uri vha gude uri Nṋe, Yahavee, ndi Nṋe ane nda vha ita vhakhethwa.

ESEKIELE 46:4

Tshiṱhavhelo tshi fhiswaho tshine muvhusi a ṋekedza Yahavee nga ḓuvha ḽa Sabatha tshi vhe tsha ngwana ṱhanu na nthihi dzi si na luvhadzi na thutha i si na luvhadzi

NUMERI 28:10

Nduvho heyo yo fhiswaho yo fanela u ṋekedzwa nga Sabatha iṅwe na iṅwe, i ingiwe kha nduvho ya misi yoṱhe ine ya ṋekedzwa na nduvho yayo ya waini.

NUMERI 28:8

Nga madekwana hu ṋekedzwe thuthana ya vhuvhili nga maitele a no fana na a nduvho ya matsheloni, khathihi na nduvho yayo ya waini. Na yone ndi nduvho ya zwiḽiwa, nduvho i nukhelelaho i takadzaho Yahavee.

NZUMBULULO 1:10

Ho vha hu nga ḓuvha ḽa Muṋe washu ndi tshi ḓipfa ndi Muyani, nga afha murahu hanga nda pfa ipfi ḽihulu ḽi bvumaho sa phalaphala