NUMERI 28:8 - BIVHILI KHETHWA Mafhungo Madifha

⁸ Nga madekwana hu ṋekedzwe thuthana ya vhuvhili nga maitele a no fana na a nduvho ya matsheloni, khathihi na nduvho yayo ya waini. Na yone ndi nduvho ya zwiḽiwa, nduvho i nukhelelaho i takadzaho Yahavee.

NUMERI 28:8 Iomraidhean Croise

LIVITIKO 1:13

A ṱanzwe miraḓo ya nga ngomu na milenzhe ya murahu nga maḓi, tshifhe a swikise itsho tshiṱhavhelo ha Yahavee a fhise tshiṱhavhelo itsho tshoṱhe nṱha ha aḽiṱari. Iyo nduvho ya zwiḽiwa i nukhelelaho i takadza Yahavee.

LIVITIKO 1:17

A fare phapha dzaḽo a fhandule mutumbu waḽo, a si vhuye a fhafhula phapha dzaḽo, a ḽi fhise ḽoṱhe nṱha ha aḽiṱari. Iyo nduvho ya zwiḽiwa i nukhelelaho i takadza Yahavee.

LIVITIKO 1:9

Uyo munna a ṱanzwe miraḓo ya nga ngomu na milenzhe ya murahu nga maḓi, tshifhe a fhise tshiṱhavhelo itsho tshoṱhe nṱha ha aḽiṱari. Iyo nduvho ya zwiḽiwa i nukhelelaho i takadza Yahavee.

NUMERI 28:7

Nduvho ya waini ine ya ṋekedzwa na thuthana ya u ranga, ndi ḽitha nthihi ya waini i tshi tou tevhulelwa fhasi u mona na aḽiṱari.

NUMERI 28:9

Nga ḓuvha ḽa Sabatha hu ṋekedzwe thuthana mbili dza ṅwaha muthihi dzi si na luvhadzi na khilogiramu mbili dza vhukhopfu dzo vangiwaho mapfura a muolivi i vhe nduvho ya thoro, hu ṋekedzwe na nduvho ya waini.

NUMERI 29:19

Ni ṋekedze na mbokoṱo nthihi i vhe nduvho ya tshipfumelo, i tshi ingiwa kha nduvho i fhiswaho ya misi yoṱhe i na nduvho yayo ya thoro na nduvho ya waini.