NUMERI 28:6 - BIVHILI KHETHWA Mafhungo Madifha

⁶ Heyo ndi nduvho ya misi yoṱhe ine ya tou fhiswa tshoṱhe, ndi ye ya ranga u ṋekedzwa thavhani ya Sinai ya vha nduvho ya zwiḽiwa, nduvho i nukhelelaho i takadzaho Yahavee.

NUMERI 28:6 Iomraidhean Croise

2 KORONIKA 2:4

Zwino nṋe ndi ṱoḓa u fhaṱela dzina ḽa Muṋe washu Mudzimu wanga thembele, nda mu kumedza yone uri hu fhiswe zwioro phanḓa hawe, a dzule a tshi ṋekedzwa vhurotho vhune ha kumedzwa Ene, a ṋekedzwa zwiṱhavhelo zwi fhiswaho misi yoṱhe nga matsheloni na nga madekwana na nga Dzisabatha na nga vhuṱambo ha Ṅwedzi Muswa na nga vhuṱambo ho vhewaho ha Muṋe washu Mudzimu washu. Heyo ndi ndayo ya Vhaisraele ya lini na lini.

2 KORONIKA 31:3

Khosi ya bvisa zwifuwo zwayo kha masambi ayo a zwifuwo i tshi itela zwiṱhavhelo zwi fhiswaho zwa matsheloni na zwa madekwana na zwiṱhavhelo zwi fhiswaho zwa Sabatha na zwa vhuṱambo ha Ṅwedzi Muswa na zwa vhuṱambo ho vhewaho nga he zwa ṅwalwa kha Mulayo wa Muṋe washu.

ESRA 3:4

Vha ita vhuṱambo ha Mishasha hu tshi tevhedzwa zwo ṅwalwaho; ḓuvha ḽiṅwe na ḽiṅwe vha ṋekedza tshiṱhavhelo tshi ṱoḓeaho ḓuvha ḽeneḽo.

DZIPHISALEMA 50:8

A thi u kaidzeli zwiṱhavhelo zwau, hufha u tshi ḓi nṋekedza nduvho dzo fhiswaho.

EKISODA 24:18

Mushe a dzhena ngomu ha gole a gonya thavha a dzula hone maḓuvha a 40 na vhusiku hao.

EKISODA 31:18

Musi Mudzimu o fhedza u amba na Mushe thavhani ya Sinai, a mu ṋea maḓaba mavhili a matombo e Mudzimu Ene muṋe a vha o ṅwala milayo khao.

ESEKIELE 46:14

Matsheloni maṅwe na maṅwe a engedze a ṋekedze nduvho ya thoro: khilogiramu tharu dza vhukhopfu ha goroi na litha nthihi ya mapfura, a vanganywe na vhukhopfu. Heyo ndi nduvho ya thoro i ṋekedzwaho Nṋe, hoyo ndi mulayo wa lini na lini, a u gumi.

ESEKIELE 46:15

Ngwana na nduvho ya mbeu na mapfura zwi ṋekedzwe matsheloni maṅwe na maṅwe lini na lini.”

LIVITIKO 27:34

Hedzo ndi dzone nduvho dze Muṋe washu a laedza Mushe thavhani ya Sinai, dze dza pfi dzi bviswe nga Vhaisraele.

LIVITIKO 6:9

uri a ṋee Aroni na vhana vhawe ndayo hedzino dza nduvho i fhiswaho: Nduvho i fhiswaho nga i lale kha aḽiṱari i tshi khou swa vhusiku hoṱhe, mulilo u dzule u tshi khou duga.

AMUSI 5:25

“Inwi vhathu vha Israele, no vhuya na nṋekedza zwiṱhavhelo na nduvho ngei phangani miṅwaha yoṱhe iḽa ya mahumi maṋa naa?

NUMERI 28:5

iṅwe na iṅwe i ṋekedzwe na nduvho ya thoro ya vhukhopfu ha khilogiramu nthihi, ho vangiwa ḽitha nthihi ya mapfura avhuḓivhuḓi a muolivi.

NUMERI 28:7

Nduvho ya waini ine ya ṋekedzwa na thuthana ya u ranga, ndi ḽitha nthihi ya waini i tshi tou tevhulelwa fhasi u mona na aḽiṱari.

VHAFILIPI 2:17

Lutendo lwaṋu lu nga nduvho i ṋekedzwaho Mudzimu. Huno naho malofha anga a tshi nga tevhulelwa Mudzimu a ḓadzisa yeneyo nduvho ndi a zwi takalela, nda takala na inwi noṱhe.