NUMERI 28:3 - BIVHILI KHETHWA Mafhungo Madifha

³ Nduvho dza zwiḽiwa dzine dza fanela u ṋekedzwa Muṋe washu ngedzi: nduvho yo fhiswaho ya nga misi ndi thuthana mbili dza ṅwaha muthihi dzi si na luvhadzi.

NUMERI 28:3 Iomraidhean Croise

1 KORONIKA 16:40

uri vha ṋekedze Muṋe washu zwiṱhavhelo zwi fhiswaho kha aḽiṱari ya tshiṱhavhelo tshi fhiswaho nga zwifhinga zwa hone, nga matsheloni na nga madekwana, hu tshi tevhedzwa zwo ṅwalwaho Mulayoni wa Muṋe washu, we a u ṋea Vhaisraele.

2 KORONIKA 8:13

O ṋekedza zwiṱhavhelo zwi fhiswaho a tshi tevhedza Mulayo wa Mushe wa zwi ṱoḓeaho ḓuvha ḽikhethwa ḽiṅwe na ḽiṅwe, Dzisabatha na vhuṱambo ha Ṅwedzi Muswa na vhuṱambo ha ṅwaha nga ṅwaha, vhuṱambo ha Vhurotho vhu si na mbilisa na vhuṱambo ha Mishasha.

ESRA 3:5

Vho no fhedza izwo, vha ṋekedza zwiṱhavhelo zwi fhiswaho zwine zwa ṋekedzwa nga tshifhinga tshazwo na zwiṱhavhelo zwa Ṅwedzi Muswa na zwiṱhavhelo zwa vhuṱambo ha Muṋe washu ho vhewaho na nduvho dzine muthu a tou ṋekedza Muṋe washu nga u funa hawe.

DANIELE 11:31

“Mmbi yawe i ḓo ḓa ya kumadza Hukhethwa na muḓi. Vha ḓo ri hu songo tsha ṋekedzwa tshiṱhavhelo tsha misi yoṱhe, vha imisa vhuṱudzi vhu ḓisaho mutshinyalo henefho.

DANIELE 12:11

U bva tshee tshiṱhavhelo tshi no ṋekedzwa misi yoṱhe tsha iledzwa ha imiswa vhuṱudzi vhu ḓisaho mutshinyalo, hu ḓo fhela maḓuvha a 1 290.

DANIELE 8:11

Lwa ita na u nyadza Muvhusi wa ayo mara, lwa iledza nduvho dzine a ṋewa nga misi, lwa wisa thembele yawe khethwa.

DANIELE 8:13

Nda pfa muruṅwa mukhethwa a tshi khou amba, muṅwe muruṅwa ngae a mu vhudzisa a ri, “Zwa bono iḽi zwi ḓo khunyelela lini, zwa nduvho ya nga misi i tshi fheliswa, na vhutshinyi vhu ofhisaho, na hukhethwa hu tshi kumedzwa vhavhi, na u kandekanywa ha mara a ṱaḓulu?”

LIVITIKO 3:5

Vhotshifhe vha ḓo fhisa zwoṱhe hezwo kha aḽiṱari nṱha ha khuni khathihi na zwiṱhavhelo zwi fhiswaho. Nduvho heyo ya zwiḽiwa i nukhelelaho i takadza Yahavee.

LIVITIKO 6:9

uri a ṋee Aroni na vhana vhawe ndayo hedzino dza nduvho i fhiswaho: Nduvho i fhiswaho nga i lale kha aḽiṱari i tshi khou swa vhusiku hoṱhe, mulilo u dzule u tshi khou duga.

AMUSI 4:4

Muṋe wa zwoṱhe Muṋe washu u ri, “Iḓani zwaṋu Bethele ni ite vhuvhi; iyani zwaṋu Giligala ni phaphe mbulu kha iṅwe; ṋekedzani zwaṋu zwiṱhavhelo matsheloni maṅwe na maṅwe, hó fhela maḓuvha mavhili ni konou bvisa tshafumi;

NUMERI 28:10

Nduvho heyo yo fhiswaho yo fanela u ṋekedzwa nga Sabatha iṅwe na iṅwe, i ingiwe kha nduvho ya misi yoṱhe ine ya ṋekedzwa na nduvho yayo ya waini.

NUMERI 28:15

Nduvho i fhiswaho ya misi yoṱhe na nduvho yayo ya waini i ingiwe nga nduvho ya mbokoṱo i vhe nduvho ya tshipfumelo.

NUMERI 28:23

Hezwo zwi ṋekedzwe zwi tshi ingiwa kha nduvho dzi fhiswaho dza misi yoṱhe dza matsheloni.

NUMERI 28:24

Ngauralo hu ṋekedzwe Yahavee nduvho ya zwiḽiwa hu vhuye hu fhele maḓuvha maṱanu na mavhili, iyo ndi nduvho ine ya nukhelela i no mu takadza. Hezwo zwi ṋekedzwe zwi tshi ingiwa kha nduvho ya misi yoṱhe i fhiswaho na nduvho ya waini.

NUMERI 28:31

Ni ṋekedze hezwo na nduvho ya zwiḽiwa zwi tshi ingiwa kha nduvho i fhiswaho ya misi yoṱhe na nduvho ya thoro. Zwifuwo zwoṱhe zwi ṋekedzwe zwi si na luvhadzi.

NUMERI 28:4

Thuthana ya u thoma i ṋekedzwe nga matsheloni, ya vhuvhili i ṋekedzwe nga madekwana,

NUMERI 29:11

Ni ṋekedze na mbokoṱo nthihi i vhe nduvho ya tshipfumelo, i tshi ingiwa kha mbudzi ine ya ṋekedzwa hu tshi tevhedzwa maitele a u pfumelela vhathu, na nduvho i fhiswaho ya misi yoṱhe i na nduvho yayo ya thoro na nduvho ya waini.

NUMERI 29:16

Ni ṋekedze na mbokoṱo nthihi i vhe nduvho ya tshipfumelo. Hezwo ni zwi ṋekedze zwi tshi ingiwa kha nduvho i fhiswaho ya misi yoṱhe i na nduvho yayo ya thoro na nduvho ya waini.

NUMERI 29:6

Hezwo ni zwi ṋekedze zwi tshi ingiwa kha nduvho i fhiswaho ya misi yoṱhe yo teaho ya ḓuvha ḽa u ranga ḽa ṅwedzi na nduvho yaḽo ya thoro, na nduvho yo fhiswaho ya misi yoṱhe na nduvho yayo ya thoro na nduvho ya waini. Nduvho hedzo dza zwiḽiwa ndi nduvho dzi nukhelelaho dzi takadzaho Yahavee.

JOHANISI 1:29

Nga matshelo Johanisi a vhona Yesu a tshi khou ḓa khae, a ri, “Khoyu-ha Ene Ngwana ya Mudzimu, o hwalaho vhutshinyi ha shango!

VHAHEBERU 9:6

Zwó vhekanywa nga u ralo vhotshifhe vha ṱwela u dzhena kha tshipiḓa tsha u thoma tsha dennde vha tshi ita mishumo yavho ya vhutshifhe.

NZUMBULULO 13:8

Vhoṱhe vha dzulaho fhano shangoni vha ḓo ḽi luvha; vhane vha sa ḓo ḽi luvha ndi vhenevho fhedzi vhe madzina avho a dzula o ṅwalwa buguni ya vhutshilo shango ḽi sa athu sikwa, buguni ya Ngwana yo ṱhavhiwaho.