NUMERI 28:11 - BIVHILI KHETHWA Mafhungo Madifha

¹¹ Mathomoni a ṅwedzi muṅwe na muṅwe Yahavee a ṋekedzwe nduvho i fhiswaho: mbohwana mbili na thutha nthihi na thuthana ṱhanu na mbili dza ṅwaha muthihi, dzoṱhe dzi vhe dzi si na luvhadzi.

NUMERI 28:11 Iomraidhean Croise

2 MAHOSI 4:23

Munna wawe a ri, “Ndi mini ni tshi ya khae ṋamusi? Hufha hu si vhuṱambo ha ṅwedzi muswa kana Sabatha!” Musadzi a fhindula a ri, “A zwi na mushumo!”

1 KORONIKA 23:31

na musi Muṋe washu a tshi ṋekedzwa zwiṱhavhelo zwi fhiswaho nga Sabatha na nga vhuṱambo ha Ṅwedzi muswa na nga vhuṱambo ho vhewaho. Ho vha ho vhewa ndayo dzine dza sumba tshivhalo tsha Vhalivi vhane vha fanela u shuma mushumo hoyo tshifhinga tshiṅwe na tshiṅwe. Vhalivi vho vha vho ṋewa mushumo wa u luvha Muṋe washu lini na lini.

2 KORONIKA 2:3

Solomoni a swikisa mafhungo haya ha khosi Hiramu wa Tiro a ri, “Nga vha nthumele matanda a mukedara sa zwe vha itela khotsi anga Dafita zwiḽa vha tshi vha rumela mikedara ya u fhaṱa pfamo ya u dzula khayo.

2 KORONIKA 2:4

Zwino nṋe ndi ṱoḓa u fhaṱela dzina ḽa Muṋe washu Mudzimu wanga thembele, nda mu kumedza yone uri hu fhiswe zwioro phanḓa hawe, a dzule a tshi ṋekedzwa vhurotho vhune ha kumedzwa Ene, a ṋekedzwa zwiṱhavhelo zwi fhiswaho misi yoṱhe nga matsheloni na nga madekwana na nga Dzisabatha na nga vhuṱambo ha Ṅwedzi Muswa na nga vhuṱambo ho vhewaho ha Muṋe washu Mudzimu washu. Heyo ndi ndayo ya Vhaisraele ya lini na lini.

2 KORONIKA 8:13

O ṋekedza zwiṱhavhelo zwi fhiswaho a tshi tevhedza Mulayo wa Mushe wa zwi ṱoḓeaho ḓuvha ḽikhethwa ḽiṅwe na ḽiṅwe, Dzisabatha na vhuṱambo ha Ṅwedzi Muswa na vhuṱambo ha ṅwaha nga ṅwaha, vhuṱambo ha Vhurotho vhu si na mbilisa na vhuṱambo ha Mishasha.

ESRA 3:5

Vho no fhedza izwo, vha ṋekedza zwiṱhavhelo zwi fhiswaho zwine zwa ṋekedzwa nga tshifhinga tshazwo na zwiṱhavhelo zwa Ṅwedzi Muswa na zwiṱhavhelo zwa vhuṱambo ha Muṋe washu ho vhewaho na nduvho dzine muthu a tou ṋekedza Muṋe washu nga u funa hawe.

NEHEMIA 10:33

Zwa nduvho ya thembele ri ḓo bvisa hezwino: vhurotho ha u sumela Mudzimu na nduvho dza thoro dza misi yoṱhe na zwifuwo zwine zwa fanela u fhiswa misi yoṱhe zwa ṋekedzwa, na zwa nduvho khethwa dza Dzisabatha na zwa vhuṱambo ha Ṅwedzi Muswa na zwa vhuṅwe vhuṱambo na dziṅwe nduvho khethwa na nduvho dza u pfumelela Israele na zwoṱhe zwine zwa ṱoḓea thembeleni ya Mudzimu washu.

DZIPHISALEMA 40:6

Zwiṱhavhelo na nduvho a zwi u takadzi, hone nṋe wo mphula nḓevhe nda vha phuli yau tshoṱhe. Nduvho dzo fhiswaho na zwifuwo a si zwine wa zwi takalela.

DZIPHISALEMA 40:8

Ndi takalela u ita zwine wa zwi funa, Iwe Mudzimu wanga; Mulayo wau ndo u vhulunga mbiluni yanga.”

DZIPHISALEMA 81:3

Lidzani lufhalafhala vhuṱamboni ha Ṅwedzi muswa, ni lidze nga ḓuvha ḽa vhuṱambo hashu ṅwedzi wó tshena.

DZIPHISALEMA 81:4

Hoyo ndi mulayo wa Israele, ndi ndaela ya Mudzimu wa Jakopo.

YESAYA 66:23

Hu ḓo ri miṅwedzi i tshi ṱanḓulukana, na Dzisabatha dzi tshi ṱanḓulukana, vhathu vhoṱhe vha ḽifhasi vha ḓa vha nngwadamela.

ESEKIELE 46:1

Muṋe wa zwoṱhe Muṋe washu u ri, “Khoro ya vhubvaḓuvha ya muṱa wa ngomu i fanela u dzula yo valwa maḓuvha maṱanu na ḽithihi ane vhathu vha shuma ngao. I vulwe nga ḓuvha ḽa Sabatha na nga ḓuvha ḽa vhuṱambo ha ṅwedzi u tshi dzula.

ESEKIELE 46:6

Musi wa vhuṱambo ha ṅwedzi u tshi dzula, tshiṱhavhelo tshi vhe mbohwana i si na luvhadzi na ngwana ṱhanu na nthihi dzi si na luvhadzi na thutha nthihi i si na luvhadzi.

ESEKIELE 46:7

Mboho na thutha dzi ṋekedzwe na nduvho ya epha nthihi ya thoro, ngwana dzi ṋekedzwe na nduvho ya thoro ine a tou funa, epha iṅwe na iṅwe i ṋekedzwe na litha nṋa dza mapfura.

HOSIA 2:11

Ndi ḓo fhelisa vhuṱambo hawe hoṱhe: vhuṱambo ha ṅwaha nga ṅwaha na ha Ṅwedzi muswa na maḓuvha awe a Sabatha – vhuṱambo hawe hoṱhe ho teaho.

LIVITIKO 1:13

A ṱanzwe miraḓo ya nga ngomu na milenzhe ya murahu nga maḓi, tshifhe a swikise itsho tshiṱhavhelo ha Yahavee a fhise tshiṱhavhelo itsho tshoṱhe nṱha ha aḽiṱari. Iyo nduvho ya zwiḽiwa i nukhelelaho i takadza Yahavee.

LIVITIKO 1:3

Arali a tshi ṋekedza iṅwe ya kholomo dzawe ya vha tshiṱhavhelo tshi fhiswaho, o fanela u ḓisa mboho i si na badzi. Nga a i swikise muṋangoni wa dennde ya u ṱangana na Mudzimu uri Yahavee a kone u mu ṱanganedza.

LIVITIKO 1:9

Uyo munna a ṱanzwe miraḓo ya nga ngomu na milenzhe ya murahu nga maḓi, tshifhe a fhise tshiṱhavhelo itsho tshoṱhe nṱha ha aḽiṱari. Iyo nduvho ya zwiḽiwa i nukhelelaho i takadza Yahavee.

AMUSI 3:5

Tshiṋoni tshi nga fashwa hú songo rewa tshikwekwe naa? Mulavhu u nga lavhuwa u songo rithwa naa?

AMUSI 8:5

Ni ri, “Ṅwedzi muswa u ḓo fa lini ra rengisa mavhele ashu? Sabatha i ḓo fhela lini ra rengisa goroi yashu? Ri ḓo konou tsisela mielo fhasi, ra gonyisa mutengo, ra fhura nga zwikalo zwi si zwa ngoho,

NUMERI 10:10

Na misi ya madakalo – nga vhuṱambo ha Ṅwedzi Muswa na vhuṅwe-vho vhuṱambo haṋu no fanela u lidza idzo phalaphala musi ni tshi ṋekedza nduvho dzaṋu dzi fhiswaho na dza u konana na Nṋe. Nṋe Mudzimu waṋu ndi ḓo ni humbula ngazwo. Ndi Nṋe Yahavee Mudzimu waṋu.”

NUMERI 28:19

Hu ṋekedzwe Yahavee tshiṱhavhelo tshi fhiswaho tshi vhe nduvho ya zwiḽiwa: mbohwana mbili na thutha nthihi na thuthana ṱhanu na mbili dza ṅwaha muthihi dzi si na luvhadzi.

VHAGALATA 4:10

Ni kha ḓi ṱalula maṅwe maḓuvha na miṅwe miṅwedzi na zwiṅwe zwifhinga na miṅwe miṅwaha na ri ndi zwikhethwa.

VHAKOLOSA 2:16

Zwenezwo ni songo tsha tenda muthu na muthihi a tshi ni vhea mulandu nga zwa u ḽa na zwa u nwa, naho zwi zwa maḓuvha a vhuṱambo ha Majuda, nangwe zwi zwa u dzula ha miṅwedzi, kana zwa Sabatha.

VHAKOLOSA 2:6

Vhunga zwino no ṱanganedza Khristo Yesu a vha Muṋe waṋu, tshilani-ha unga vhalanda vhawe;

1 SAMUELE 20:5

Ndi hone Dafita a tshi ri, “Vhonani, matshelo ndi vhuṱambo ha Ṅwedzi muswa, ndo vha ndo fanela u swiṱula na khosi, hone litshani ndi yo dzumbama ḓakani u swika nga madekwana a mbamatshelo.

1 SAMUELE 9:12

Vhasidzana vha fhindula vha ri, “U hone, ngoyo henefho phanḓa haṋu. Ni ṱavhanye, o ḓa fhano muḓini wa hashu ṋamusi, ngauri vhathu vha khou ya u ṋekedza tshiṱhavhelo tshikwarani.