NUMERI 27:21 - BIVHILI KHETHWA Mafhungo Madifha

²¹ U ḓo ḓitika nga tshifhe Eliasara; onoyo u ḓo ḓivha nga madeṅwa makhethwa zwine nda zwi funa, a endedza Joshua na vhathu vhoṱhe vha Israele mafhungoni avho oṱhe.”

NUMERI 27:21 Iomraidhean Croise

2 SAMUELE 21:1

Dafita a tshee khosi ho vhuya ha wa nḓala ya fhedza miṅwaha miraru. Dafita a vhudzisa Muṋe washu, Muṋe washu a fhindula a ri, “Saulo na nnḓu yawe vha na mulandu wa vhupondi, vho vhulaha Vhagibioni.”

ESRA 2:63

Muvhusi a vha vhudza uri vha songo ḽa tshiḽiwa tshikhethwakhethwa na tshithihi ha vhuya ha vha na tshifhe a vhudzisa Mudzimu nga madeṅwa makhethwa.

NEHEMIA 7:65

Muvhusi wa Majuda o vha vhudza uri vha nga si kone u ḽa zwiḽiwa zwo ṋekedzwaho Mudzimu hu sa athu vha na tshifhe ane a vhonisa nga madeṅwa makhethwa.

EKISODA 28:30

Kha itsho tshipilakhana tsha u haṱula u nambatedze na madeṅwa makhethwa uri Aroni a vhe e nazwo khanani yawe musi a tshi dzhena hune Nṋe Yahavee nda vha hone. Zwenezwo Aroni a tshi ḓa phanḓa ha Nṋe Yahavee, khanani yawe u ḓo dzula o ambara tshine tsha nga mu farisa u haṱula Vhaisraele.

LIVITIKO 8:8

A mu ambadza tshipilakhana a longa madeṅwa makhethwa ngomu hatsho.

MALAKIA 2:7

Ndi uri mulomo wa tshifhe wo fanela u funza vhathu vha nnḓivhe, a laya vhathu zwine nda funa, ngauri ndi ene muḓinḓa wa Nṋe Yahavee Mulangazwoṱhe.

NUMERI 27:17

ane a kona u vha tshimbidza o vha ranga phanḓa, uri vhathu vhau vha si nge vhathu vha si na mulisa?”

NUMERI 27:2

vha ima phanḓa ha Mushe na tshifhe Eliasara na vharangaphanḓa na vhathu vhoṱhe muṋangoni wa dennde ya u ṱangana na Muṋe washu vha ri,

NUMERI 27:20

Iwe u mu kumedze maanḓa au uri vhathu vhoṱhe vha Israele vha mu thetshelese.

NUMERI 27:22

Mushe a ita zwe Muṋe washu a mu laya. A imisa Joshua phanḓa ha tshifhe Eliasara na vhathu vhoṱhe,

NUMERI 27:5

Mushe a swikisa mafhungo avho ha Muṋe washu,

DOTORONOMIO 31:3

Muṋe washu Mudzimu waṋu ndi Ene ane a ḓo ni ranga phanḓa ni tshi wela, ndi Ene ane a ḓo lozwa tshakha idzi dzoṱhe dza ni shavha na konou dzhia mashango avho. Ni tshi wela, murangaphanḓa waṋu u ḓo vha Joshua, unga Muṋe washu o dzula o amba.

DOTORONOMIO 33:8

A tshi amba Livi o ri, “Madeṅwa au makhethwa wo a kumedza ene, munna a fulufhedzeaho. Wo mu linga kusini kwa Milingo, wa mu sengisa maḓini a Tsengo.

JOSHUA 9:14

Vhanna vha Israele vha ṱanganedza zwiṅwe zwiḽiwa zwa vhenevho, hone vha si range u vhudzisa Muṋe washu ayo mafhungo.

VHARANGAPHANḒA 1:1

Musi Joshua o no fa Vhaisraele vha vhudzisa Muṋe washu vha ri, “Ndi vhafhio vha matsinde ashu vho fanelaho u vha vhone vha u ranga u yo dia Vhakanana?”

VHARANGAPHANḒA 20:18

Vhaisraele vha ya fhethu hune ha luvhiwa hone Bethele, vhe henefho vha vhudzisa Mudzimu vha ri, “Ndi vha tsinde ḽifhio vhane vha fanela u thoma u lwa na vhathu vha Benyamini?” Muṋe washu a fhindula a ri, “Ndi Juda.”

1 SAMUELE 14:19

Musi Saulo a tshi kha ḓi amba na tshifhe, vilinga ḽi re mishashani ya Vhafilista ḽa ḓi hulela. Saulo a vhudza tshifhe a ri, “A hu tshee na tshifhinga tsha u ṱwa ri tshi vhudzisa Muṋe washu!”

1 SAMUELE 23:9

Musi Dafita a tshi pfa uri Saulo u khou mu itela tshimbevha, a amba na tshifhe Abiathara a ri, “Nga vha ḓise luvhemba lwa u pakata.”

1 SAMUELE 28:6

Saulo a vhudzisa Muṋe washu, hone Muṋe washu a si mu fhindule nga miloro kana nga madeṅwa makhethwa kana nga vhaporofita.

1 SAMUELE 30:7

Ndi hone Dafita a tshi amba na tshifhe Abiathara ṅwana wa Ahimelekhe a ri, “Nga vha nnḓisele luvhemba lwa u pakata.” Abiathara a mu ḓisela lwone.