NUMERI 24:9 - BIVHILI KHETHWA Mafhungo Madifha

⁹ Vha a tumba, vha shuvhama unga ndau, vha nga ndau ya tsadzi, vha nga vuswa nga nnyi? Ngavhe hu tshi shudufhadzwa vhane vha ni shudufhadza, vhane vha ni teketela ngavhe vha tshi teketelwa!”

NUMERI 24:9 Iomraidhean Croise

GENESI 12:3

Ndi ḓo shudufhadza vhane vha u shudufhadza; ane a vhuya a u sema, ndi ḓo mu teketela; tshakha dzoṱhe dza ḽifhasi dzi ḓo wana mashudu nga iwe.”

GENESI 27:29

Ngavhe tshakha dzi tshi u shumela, vhathu vha mashango vha u luvha. Ngavhe u tshi vhusa vhana vha khotsi au, vhana vha mme au vha u luvha. Vhane vha u teketela ngavhe vha tshi teketelwa, vhane vha u shudufhadza vha shudufhadzwa.”

GENESI 49:9

Juda ndi ndawana; ṅwananga, u ḓo bva wa yo ponda, wa vhuya; u ḓo nga ndau i tshi tumba ya shuvhama, kana ndawana: ndi nnyi ane a nga i ṱunga?

1 MAHOSI 10:20

Ho vha hu na zwifanyiso zwa ndau dza 12 dzo ima kha zwiṱepisi izwo zwiṱanu na tshithihi, magumoni a tshiṱepisi tshiṅwe na tshiṅwe ho ima ndau, nthihi ngeno nthihi ngeno. Mashangoni oṱhe a hu na iṅwe khosi ye ya vhuya ya itelwa khuluṋoni yo raloho.

2 KORONIKA 9:18

Khuluṋoni iyo yo vha i na zwiṱepisi zwiṱanu na tshithihi, yo mometshedzwa tshivheamilenzhe tsho fhomiwaho musuku. Masia oṱhe a khuluṋoni ho vha hu na zwitikazwanḓa, hu na tshifanyiso tsha ndau yo imaho ngeno na ngeno hazwo.

ESTERE 6:13

Hamani a vhudza musadzi wawe na khonani dzawe zwoṱhe zwe zwa mu wela. Ndi hone musadzi wawe na khonani dziḽa dzawe dza vhuṱali vha tshi mu vhudza vha ri, “Maanḓa avho a khou thoma u dzhiwa nga Maradokai. Maradokai ndi Mujuda, vhone vha nga si mu kunde. Vhukumakuma u ḓo vha kunda.”

JOBO 41:10

I tshi atsamula hu fhufha ṱhase; maṱo ayo o tswuka unga mapfuvhi;

DZIPHISALEMA 122:6

Rabelani uri Jerusalema hu vhe na mulalo, ni ri, “Ngavhe vhane vha u funa zwi tshi vha nakela.”

DZIPHISALEMA 2:12

shuvhamani mavuni ni mu luvhe, a sa ḓo sinyuwa na vho rwiwa ni songo ṱhaphudza. Ḓivhani uri mbiti dzawe dzi nga mbo ḓi vuwa. Vha mashudu ndi avho vhane vha khuda ngae.

EKISODA 23:22

Hone arali wa mu thetshelesa, wa ita zwoṱhe zwine a u laya, Nṋe ndi ḓo lwa na maswina au oṱhe; vha lwaho na iwe vha lwa na Nṋe.

YESAYA 31:4

Muṋe washu o amba na nṋe a ri, “Nangwe vhalisa vha tou zhamba vha ṱavha mukosi, vha nga si kone u shushedza ndau ya litsha phukha ye ya i ponda; sa zwenezwo a hu na tshine tsha nga kundisa Nṋe Yahavee Mulangazwoṱhe u tsela fhasi, nda lwa ndi thavhani ya Tsioni na miṱumbani yayo.

MIKA 5:8

Hone vhaporofita vha ri, “Tsalela dza Jakopo vha misi i ḓaho vha ḓo vha vhe vhukati ha dzitshakha, vhukati ha tshakha dzoṱhe vha nga ndau vhukati ha phukha dza ḓaka, vha nga ndau vhukati ha masambi a nngu, i a dzi fhaḓa, ya dzi fara, ya dzi fhandula, dza si vhe na muponyokisi.

NUMERI 22:12

Mudzimu a vhudza Biliamu a ri, “U songo ṱuwa na vhanna havha nahone u songo teketela Vhaisraele, ngauri Nṋe ndo vha shudufhadza.”

NUMERI 22:6

Vho anda u fhira riṋe, nga vha ḓe vha nteketelele vhone. Khamusi ndi hone ri tshi ḓo kona u vha kunda ra vha thatha vha ṱuwa shangoni ḽino. Ndi a zwi ḓivha uri vhone ane vha mu shudufhadza u wana mashudu, ane vha teketela u welwa nga khombo.”

NUMERI 23:24

Lushaka ulu lu takuwa unga ndau ya tsadzi, vha takuwa unga ndau i sa aweli i sa athu ḽa tshe ya ponda, ya nwa malofha a tshe ya vhulaha.”

NUMERI 24:10

Balaka a sinyutshela Biliamu. A putela Biliamu mavili a ri, “Ndo vha vhidzela u teketela maswina anga, zwino vho no vha shudufhadza luraru lwoṱhe.

MATIOSI 25:40

“Ndi hone Khosi i tshi ḓo vha fhindula ya ri, ‘Thetshelesani ndi ni vhudze: ndi ri zwenezwiḽa zwe na zwi itela muṅwe wa havha vharathu vhanga vha nyadzeaho, no zwi itela Nṋe.’

MATIOSI 25:45

“Ndi hone a tshi ḓo vha fhindula a ri, ‘Thetshelesani ndi ni vhudze: henefhaḽa he na litsha u zwi itela muṅwe wa havha vha nyadzeaho, ḓivhani uri na Nṋe a no ngo nnyitela.’

MISHUMO 9:5

Ene a vhudzisa a ri, “Muṋe wanga, ndi nga vha ndi khou amba na nnyi?” Ipfi ḽa ri, “Ndi Nṋe Yesu ane wa khou mu tovhola.

DOTORONOMIO 30:7

Muṋe washu Mudzimu waṋu a konou ita uri khombo idzi dzoṱhe dzine nda dzi amba dzi wele maswina aṋu na vha ni vhengaho vhe vha ni sala murahu.