NUMERI 24:7 - BIVHILI KHETHWA Mafhungo Madifha

⁷ Hu ḓo ela maḓi a tshi bva kha mvuvhelo dzavho; mbeu yavho i ḓo wana maḓi manzhi. Khosi yavho i ḓo fhira Agaga, muvhuso wavho u ḓo vha muhulu.

NUMERI 24:7 Iomraidhean Croise

2 SAMUELE 5:12

Dafita a zwi ḓivha uri Muṋe washu o mu vhumba khosi ya Israele nahone o hulisa muvhuso wawe a tshi itela vhathu vhawe Vhaisraele.

1 MAHOSI 4:21

Solomoni o vha a tshi vhusa mivhuso yoṱhe u bva mulamboni wa Yufuratha u swika shangoni ḽa Vhafilista, u vhuya u swika masakhani a Egipita. Vhathu vha mashango hayo vho vha vha tshi thela muthelo, nahone vho vha vhalanda vha Solomoni vhutshilo hawe hoṱhe.

1 MAHOSI 5:1

Musi Hiramu khosi ya Tiro a tshi pfa uri Solomoni o ḓodzwa mapfura a vhumbwa khosi vhudzuloni ha khotsi awe Dafita, a ruma vhaḓinḓa vhawe ha Solomoni, ngauri o vha e khonani ya Dafita.

1 KORONIKA 14:2

Dafita a zwi ḓivha uri Muṋe washu o mu vhumba khosi ya Israele na uri muvhuso wawe o u pfumbisa tshoṱhe a tshi itela vhathu vhawe Vhaisraele.

ESRA 4:20

Jerusalema ho vhuya ha vha na mahosi a maanḓa a tshi vhusa ḽoṱhe ḽa Seli-ha-Yufuratha, a tshi thelisa vhathu mithelo na nduvho dza tshakha-tshakha.

ESTERE 3:1

Ngavhuya ho no fhira izwo, khosi Serekesese a hulisa Hamani a mu ṋea tshiimo tshi no fhira tsha vhaḓivhalea vhoṱhe. Hamani o vha e ṅwana wa Hamidatha, wa lutsinga lwa Agaga.

DZIPHISALEMA 18:43

Iwe wo nndamukisa vhathu vha tshi mmvutshela, wa mmbumba yone ṱhoho ya dzitshakha, nda luvhiwa na nga vhane ndi si vha ḓivhe.

DZIPHISALEMA 68:26

Vhumbani dzikhwairi ni imbele Mudzimu, rendani Muṋe washu, inwi vhaḓuhulu vha Jakopo!

DZIPHISALEMA 72:11

Mahosi oṱhe a ḓo mu khotha, tshakha dzoṱhe dzi ḓo vha vhalanda vhawe.

DZIPHISALEMA 89:27

Nṋe ndi ḓo mu ita tanzhe ḽanga, a vha muhulwane wa mahosi a ḽifhasi.

YESAYA 2:2

Misi ya vhufhelo, thavha ye nnḓu ya Muṋe washu ya fhaṱwa khayo i ḓo vha yone yo lapfaho u fhira dzoṱhe, ya vhonala yo ṱoṱomowa u fhira mivhundu yoṱhe. Tshakha dzoṱhe dzi ḓo ḓa dza kuvhangana khayo.

YESAYA 30:25

Musi wa bulayo ḽihulu, mitsheṱo ya maswina i tshi thuthiwa, milambwana i ḓo tou gubunyea maḓi a tshi bva thavhani ndapfu dzoṱhe na miṱumbani ya zwivhanga.

YESAYA 48:1

Thetshelesani inwi vha muṱa wa Jakopo, inwi ni no pfi vhana vha Israele, ni no bva kha lutsinga lwa Juda, inwi ni no ana nga dzina ḽa Yahavee, na luvha Mudzimu wa Israele, hone zwi sa bvi mbiluni, ni sa iti zwine a funa –

YESAYA 9:7

Maanḓa awe a vhuhosi a ḓo ḓi hula a tshi ya, ḽa ḓi dzula ḽo lala. U ḓo dzula kha khuluṋoni ya Dafita, a vhusa vhuimoni hawe, a khwaṱhisa muvhuso, wa ima nga khaṱhulo mbuya na u sa ṱalula zwino na lini na lini. Muṋe washu Mulangazwoṱhe o ḓiimisela u ita zwoṱhe hezwo uri a huliswe.

JEREMIA 51:13

Inwi ni no dzula milamboni minzhi, no khokhaho lupfumo, vhufhelo haṋu ho swika, tshone tshifhinga tshine na fanela u fa.

DANIELE 2:44

“Misi ya mahosi eneo Mudzimu wa ṱaḓulu u ḓo vusa muvhuso une wa sa ḓo phusukana, muvhuso hoyo a u nga dzhiwi nga luṅwe lushaka: u ḓo phusukanya mivhuso yoṱhe ya u ranga wa i mila, wone wa ima lini na lini,

NUMERI 24:20

Zwino Biliamu kha bono ḽawe a vhona Vhaamaleke a bula vhuporofita a ri, “Amaleke o vha e wa u thoma kha dzitshakha, hone u ḓo guma nga u lovha.”

JOHANISI 1:49

Nathaniele a ri, “Vhafunzi, vhone vha Murwa wa Mudzimu! Ndi vhone Khosi ya Israele!”

NZUMBULULO 11:15

Ndi hone muruṅwa wa 7 a tshi lidza phalaphala yawe. Ha pfala maipfi mahulu ngei ṱaḓulu a tshi ri, “Zwino ndi hone Muṋe washu na Mesia wawe vha tshi ḓo vhusa shango. U ḓo vhusa lini na lini.”

NZUMBULULO 17:1

Ndi hone muṅwe wa vhaḽa vharuṅwa vhaṱanu na vhavhili vho faraho madzhomela maṱanu na mavhili a tshi ḓa ha nṋe a ri, “Iḓa ndi u sumbedze uri iḽa phombwe khulu i ḓo lifhedzwa hani. Ndi amba heiḽa i dzulaho milamboni minzhi,

NZUMBULULO 17:15

A dovha a ri, “Iyo milambo ye wa vhona phombwe yo dzula vhukati hayo ndi magogo a vhathu vha mitupo na tshakha na nyambo dzo fhambanaho.

NZUMBULULO 19:16

Kha phuraphura yawe na kha tshirumbi tshawe ho vha ho ṅwalwa dzina ḽi no pfi “Khosi ya mahosi, Muṋe wa vhaṋe”.