NUMERI 24:6 - BIVHILI KHETHWA Mafhungo Madifha

⁶ Dzo adza na magovha, dzi nga miṱanga tsini ha mulambo, dzi nga zwikhopha zwa mabindamutshe zwo ṱavhiwaho nga Yahavee, dzi nga mikedara i re tsini ha maḓi.

NUMERI 24:6 Iomraidhean Croise

GENESI 13:10

Loto a livha-livha a vhona govha ḽoṱhe ḽa Jorodani u swika Tsuara ḽi na maḓi manzhi, ḽi tshi nga Ngade ya Muṋe washu, ya Edeni, ḽi tshi nga shango ḽa Egipita. (Hezwo zwo itea miḓi ya Sodoma na Gomora i sa athu phusukanywa.)

DZIPHISALEMA 1:3

U nga muri wo ṱavhiwaho khunzikhunzini ya mulambo, u sa fhidzi u aṋwa mitshelo, u sa puti maṱari. Zwoṱhe zwine a ita zwi a mu nakela.

DZIPHISALEMA 104:16

Miri ya Muṋe washu i sheledzwa ya pfelela, yone mikedara ya Libanoni ye a i ṱavha.

DZIPHISALEMA 45:8

Vhupila hau hoṱhe vhu nukhelela zwiḓolo zwa mere na bindamutshe na khinamoni; u takadzwa nga nyimbo dzi pfalaho pfamoni dzo ṱamiwaho nga ṋanga dza nḓou;

LUIMBOIMBO 6:11

Ndo vha ndo tsela tsimuni ya miri ya thebvu u yo vhona miri i fhufhumisaho ngei govhani, na minḓirivhe i tshi kulukusha, na miri i titimaho i tshi ṱuma lurere.

YESAYA 41:19

Phangani ndi ḓo medza miṱulume na miunga na miṱangule na miṱwari, sogani ndi ḓo sima miṱaululo na miṱu na mipaini.

YESAYA 58:11

Huno Nṋe Yahavee ndi ḓo ni endedza nga misi, ni tshi fhira masogani nda ni fusha; ndi ḓo ni ṋea nungo, na nga ngade i re na maḓi manzhi, na nga tshisima tshi sa xi.

JEREMIA 17:18

Ngavhe hu tshi shona vhane vha ntovhola, hu si nṋe; nga hu tshenuswe vhone, hu si nṋe. Ita uri vha welwe nga khombo, u vha rwe nga ṱhamu kavhili.

JEREMIA 31:12

Vha ḓo ḓa vha fhululedza vhe muṱumbani wa Tsioni, zwifhaṱuwo zwó tsha nga zwivhuya zwine Muṋe washu a ḓo vha itela – goroi ntswa na waini ntswa na mapfura na nngu na kholomo. Vha ḓo nga muṱanga, a vha tsha ḓo ṋoka.

ESEKIELE 47:12

U tsa na mulambo, khunzikhunzini ino na iḽa, hu ḓo mela miri ya mitshelo ya tshakha dzoṱhe, na maṱari ayo ha nga puti, a i nga fhidzi u aṋwa mitshelo; i ḓo aṋwa mitshelo miswa ṅwedzi muṅwe na muṅwe, ngauri maḓi ayo a bva thembeleni. Mitshelo yayo i ḓo ḽiwa, maṱari ayo a alafha vhathu.”

JUELE 3:18

Musi wonoyo dzithavha dzi ḓo rotha waini ya tuvhu, mivhundu i ḓo ela mukhaha, milambwana yoṱhe ya Juda i ḓo ela maḓi. Hu ḓo phulea tshisima tsha gubunyea tshi tshi bva nḓuni ya Muṋe washu, tsha sheledza Govhani ḽa Miunga.

NUMERI 24:5

Iwe Jakopo, dennde dzau dzo naka hani, vhudzulo hau ho naka hani, iwe Israele!