NUMERI 23:9 - BIVHILI KHETHWA Mafhungo Madifha

⁹ Ndi vha vhona ndi miṱumbani ya makwara, ndi vha sedza ndi zwikwarani. Ndi vhona lushaka lwo ḓikhethaho, lu no vhona lu sa fani na dziṅwe tshakha.

NUMERI 23:9 Iomraidhean Croise

ESRA 9:2

Vho dzhia vhaṅwe vha vhananyana vha vhenevho vha vha ita vhasadzi vhavho na vhana vhavho, u ralo ha vha u vanganya lushaka lukhethwa na dzitshakha dzo vha tangaho. Nahone vharangaphanḓa na magota vho vha vhone vha u ranga u sa fulufhedzea honoho.”

ESTERE 3:8

Ndi hone Hamani a tshi vhudza khosi Serekesese a ri, “Hu na luṅwe lushaka lwo balanganaho na dzitshakha madzinguni oṱhe a muvhuso wavho, lune lwa si fune u vangana na vhaṅwe. Maitele avho o fhambana na a dziṅwe tshakha dzoṱhe, nahone vha nyadza milayo ya khosi. A zwo ngo fanela vhamusanda vha tshi zwi konḓelela.

EKISODA 33:16

Zwi ḓo vhonala hani uri u a ri takalela nṋe na vhathu vhau arali wa sa ṱuwa na riṋe? Arali wa vha na riṋe zwi ḓo sumbedza phambano yashu na tshakha dziṅwe dzi re fhano fhasi.”

JEREMIA 46:28

Iwe Jakopo muḓinḓa wanga, u songo ofha tshithu, Nṋe ndi na iwe,” u ralo Muṋe washu. “Naho tshakha dze nda ni balanganyela khadzo ndo dzi lozwa dzoṱhe, iwe a thi nga u lozwi tshoṱhe. Ndi ḓo tou u laya nga khaṱhulo mbuya, a thi nga u litshi u tshi bva ú songo wana ṱhamu.”

JEREMIA 49:31

Takuwani-ha ni yo dia lushaka lwo ḓidzulelaho lwo vhofhololwa lune lwa ḓifulufhela, lushaka lu si na tswinga; vhathu vhalwo vha dzula thungo vhe vhoṱhe,” u ralo Muṋe washu.

AMUSI 9:9

“Zwino ndi ḓo ṋea ndaela, nda dzinginyisa vhathu vha Israele vhukati ha tshakha dzoṱhe unga mavhele a tshi sefiwa nga sefo matombo a sala sefoni na ḽithihi ḽa si fhire.

MIKA 7:14

Muṋe washu, lisa vhathu vhau nga luḓo lwau, ndi vhone sambi ḽa nngu ḽe wa ḓinangela. Nga dzi dzule ho khudaho, mafuloni a Kharamele; nga dzi fule Bashani na Giliadi unga misi ya kale.

2 VHAKORINTA 6:17

Ndi zwine Muṋe washu a dovha a ri, “Ibvani khavho, ni sa tsha vha vhathihi navho. Ni songo kwama zwo kumalaho.” “Ndi hone ndi tshi ḓo ni ṱanganedza,

DOTORONOMIO 32:8

Waṱaḓuluṱaḓulu a tshi kovhekanya dzitshakha mashango adzo, zwiḽa a tshi khethekanya vhathu, o vhekanya masakha a dzitshakha a tshi sedza tshivhalo tsha Vhaisraele.

DOTORONOMIO 33:28

Ndi zwine Vhaisraele vha dzula vhugalani, vhaḓuhulu vha Jakopo vha dzula thungo ha dzitshakha shangoni ḽa goroi na waini, hune lutombo lwa wa ṅwando.

TITOSI 2:14

Ene Yesu Khristo o ḓikumedza lufu a tshi itela riṋe uri a ri vhofholole vhuvhini hoṱhe a ṱanzwe mbilu dzashu ri vhe lushaka lwawe e eṱhe, ro ḓiimisela u shuma mishumo mivhuya.

1 PITROSI 2:9

Hone inwi ni lushaka lwo nangwaho, ni vhotshifhe vha khosi, ni lushaka lukhethwa, ni lushaka lwe Mudzimu a lu ita lwawe; o ni nangela u ḓivhadza mishumo yawe mihulu, ngauri ndi Ene we a ni vhidza na bva swiswini na ḓa tshedzani tshawe tshi kanukisaho.