NUMERI 23:3 - BIVHILI KHETHWA Mafhungo Madifha

³ Ndi hone Biliamu a tshi amba na Balaka a ri, “Nga vha ime hafha tsini ha tshiṱhavhelo tshavho, nṋe ndi imele nga thungo, khamusi Yahavee u ḓo ḓa a ṱangana na nṋe. Ndi ḓo vha vhudza zwine a nnzumbululela zwone.” Biliamu a ṱuwa e eṱhe a yo ima lukwarani.

NUMERI 23:3 Iomraidhean Croise

GENESI 22:13

Abrahamu a tshi posa maṱo, a vhona thutha yo fashwa ṋanga tshiṱakani. A mbo ḓi yo dzhia iyo thutha a i ita tshiṱhavhelo tshi fhiswaho vhudzuloni ha ṅwana wawe.

GENESI 22:2

Mudzimu a ri, “Dzhia mutukana wau muthihi fhedzi Isaka, ane wa mu funa, u ye dzinguni ḽa Moria, thavhani ine nda ḓo u sumbedza, u mu ite tshiṱhavhelo tshi fhiswaho henefho.”

GENESI 8:20

Huno Nua a fhaṱela Muṋe washu aḽiṱari, a dzhia zwiṅwe zwa zwifuwo zwoṱhe zwi ḽiwaho na zwiṋoni zwi ḽiwaho, a ṋekedza Muṋe washu zwiṱhavhelo khayo.

EKISODA 18:12

Ndi hone Jethero makhulu wa Mushe a tshi ṋekedza Mudzimu tshiṱhavhelo tshi fhiswaho, na zwiṅwe zwiṱhavhelo. Aroni a ḓa na vhahulwane vha Israele vha ḽa vhoṱhe na makhulu wa Mushe phanḓa ha Mudzimu.

LIVITIKO 1:1

Muṋe washu o vhidza Mushe e denndeni ya u ṱangana na Mudzimu a mu ṋea ndaela hedzino,

NUMERI 23:12

Biliamu a fhindula a ri, “Ndi amba zwenezwo fhedzi zwine nda vhudzwa nga Yahavee.”

NUMERI 23:15

Biliamu a amba na Balaka a ri, “Nga vha ime hafha tsini ha tshiṱhavhelo tshavho, nṋe ndi yo ṱangana na Mudzimu hafhaḽaa.”

NUMERI 23:2

Balaka a ita zwe a vhudzwa nga Biliamu, ene na Biliamu vhuvhili havho vha ṋekedza tshiṱhavhelo tsha mboho na thutha kha aḽiṱari iṅwe na iṅwe.

NUMERI 23:26

Biliamu a fhindula a ri, “A tho ngo vha vhudza uri ndo fanela u ita zwoṱhe zwine Yahavee a amba?”

NUMERI 23:4

Nangoho Mudzimu a ṱangana nae, Biliamu a ri, “Ndo fhaṱa aḽiṱari ṱhanu na mbili, kha iṅwe na iṅwe yadzo nda ṋekedza tshiṱhavhelo tsha mboho na thutha.”

NUMERI 24:1

Zwino Biliamu a vhuya a vhona uri Muṋe washu u funa a tshi shudufhadza Vhaisraele, a si tsha thoma u ṱuwa unga zwiḽa a tshi ri a thome a dzumbululelwe, ó tou rembuluwa a lavhelesa phangani.

MATIOSI 4:8

Diabolo a dovha a mu isa thavhani ndapfu-ndapfu, a mu sumbedza mashango oṱhe a ḽifhasi na madzanga ao,

JOSHUA 24:10

Huno Nṋe nda si thetshelese, nda ita uri Biliamu a ni ḓisele mashudu, ngauralo nda vha ndo ni lamulela zwanḓani zwa Balaka.