NUMERI 23:21 - BIVHILI KHETHWA Mafhungo Madifha

²¹ Kha ḽa Jakopo a hu vhonali khombo, kha ḽa Israele a hu na maṱungu. Yahavee Mudzimu wavho u navho, vhukati havho hu pfala muḓalo wa u ṱanganedza Khosi.

NUMERI 23:21 Iomraidhean Croise

2 KORONIKA 13:12

Mudzimu u na riṋe, ndi Ene murangaphanḓa washu. Vhotshifhe vhawe vha ḓo lidza phalaphala dzavho dza nndwa ra lwa na inwi. Inwi vhanna vha Israele, ni songo lwa na Muṋe washu Mudzimu wa vhokhotsi aṋu, ni ḓo kundwa.”

DZIPHISALEMA 103:12

Vhutshinyi hashu u vhu sudzulusela kule na riṋe, zwa nga vhubvaḓuvha vhu kule na vhukovhela.

DZIPHISALEMA 118:15

Nḓuni dza vha fulufhedzeaho hu pfala mifhululu na nyimbo dza gundo. Vha ri, “Tshanḓa tsha Muṋe washu tsha maanḓa tsho ita zwihulu!

DZIPHISALEMA 135:21

Vha Tsioni nga vha rende Muṋe washu, Ene a dzulaho Jerusalema. Haleluya, nga hu rendwe Muṋe washu!

DZIPHISALEMA 23:4

Naho nda tshimbila govhani swiswi ḽo tou bodo, a thi ofhi tshithu. Hufha Iwe u na nṋe. U ntsireledza nga thonga na luḓo, mbilu ya rula.

DZIPHISALEMA 32:2

Wa mashudu ndi uyo ane Muṋe washu a si tsha mu vhalela milandu, a si na vhufhura mbiluni.

DZIPHISALEMA 32:5

Ndi hone ndi tshi bula vhutshinyi hanga, ndi si tsha dzumba mulandu wanga. Ndo ri, “Ndi ḓo bulela Muṋe washu vhukhakhi hanga,” Iwe wa nkhangwela mulandu wa vhutshinyi hanga.

DZIPHISALEMA 46:11

Muṋe washu Mudzimu Mulangazwoṱhe u na riṋe, Mudzimu wa Jakopo ndi Ene dzhavhelo ḽashu.

DZIPHISALEMA 46:7

Muṋe washu Mudzimu Mulangazwoṱhe u na riṋe, Mudzimu wa Jakopo ndi Ene dzhavhelo ḽashu.

DZIPHISALEMA 97:1

Muṋe washu u a vhusa, ḽifhasi nga ḽi fhululedze! Mashango a kule nga a takale!

DZIPHISALEMA 99:2

Muṋe washu ndi muhulwane Tsioni, ndi Ene Muvhusi muhulu wa tshakha dzoṱhe.

EKISODA 13:21

Muṋe washu a vha ranga phanḓa, masiari o vha e tshivhumbeo tsha phuphu ya gole ḽi vha sumbedzaho nḓila, vhusiku e tshivhumbeo tsha phuphu ya mulilo uri a vha vhonetshele, zwenezwo vha kona u tshimbila vhusiku na masiari.

EKISODA 3:12

Mudzimu a ri, “Ndi ḓo vha na iwe, tshiga tshine wa ḓo ḓivha ngatsho uri ndi Nṋe ndo u rumaho ngetshi: u ḓo ri wo no pfulusa vhathu Egipita, na ṋekedza Mudzimu nduvho thavhani heino.”

EKISODA 34:9

Mushe a ri, “Muṋe wa zwoṱhe, arali nangoho u tshi ntakalela ndi u humbela uri u ṱuwe na riṋe. Vhathu havha vha na tshipimbi, hone ri hangwele milandu yashu na vhuvhi hashu, u ri ṱanganedze ri vhe vhathu vhau.”

YESAYA 1:18

Muṋe washu u ri, “Iḓani ri sumbedzane! Naho no tswuka nga vhuvhi ni ḓo ṱanzwiwa na sala no tshena unga mahaḓa. Naho vhutshinyi haṋu ho tswuka unga malofha ni ḓo ṱanzwiwa na sala ni tshi nga muḓali.

YESAYA 12:6

Inwi vhathu vha Tsioni, ṱavhani mukosi ni fhululedze! Edzonu vhona uri Mukhethwa wa Israele a re vhukati haṋu o hula hani!”

YESAYA 33:21

Muṋe washu u ḓo ri sumbedza vhugala hawe henefho, hu ḓo vha fhethu ha milambo mihulu na milambwana i sa fheli; hone magungwa a maswina a nga si tshimbile khayo, zwikepe zwavho zwihulu zwi nga si tale khayo.

YESAYA 33:22

Hufha Muṋe washu e Ene Murangaphanḓa washu; Muṋe washu ndi Ene a no ri vhetshela mulayo; Khosi yashu ndi Muṋe washu; Mutshidzi washu ndi Ene.

YESAYA 38:17

Ndi ḓo ri mini? Zwe wa mmbudza u ḓo zwi ita. Ndi ḓo tou dedengela vhutshilo hanga hoṱhe nga u vhavha ha mbilu.

YESAYA 41:10

Ni songo ofha, ndi na inwi; ndi Mudzimu waṋu, ni songo ḽa mbilu; ndi ḓo ni ṋea nungo nda ni farisa, ndi ḓo ni tika nga tshanḓa tshanga tsha maanḓa.

YESAYA 8:10

Lukani maano! Ha nga shumi tshithu! Ambani nga hune na funa! A ḓi vha mahandana! Mudzimu u na riṋe!

JEREMIA 50:20

Misi yeneyo, tshifhinga tshenetsho, mulandu wa Israele u ḓo londoloswa, wa wanala u siho, ha londoloswa na vhutshinyi ha Juda, ha wanala vhu siho, ngauri ndi ḓo hangwela tsalela dza vhathu vhe nda vha sia,” u ralo Muṋe washu.

ESEKIELE 48:35

U mona hoṱhe hu ḓo vha maga a 18 000. Dzina ḽa muḓi u bva musi wonoyo ḽi ḓo pfi: Muṋe-washu-u-hone.”

JUELE 2:27

Ndi hone ni tshi ḓo zwi ḓivha uri Nṋe ndi vhukati ha Israele, na uri ndi Nṋe Yahavee Mudzimu waṋu, na uri a hu tshee na muṅwe. Vhathu vhanga a vha tsha ḓo dovha vha shoniswa lini na lini.”

LIVITIKO 9:24

Muṋe washu a mbo posa mulilo kha aḽiṱari, wa fhisa nduvho i fhiswaho na miraḓo yo nonaho henefho kha aḽiṱari. Musi vhathu vha tshi zwi vhona, vha fhululedza, vha kotama vha wa nga zwifhaṱuwo.

NUMERI 14:18

‘Nṋe Yahavee a thi sokou fhela mbilu, ndi sumbedza vhathu lufuno lwanga luhulu na u fulufhedzea hanga, ndi hangwela vhathu vhutshinyi na vhushandukwa. Naho zwo ralo a thi nga litshi u lifhedza vhana na vhaḓuhulu u swika kha murafho wa vhuraru na wa vhuṋa ndi tshi lifhedza vhutshinyi ha vhabebi vhavho.’

NUMERI 14:19

Zwino Muṋe washu, ngauri u na lufuno luhulu lu sa shanduki, a u dovhi wa hangwela vhathu avha vhutshinyi havho, unga wo ḓi vha hangwela tshee vha pfuluwa Egipita u swika ṋamusi?”

NUMERI 16:3

Vha kuvhanganela Mushe na Aroni vha vha vhudza vha ri, “Zwine na ita zwo no tou kalula! Vhathu havha vhoṱhe ndi vha Muṋe washu, a si inwi vhavhili fhedzi. Muṋe washu u na riṋe roṱhe. Zwino inwi Mushe ndi mini ni tshi ḓiita muhulwane wa vhathu vha Muṋe washu?”

NUMERI 9:22

Arali gole ḽi tshee ḽo alama nṱha ha dennde naho a vha maḓuvha mavhili kana ṅwedzi kana maḓuvha manzhi, vho vha vha sa tshimbili vha fhirela phanḓa, hone arali ḽi tshi takuwa, vho vha vha tshi fhirela phanḓa.

MATIOSI 1:23

“Musidzana u ḓo vha muthu wa thovhela a beba ṅwana wa mutukana. Onoyo u ḓo pfi Imanuele,” ḽine ḽa amba uri “Mudzimu u na riṋe.”

VHAROMA 6:14

Vhutshinyi a vhu tsha ḓo ni langa, vhunga ni si tshee dangani ḽa Mulayo, nó no vha dangani ḽa tshilidzi.

VHAROMA 8:1

Zwino-ha vha re vhathihi na Khristo Yesu a vha tsha laṱwa.

2 VHAKORINTA 2:14

Ri livhuha Mudzimu we a ri u kunda a ri vhidza, ra vho dzula ri tshi ḓala muḓalo nae nge ra vha vhathihi na Khristo. U anḓadza mafhungo a Khristo nga riṋe hoṱhe-hoṱhe sa zwioro zwi nukhelelaho.

2 VHAKORINTA 5:19

Mafhungo ane ra a ḓivhadza ngea: Khristo a tshi ḓa ndi Mudzimu we a vha a tshi khou pfumedzanya shango na Ene muṋe, a si tsha vhala u khakha havho, a ri kumedza mafhungo ayo a uri vhathu vha pfumedzane nae.

2 VHAKORINTA 6:16

Nnḓu ya Mudzimu i nga tendelana hani na midzimu ya zwifanyiso? Ndi tshi ralo ndi uri riṋe ri Nnḓu ya Mudzimu a tshilaho. Na Mudzimu Ene muṋe o ri, “Ndi ḓo dzula navho, ra tshimbila roṱhe ndí Mudzimu wavho, vhone vhe lushaka lwanga.”

DOTORONOMIO 31:23

Ndi hone Muṋe washu a tshi laya Joshua ṅwana wa Nunu a ri, “Ndi iwe ane wa ḓo ranga Vhaisraele phanḓa wa vha swikisa shangoni ḽe nda vha fulufhedzisa; ima-ha u khwaṱhe, Nṋe muṋe ndi ḓo vha na iwe!”

DOTORONOMIO 32:5

“Hone Vhaisraele vho mu shandukela, shonee, a vha tshee vhana vhawe! Ndi mashandukwa a vhukwila.

DOTORONOMIO 33:5

Muṋe washu o vha khosi ya Jeshuruni musi hu tshi kuvhangana vhahulwane vha lushaka, hu tshi ḓa matsinde oṱhe a Israele.

DOTORONOMIO 9:24

U bva musi we nda thoma u ni ḓivha no vha ni tshi ḓi vha vhathu vha u shandukela Muṋe washu.

VHARANGAPHANḒA 6:13

Gidioni a mu fhindula a ri, “Pfarelo muṋe wanga, ndi mini ro itwa izwi zwoṱhe arali Muṋe washu e na riṋe? Zwimangadzo zwoṱhe zwe vhokhotsi ashu vha ri vhudza uri Muṋe washu o vha a tshi zwi ita, a tshi vha pfulusa Egipita, zwi ngafhi? Muṋe washu o ri laṱedza a ri litsha ri tshi fungiswa nga Vhamidiani.”

1 SAMUELE 25:28

Nga vha nkhangwele mulandu wanga, ngauri vhukumakuma Muṋe washu u ḓo vha vhumba khosi, vhone muṋe wanga na vhaḓuhulu vhavho, ngauri vha khou lwa nndwa dza Muṋe washu. Zwenezwo vha songo vhuya vha ovha mulandu vhutshilo havho hoṱhe.