NUMERI 23:13 - BIVHILI KHETHWA Mafhungo Madifha

¹³ Ndi hone Balaka a tshi vhudza Biliamu a ri, “Nga ri ṱuwe roṱhe ri ye huṅwe fhethu hune vha nga kona u vhona Vhaisraele vhoṱhe, ngauri fhano vha tou vhona vhaṅwenyana, a vha vha vhoni vhoṱhe. Nga vha nteketelele vhone vhe henefho fhethu.”

NUMERI 23:13 Iomraidhean Croise

1 MAHOSI 20:23

Magota a khosi Beni Hadadi wa Aramu vha mu eletshedza vha ri, “Midzimu ya Vhaisraele ndi midzimu ya dzithavhani, ndi zwe Vhaisraele vha ri kunda. Hone arali ra lwa navho mudavhini, vhukuma ri ḓo vha kunda.

1 MAHOSI 20:28

Uḽa muḓinḓa wa Mudzimu a ya ha khosi ya Israele a ri, “Muṋe washu u ri, ‘Vhunga Vhaaramu vha tshi ri Nṋe Yahavee ndi mudzimu wa dzithavhani, a thi mudzimu wa magovhani, mmbi hei khulu ndi ḓo i kumedza zwanḓani zwau, ndi hone u tshi ḓo zwi ḓivha uri ndi Nṋe Yahavee.’ ”

DZIPHISALEMA 109:17

O funesa u teketela vhaṅwe, khombo nga i mu wele-vho; ho ngo takalela vhaṅwe vha tshi wana mashudu, na ene a songo a wana.

MIKA 6:5

Vhathu vhanga, elelwani vhunwa he Balaka khosi ya Muaba a ni lukela, ni elelwe na phindulo ya Biliamu ṅwana wa Bioro. Elelwani zwo iteaho lwendoni lwaṋu ni tshi bva mushashani wa Shitimu ni tshi ya Giligala, uri ni kone u ḓivha mishumo mivhuya ya Yahavee.”

NUMERI 22:41

Nga matshelo Balaka a dzhia Biliamu a gonya nae Tshikwara tsha Baali; e henefho o vha a tshi kona u vhona Vhaisraele kha sia ḽithihi.

NUMERI 22:6

Vho anda u fhira riṋe, nga vha ḓe vha nteketelele vhone. Khamusi ndi hone ri tshi ḓo kona u vha kunda ra vha thatha vha ṱuwa shangoni ḽino. Ndi a zwi ḓivha uri vhone ane vha mu shudufhadza u wana mashudu, ane vha teketela u welwa nga khombo.”

NUMERI 23:12

Biliamu a fhindula a ri, “Ndi amba zwenezwo fhedzi zwine nda vhudzwa nga Yahavee.”

NUMERI 23:14

Balaka a dzhia Biliamu a mu isa tshiingamoni muṱumbani wa thavha ya Phisiga. Na henefho a fhaṱa aḽiṱari ṱhanu na mbili, a ṋekedza tshiṱhavhelo tsha mboho na thutha kha aḽiṱari iṅwe na iṅwe.

JOSHUA 24:9

Zwino ha ḓa khosi ya Muaba, Balaka ṅwana wa Tsiphoro, a lwa na inwi. A ruma vhaḓinḓa ha Biliamu ṅwana wa Bioro, vha mu vhidza uri a ḓe a ni teketele.