NUMERI 23:1 - BIVHILI KHETHWA Mafhungo Madifha

¹ Biliamu a amba na Balaka a ri, “Nga vha mphaṱele aḽiṱari ṱhanu na mbili fhano, vha nnḓisele mboho ṱhanu na mbili na thutha ṱhanu na mbili.”

NUMERI 23:1 Iomraidhean Croise

2 MAHOSI 18:22

“ ‘Zwino arali wa ri ni ḓitika nga Yahavee Mudzimu waṋu, a si Ene we Hiskia a thutha zwitembele zwawe zwa zwikwarani, na aḽiṱari dzawe, a tshi vhudza vhathu vha Juda na vha Jerusalema a ri vha fanela u luvha aḽiṱarini iyi Jerusalema.

1 KORONIKA 15:26

Ha ṱhavhiwa mboho ṱhanu na mbili na thutha ṱhanu na mbili dza ṋekedzwa dza vha tshiṱhavhelo nge Mudzimu a farisa Vhalivi vhe vha vha vho hwala mbulungelo ya mulanga ya Muṋe washu.

2 KORONIKA 29:21

Vha isa mboho ṱhanu na mbili na thutha ṱhanu na mbili na thuthana ṱhanu na mbili na zwibokoṱo zwiṱanu na zwivhili, tsha vha tshiṱhavhelo tsha tshipfumelo tsha muvhuso na tsha hukhethwa na tsha Juda. Khosi ya laya vhotshifhe, vha lutsinga lwa Aroni, uri vha zwi ṋekedze kha aḽiṱari ya Muṋe washu.

JOBO 42:8

Zwino vhonani! Dzhiani mboho ṱhanu na mbili na thutha ṱhanu na mbili, ni ye ha mulanda wanga Jobo, ni ṋekedze tshiṱhavhelo tsho fhiswaho ni tshi itela inwi vhaṋe. Mulanda wanga Jobo u ḓo ni rabelela; Nṋe ndi ḓo ṱanganedza thabelo yawe, nda si tsha ni lifhedzela vhutsilu haṋu; ni tshi nnyamba a no ngo amba zwi re zwone, we a amba zwi re zwone ndi mulanda wanga Jobo.”

EKISODA 20:24

“ ‘Ni fanela u mphaṱela aḽiṱari ya mavu, ni nṋekedze tshiṱhavhelo tshi fhiswaho khayo na zwiṱhavhelo zwa u konana na Mudzimu zwi tshi bva kha masambi aṋu a nngu kana a kholomo. Hoṱhe hune nda ḓo ita uri dzina ḽanga ḽi humbulwe ndi ḓo ḓa ha inwi nda ni shudufhadza.

MIRERO 15:8

Tshiṱhavhelo tsha muvhi tshi nengisa Muṋe washu; u takalela thabelo ya a si na vhufhura.

ESEKIELE 33:31

Vha a u kuvhanganela; vhathu vhanga vha dzula fhasi phanḓa hau, vha thetshelesa maipfi au, hone a vha tevhedzi zwine wa amba. Vha amba zwa vhuhwavho, hone mbilu dzavho vho dzi vhea kha zwa u pfuma nga vhufhura.

ESEKIELE 45:23

Maḓuvha hayo maṱanu na mavhili a vhuṱambo, ḓuvha ḽiṅwe na ḽiṅwe a ṋekedze Yahavee tshiṱhavhelo tshi fhiswaho tsha mboho ṱhanu na mbili na thutha ṱhanu na mbili dzi si na luvhadzi, musi muṅwe na muṅwe hu vhuye hu fhele vhege, na mbokoṱo nthihi musi muṅwe na muṅwe i vhe tshiṱhavhelo tsha tshipfumelo.

NUMERI 22:41

Nga matshelo Balaka a dzhia Biliamu a gonya nae Tshikwara tsha Baali; e henefho o vha a tshi kona u vhona Vhaisraele kha sia ḽithihi.

NUMERI 23:2

Balaka a ita zwe a vhudzwa nga Biliamu, ene na Biliamu vhuvhili havho vha ṋekedza tshiṱhavhelo tsha mboho na thutha kha aḽiṱari iṅwe na iṅwe.

NUMERI 23:29

Biliamu a mu vhudza a ri, “Nga vha mphaṱele aḽiṱari ṱhanu na mbili henefhano, vha nnḓisele mboho ṱhanu na mbili na thutha ṱhanu na mbili.”

NUMERI 23:30

Balaka a ita zwe Biliamu a amba, a ṋekedza tshiṱhavhelo tsha mboho na thutha kha aḽiṱari iṅwe na iṅwe.

NUMERI 29:32

Nga ḓuvha ḽa vhuṱanu na vhuvhili ni ṋekedze mbohwana ṱhanu na mbili na thutha mbili na thuthana dza 14 dza ṅwaha muthihi, dzoṱhe dzi vhe dzi si na luvhadzi.

MATIOSI 23:13

“Ni ḓo zwi vhona inwi vhaḓivhi vha Maṅwalo na Vhafarisei; vhahoi ndinwi! Ni khielela vhathu nnḓa ha muvhuso wa Mudzimu. Inwi vhaṋe a ni dzheni, na dovha na dzivhisa vhane vha funa u dzhena.

JUDASI 1:11

Vha ḓo zwi vhona vhenevho vhathu: vho fara nḓila yeneiḽa ya Kaini; vha fhura vhathu sa Biliamu vha tshi ri vha ḓo wana malamba ngazwo; vho shandukela Mudzimu sa Kora, zwino vha vho lovha nga zwenezwo.

1 SAMUELE 15:22

Hone Samuele a fhindula a ri, “Kani Muṋe washu u takalela nduvho dzi fhiswaho na zwiṱhavhelo u fhira muthu a tshi ita zwine a amba? U thetshelesa hu fhira tshiṱhavhelo, u tevhedza ndaela hu fhira nngu dzo nonaho.