NUMERI 22:11 - BIVHILI KHETHWA Mafhungo Madifha

¹¹ a ri hu na lushaka lu no bva Egipita lwo ḓadzaho shango ḽoṱhe. U ṱoḓa ndi tshi mu teketelela vhone uri a lwe navho, a vha thathe vha ṱuwe.”

NUMERI 22:11 Iomraidhean Croise

GENESI 27:29

Ngavhe tshakha dzi tshi u shumela, vhathu vha mashango vha u luvha. Ngavhe u tshi vhusa vhana vha khotsi au, vhana vha mme au vha u luvha. Vhane vha u teketela ngavhe vha tshi teketelwa, vhane vha u shudufhadza vha shudufhadzwa.”

NUMERI 22:10

Biliamu a fhindula a ri, “Balaka khosi ya Muaba, ṅwana wa Tsiphoro, o vha ruma ha nṋe

NUMERI 22:12

Mudzimu a vhudza Biliamu a ri, “U songo ṱuwa na vhanna havha nahone u songo teketela Vhaisraele, ngauri Nṋe ndo vha shudufhadza.”

NUMERI 23:11

Ndi hone Balaka a tshi vhudza Biliamu a ri, “Vho nnyitani? Ndo vha ḓisa fhano uri vha teketele maswina anga, hone tshe vhone vha ita ho vha u vha shudufhadza.”

NUMERI 23:7

Biliamu a bula vhuporofita a ri, “Balaka o nnḓisa ndi tshi bva Aramu, khosi ya Muaba ya nthamba ndi thavhani dza vhubvaḓuvha. A ri, ‘Iḓa u nteketelele Jakopo, iḓa u panzhilele Israele.’

NUMERI 24:10

Balaka a sinyutshela Biliamu. A putela Biliamu mavili a ri, “Ndo vha vhidzela u teketela maswina anga, zwino vho no vha shudufhadza luraru lwoṱhe.

JOSHUA 24:10

Huno Nṋe nda si thetshelese, nda ita uri Biliamu a ni ḓisele mashudu, ngauralo nda vha ndo ni lamulela zwanḓani zwa Balaka.

1 SAMUELE 17:43

Goliada a amba na Dafita a ri, “U vhona unga nṋe ndi mmbwa u tshi nnḓela na lubaḓa?” A teketela Dafita nga midzimu yawe a ri,