NUMERI 21:9 - BIVHILI KHETHWA Mafhungo Madifha

⁹ Ndi hone Mushe a tshi ita ṋowa ya musinaseṱha, a i fhahea kha thanda. Muthu ó lumiwa nga ṋowa o vha a tshi ri u sedza iyo ṋowa ya musinaseṱha a tshila.

NUMERI 21:9 Iomraidhean Croise

2 MAHOSI 18:4

O thutha zwitembele zwa zwikwarani, a pwashekanya matombo a zwitungulo, a remekanya thanda dza Ashera mudzimu wa musadzi. A ita na u vunḓekanya ṋowa ya musinaseṱha ye ya fuliwa nga Mushe, ngauri u swika zwenezwo Vhaisraele vho vha vha tshi ḓi i dubisela zwioro. Ṋowa iyo yo vha i tshi pfi Nehushthani.

YESAYA 45:22

“Vhuyani ha Nṋe zwino ni tshidzwe, inwi tshakha dzoṱhe dza shango nga he ḽa guma! Ndi Nṋe Mudzimu a re hone ndi ndoṱhe.

ZAKARIA 12:10

“Hone vha muṱa wa Dafita na vhadzulapo vha Jerusalema ndi ḓo vha shululela muya wa vhulenda na u ḓivhuedza. Vha ḓo nṱoḓa vha tshi ḓisolela zwiḽa zwe vha runga muḓinḓa wanga a fa, vha mu lilela unga muthu a tshi lilela ṅwana muthihi fhedzi wa mutuka, vha vusa tshililo zwa nga muthu a tshi lilela ṅwana wa tanzhe.

JOHANISI 1:29

Nga matshelo Johanisi a vhona Yesu a tshi khou ḓa khae, a ri, “Khoyu-ha Ene Ngwana ya Mudzimu, o hwalaho vhutshinyi ha shango!

JOHANISI 12:32

Musi ndi tshi ḓo takulelwa nṱha ndi ḓo kokodza vhathu vhoṱhe vha ḓa kha Nṋe.”

JOHANISI 6:40

Zwine Khotsi anga a funa ndi uri vhoṱhe vhane vha vhona Murwa vha mu fulufhela, vha vhe na vhutshilo vhu sa fheli, Nṋe nda ḓo konou vha vusa vhafuni nga ḓuvha ḽa vhufhelo.”

VHAROMA 1:17

A ri dzumbululela nḓila ine vhathu vha pfi vhavhuya nga Mudzimu. Ndi nga lutendo fhedzi, unga ho ṅwalwa ha pfi, “Hu ḓo tshila we a pfi muvhuya nga u fulufhela Mudzimu.”

VHAROMA 8:3

Mudzimu o ita tshe Mulayo wa kundwa u ita nge muthu nga tsiko yawe a shaya nungo. O haṱula vhutshinyi nga u ruma Murwa wawe, uri a ḓe nga tshivhumbeo tsha muthu a vhuswaho nga vhutshinyi, a vhe tshipfumelo tsha vhutshinyi.

2 VHAKORINTA 5:21

Khristo o vha a si na vhutshinyi, naho zwo ralo Mudzimu a ita uri a nge mutshinyi, uri riṋe ri pfumelelwe nga u itwa vhathihi nae.

VHAHEBERU 12:2

ro tou sedza henengei phanḓa kha Yesu, Ene we a ri zhakela nḓila ya lutendo a dovha a vha Ene ane a ri swikisa he lwa livha hone. Ene nga u sedza dakalo ḽe a vha o vhetshelwa ngei phanḓa, o konḓelela lufu lwa tshifhambano a si londe u nyadzea halwo, zwino khezwo-ha, o no dzula thungo ya tshauḽa ya Mudzimu vha vhusa vhoṱhe.

1 JOHANISI 3:8

Ane a endela u tshinya ndi wa diabolo, ngauri diabolo ndi ene a no endela u tshinya tsha kale na kale. Hone Murwa wa Mudzimu a tshi ḓa ho vha hu u ḓela u phusukanya mishumo ya diabolo.