NUMERI 20:5 - BIVHILI KHETHWA Mafhungo Madifha

⁵ Ndi mini vho ri pfulusa Egipita vha ri ḓisa fhethu fhano hune ra tambula hu sa meli tshithu? A hu na mavhele na mahuyu na nḓirivhe na magranada. Na maḓi a u nwa a hu na!”

NUMERI 20:5 Iomraidhean Croise

NEHEMIA 9:21

Wa vha ṋea zwoṱhe zwine vha zwi lila miṅwaha ya mahumi maṋa vhe phangani; zwiambaro zwavho a zwo ngo vhuya zwa ṱahala, na milenzhe yavho ya si vhuye ya zwimba.

JEREMIA 2:2

“Iyo ḓivhadza hune vha Jerusalema vha zwi pfa, u ri, ‘Yahavee u ri: “ ‘Ndi elelwa zwe wa vha u tshi fulufhedzea u tshee nga hau. Wo mpfuna unga muselwa, wa ntevhela u tshi buḓekanya phanga, shangoni ḽi sa liṅwi.

JEREMIA 2:6

A vho ngo vhuya vha vhudzisa vha ri, ‘Muṋe washu u ngafhi, Ene we a ri bvisa Egipita, a ri endedza ra buḓekanya masoga, ra buḓekanya shango ḽa phanga na phara, shango ḽa gomelelo na swiswi ḽi ofhisaho, shango ḽi sa tshimbili muthu, ḽi sa dzuli muthu?’

ESEKIELE 20:36

Ndi ḓo ni sengisa unga zwiḽa ndi tshi sengisa vhokhotsi aṋu ngei phangani ya Egipita, hu amba Nṋe Muṋe wa zwoṱhe Yahavee.

NUMERI 16:14

Nahone a vho ngo ri ḓisa shangoni ḽi elaho mukhaha na ṋotshi kana vha ri ṋea masimu a goroi na a minḓirivhe uri zwi vhe zwashu, zwino vha khou linga u ri fhura. Riṋe ri nga si ḓe!”

NUMERI 20:24

“Aroni a nga si dzhene shangoni ḽe nda fulufhedzisa uri ndi ḓo ḽi ṋea Vhaisraele, u ḓo fa, nge noṱhe vhuvhili haṋu na nyadza ndayo yanga musi ni Miriba.

NUMERI 27:14

ngauri noṱhe vhuvhili haṋu no nyadza ndayo yanga musi ni phangani ya Tsini. Zwiḽa vhathu vhoṱhe vha tshi nngungulela vhe Miriba, a no ngo vha sumbedza maanḓa anga makhethwa.” (Miriba ndi tshisima tshi re Kadeshe sogani ḽa Tsini.)

DOTORONOMIO 8:15

a ni endedza phangani khulu i ofhisaho ho andaho ṋowa dza vhuṱungu na phame, a ni ṋea maḓi a tshi bva kha tombo ḽo omaho ḽa tou te, shangoni ḽa gomelelo ḽi si na maḓi.