NUMERI 20:12 - BIVHILI KHETHWA Mafhungo Madifha

¹² Hone Muṋe washu a kaidza Mushe na Aroni, a ri, “Zwino nge na si mpfulufhele tshoṱhe, na si sumbedze Vhaisraele vhukhethwa hanga, vhathu havha ni nga si vha swikise shangoni ḽe nda fulufhedzisa uri ndi ḓo vha ṋea ḽone.”

NUMERI 20:12 Iomraidhean Croise

2 KORONIKA 20:20

Nga matshelo vha fhindutshela phangani ya Thekua. Musi vha tshi takuwa, Josafati a ima a ri, “Inwi vhathu vha Juda na Jerusalema, nthetsheleseni! Fulufhelani Muṋe washu, ndi hone ni tshi ḓo ima na khwaṱha, fulufhelani vhaporofita, ndi hone zwi tshi ḓo ni nakela.”

DZIPHISALEMA 106:32

Musi vhe zwisimani zwa Miriba vho ṱunga Muṋe washu, Mushe a welwa nga khombo nga mulandu wavho;

DZIPHISALEMA 99:8

Ndi ngoho, Mudzimu Muṋe washu, wo vha fhindula; wo vha Mudzimu a vha hangwelaho, naho wo vha u tshi vha lifhedzela vhukhakhi havho.

YESAYA 7:9

Ḽa Efraimi a ḽi fhiri Samaria musanda waḽo, Samaria a u fhiri ṅwana wa Remalia khosi yawo. Inwi tshaṋu hu vhe u fulufhela Nṋe; na sa ḓitika nga Nṋe a ni na mutiki.”

YESAYA 8:13

Nṋe Yahavee Mulangazwoṱhe kha ndi vhe Mukhethwa waṋu! Ofhani Nṋe! Tetemelani Nṋe!

ESEKIELE 20:41

Na zwioro zwaṋu ndi ḓo zwi ṱanganedza hezwi ndi tshi ni pfulusa vhukati ha dzitshakha; ndi ḓo ni kuvhanganya ni tshi bva mashangoni asili e na balangana nao; ndi ḓo sumbedza vhukhethwa hanga nga inwi uri tshakha dzoṱhe dzi zwi vhone;

ESEKIELE 36:23

Ndi ṱoḓa u sumbedza vhukhethwa ha dzina ḽanga ḽihulu ḽe ḽa shatwa tshika vhukati ha dzitshakha ḽe na ḽi shata tshika vhukati havho. Ndi hone dzitshakha dzi tshi ḓo zwi ḓivha uri ndi Nṋe Yahavee – hu amba Nṋe Muṋe wa zwoṱhe Yahavee – musi ndi tshi sumbedza vhukhethwa hanga nga inwi, tshakha dzi tshi zwi vhona.

ESEKIELE 38:10

Muṋe wa zwoṱhe Muṋe washu u ri, “Musi wonoyo u ḓo ḓelwa nga muhumbulo wa luka vhunwa.

LIVITIKO 10:3

Ndi hone Mushe a tshi vhudza Aroni a ri, “Hezwi ndi zwe Muṋe washu a vha a tshi khou amba zwone musi a tshi ri, “ ‘Vhane vha nṋekedza nduvho vha fanela u hulisa vhukhethwa hanga; ndi ḓo dzumbululela vhathu vhugala hanga.’ ” Hone Aroni a sokou fhumula.

NUMERI 11:15

Arali u tshi ḓo nnyita nga u rali, nkhathutshele u mbo ḓi mmbulaha zwino, uri ndi si tsha ṱwa ndi tshi tambula.”

NUMERI 20:24

“Aroni a nga si dzhene shangoni ḽe nda fulufhedzisa uri ndi ḓo ḽi ṋea Vhaisraele, u ḓo fa, nge noṱhe vhuvhili haṋu na nyadza ndayo yanga musi ni Miriba.

NUMERI 27:14

ngauri noṱhe vhuvhili haṋu no nyadza ndayo yanga musi ni phangani ya Tsini. Zwiḽa vhathu vhoṱhe vha tshi nngungulela vhe Miriba, a no ngo vha sumbedza maanḓa anga makhethwa.” (Miriba ndi tshisima tshi re Kadeshe sogani ḽa Tsini.)

MATIOSI 17:17

Yesu a fhindula a ri, “Hee inwi ni sa fulufheli Mudzimu, vhadzia-u-xela! Ndi ḓo vha na inwi u swika lini? Ndi kha ḓi ḓo ni konḓelela u swika lini? Ḓisani uyo muṱhannga kha Nṋe!”

MATIOSI 17:20

A vha fhindula a ri, “Ndi ngauri lutendo lwaṋu ndi luṱukusa. Thetshelesani ndi ni vhudze: ngavhe ni vhe na lutendo lune lwa tou lingana zwalwo na mbeu ya muhuyu, no vha ni tshi nga kona u vhudza thavha hei na ri, ‘Sudzulutshela ngei!’ ya sudzuluwa. A hu na tshe tsha vha tshi tshi nga ni kunda.”

LUKASI 1:20

Zwino-ha ngauri a wo ngo tenda zwe nda u vhudza, a u tsha ḓo kona u amba hu vhuye hu itee zwe nda amba; u itea hone zwi ḓo itea nga tshifhinga tshazwo.”

LUKASI 1:45

Ni na mashudu inwi nge na tenda uri ipfi ḽe Muṋe washu a ni vhudza a ḽi nga weli fhasi!”

JOHANISI 1:17

Mulayo Mudzimu o u ṋea vhathu nga tshanḓa tsha Mushe; vhuthu hawe na ngoho yawe zwa ḓa nga Yesu Khristo.

VHAROMA 4:20

Ho ngo vhuya a timatima nga u sa fulufhela zwe Mudzimu a mu fulufhedzisa; lutendo lwawe lwa khwaṱha ha vha u renda Mudzimu.

DOTORONOMIO 1:37

“Na nṋe Muṋe washu o ntsinyutshela nga mulandu waṋu, a ri, ‘Na iwe Mushe u nga si dzhene shangoni iḽo.

DOTORONOMIO 34:4

Muṋe washu a mu vhudza a ri, “Ngeḽi shango ḽe nda fulufhedzisa Abrahamu na Isaka na Jakopo nda ana nda ri ndi ḓo ḽi fha vhaḓuhulu vhavho. Zwino ndi tou u sumbedza uri u kone u ḽi vhona nga maṱo au, hone u wela a u nga wetsheli khaḽo.”

DOTORONOMIO 4:21

“A vha nṋe Muṋe washu o ntsinyutshela nga mulandu wa zwiito zwaṋu, a ana a ri a thi nga weli Jorodani, a thi nga dzheni shango ḽavhuḓi ḽine Muṋe washu Mudzimu waṋu a ḓo ni ṋea uri ḽi vhe ḽaṋu.

JOSHUA 1:2

“Mushe muḓinḓa wanga o fa. Zwino iwe na Vhaisraele vhoṱhe ḓilugiseni, ni wele mulambo wa Jorodani ni wetshele shangoni ḽine nda ni ṋea ḽone.

1 PITROSI 3:15

Khristo ndi Ene ane na fanela u mu luvha e Muṋe waṋu mbiluni dzaṋu; ni dzule no ḓiimisela u fhindula muṅwe na muṅwe ane a nga ni sengisela zwe na zwi fulufhela;