NUMERI 19:18 - BIVHILI KHETHWA Mafhungo Madifha

¹⁸ Hu ḓe munna a songo kumalaho a dzhie davhi ḽa muhisopo, a ḽi mbwandamedze maḓini, a handulule dennde na zwoṱhe zwi re ngomu hayo na vhathu vhe vha vha vhe henefho. Munna uyo o fanela u handulula na muthu we a kwama shambo ḽa muthu kana tshitumbu tsha o ḓifelaho na o vhulawaho, kana tshalo.

NUMERI 19:18 Iomraidhean Croise

DZIPHISALEMA 51:7

Nkhandulule nga muhisopo ndi kune, nṱanzwe ndi tshene u fhira mahaḓa.

DZIPHISALEMA 51:9

U songo tsha sedza zwe nda tshinya, thutha vhuvhi hanga hoṱhe.

YESAYA 52:15

Huno zwino tshakha nnzhi dzi tshi mu vhona dzi ḓo kanuka; mahosi a ḓo ri u mu vhona a akhamala; vha ḓo vhona zwi sa athu ambiwa, vha ṱalukanya zwi sa athu pfiwa.”

NUMERI 19:17

“Muthu uyo o kumalaho a tshi kumululwa, hu fanela u dzhiwa milora ya kholomo khunwana ye ya fhiswa i tshi vha tshipfumelo, i shelwe khalini, hu shelwe na maḓi a no bva tshisimani.

NUMERI 19:19

Nga ḓuvha ḽa vhuraru na ḓuvha ḽa vhuṱanu na vhuvhili uyo munna a songo kumalaho u fanela u handulula uyo muthu o kumalaho nga maḓi, nga ḓuvha ḽa vhuṱanu na vhuvhili a mu kumulule. Muthu uyo we a kumululwa u fanela u kuvha zwiambaro zwawe, a ṱambe muvhili, nga madekwana eneo u ḓo vha o kumululwa.

NUMERI 19:9

Ndi hone muṅwe munna a songo kumalaho a tshi ḓo kuvhanganya milora ya iḽa kholomo a i vhea fhethu ho kumululwaho nnḓa ha mishasha, ya vhetshelwa vhathu vha Israele uri vha i shumise maḓini a u kumulula. Maitele hayo ndi a u pfumelela vhathu.

JOHANISI 17:17

Ita uri vha ḓikumedze Iwe nga u nambatela ngoho – ipfi ḽau ndi yone ngoho.

JOHANISI 17:19

Ndi ḓikumedza Iwe ndi tshi itela vhone uri na vhone vha kone u ḓikumedza Iwe vhukuma.

1 VHAKORINTA 1:30

Hone inwi Mudzimu o ni ita vhathihi na Khristo Yesu, we a mu ita vhuṱali hashu, ngauri ndi Ene vhuvhuya hashu na vhukhethwa hashu na u rengululwa hashu.

VHAHEBERU 9:14

malofha a Khristo a nga kundiswa ngani-ha u ri ṱanzwa mvalo ra laṱa mishumo i isaho lufuni ra konou luvha Mudzimu a tshilaho? A si zwenezwo zwe Khristo a itela zwone a tshi ḓikumedza Mudzimu nga Muya wa lini na lini a vha tshipfumelo tshi sa solisei naa?

VHAHEBERU 9:19

A thi ri Mushe o ri u ḓivhadza lushaka lwoṱhe ndaela dzoṱhe dza Mulayo, a dzhia malofha a ṋamana na mbudzi a a ṱanganya na maḓi na vhukuse vhutswuku, a handulula bugu ya Mulayo na lushaka lwoṱhe ngao nga lutavhi lwa muhisopo