NUMERI 19:13 - BIVHILI KHETHWA Mafhungo Madifha

¹³ Muthu ane a vhuya a kwama tshitumbu, a si ḓikumulule, u dzula o kumala, ngauri ho ngo handululwa nga maḓi a u kumulula muthu, a nga shata dennde ya u ṱangana na Muṋe washu tshika, nahone u ḓo tumulwa kha Vhaisraele.

NUMERI 19:13 Iomraidhean Croise

EKISODA 30:33

Ane a vhuya a ita maṅwe ane a fana nao, kana a a ḓodza muṅwe muthu ane a si vhe tshifhe, ha tsha ḓo vhaliwa na vhathu vhanga.”

MIRERO 14:32

Muvhi u wiswa nga vhuvhi hawe; wa u thetshelesa Mudzimu u wana vhushavhelo naho hu tshi fiwa.

ESEKIELE 44:26

Musi muṅwe wavho o no kumululwa, hu range u fhela maḓuvha maṱanu na mavhili;

LIVITIKO 15:31

Muṋe washu o vhudza Mushe uri a kaidze Vhaisraele vha vhe kule na zwithu zwine zwa nga vha kumadza, vha sa ḓo kumadza dennde ya u ṱangana na Mudzimu ye ya vha i vhukati ha mishasha. Arali vha i kumadza vha ḓo fa.

LIVITIKO 20:3

Arali muthu a kumedza Molekhe vhana vhawe, ndi u kumadza fhethu hanga hukhethwa na u nyadzisa dzina ḽanga ḽikhethwa; ndi ḓo mu ita swina ḽanga, a thi tsha ḓo mu ita muṅwe wa vhathu vhanga.

LIVITIKO 22:3

Arali muṅwe wa vhaḓuhulu vhaṋu a ri o kumala a sendela tsini na nduvho dze Vhaisraele vha dzi kumedza Nṋe, a songo tsha dovha a ntshumela thembeleni. Hezwo ndi zwa misi yoṱhe. Ndi Nṋe Yahavee.

LIVITIKO 22:4

“Muḓuhulu wa Aroni ane a vha na vhulwadze ha lukanda kana a rothisa vhulwa a songo ḽa nduvho khethwa u swika a tshi kumuluwa. Tshifhe ane a kwama tshithu tsho kumalaho nga u kwamana na tshitumbu, na ene o kumala, kana o shulula vhunna,

LIVITIKO 5:17

Arali muthu a khakha a sa iti nga khole, a pfuka muṅwe wa milayo ya Mudzimu, u na mulandu, o fanela u lifha.

LIVITIKO 5:3

Arali muthu a kwama tshikha dza muthu á songo ita nga khole, tshifhio na tshifhio, u na mulandu hezwi a tshi tou ḓivha zwe a ita.

LIVITIKO 5:6

o fanela u pfumelwa ha Muṋe washu nga nduvho ya phwidzi kana mbudzi ya tsadzi. Tshifhe nga a ṋekedze iyo nduvho i vhe tshipfumelo tsha uyo munna.

LIVITIKO 7:20

hone arali muthu o kumalaho a i ḽa a songo tsha pfi ndi muṅwe wa vhathu vha Mudzimu.

LIVITIKO 7:21

Naho muthu a ḽa ṋama ya iyo nduvho o ranga u kwama tshithu tsho kumalaho, tshi nga vha tshi tshi bva kha munna kana kha tshifuwo, a songo tsha vhalwa na vhathu vha Mudzimu.

NUMERI 15:30

Huno ane a tshinya nga khole, a nga vha o bebwa kha ḽa Israele kana e mutsinda, u na mulandu wa u nyadza Yahavee, onoyo nga a tumulwe tshivhidzoni,

NUMERI 19:14

Arali muṅwe muthu a fela denndeni, nnyi na nnyi a re afho denndeni nga tshifhinga tsha lufu lwonolwo kana ane a dzhena ngomu hayo u ḓo vha o kumala ha vhuya ha fhela maḓuvha maṱanu na mavhili.

NUMERI 19:18

Hu ḓe munna a songo kumalaho a dzhie davhi ḽa muhisopo, a ḽi mbwandamedze maḓini, a handulule dennde na zwoṱhe zwi re ngomu hayo na vhathu vhe vha vha vhe henefho. Munna uyo o fanela u handulula na muthu we a kwama shambo ḽa muthu kana tshitumbu tsha o ḓifelaho na o vhulawaho, kana tshalo.

NUMERI 19:19

Nga ḓuvha ḽa vhuraru na ḓuvha ḽa vhuṱanu na vhuvhili uyo munna a songo kumalaho u fanela u handulula uyo muthu o kumalaho nga maḓi, nga ḓuvha ḽa vhuṱanu na vhuvhili a mu kumulule. Muthu uyo we a kumululwa u fanela u kuvha zwiambaro zwawe, a ṱambe muvhili, nga madekwana eneo u ḓo vha o kumululwa.

NUMERI 19:20

“Muthu we a kumala a si ḓikumulule, u dzula o kumala, nge a vha a songo handululwa nga maḓi a u kumulula muthu. Muthu onoyo a nga shata hukhethwa ha Muṋe washu tshika, nahone u ḓo tumulwa kha tshivhidzo.

NUMERI 19:9

Ndi hone muṅwe munna a songo kumalaho a tshi ḓo kuvhanganya milora ya iḽa kholomo a i vhea fhethu ho kumululwaho nnḓa ha mishasha, ya vhetshelwa vhathu vha Israele uri vha i shumise maḓini a u kumulula. Maitele hayo ndi a u pfumelela vhathu.

NUMERI 8:7

nga nḓila hei: vha handulule nga maḓi a u vha ṱanzwa vhutshinyi, u vha vhudze vha vheule muvhili woṱhe, vha ṱanzwe zwiambaro zwavho. Ndi hone vha tshi ḓo vha vho kuna.

NUMERI 9:13

Hone muthu a songo kumalaho, a songo faraho lwendo a ya kule, arali a sa ita vhuṱambo ha Paseka, ha tsha ḓo vhalwa na vhathu vhanga, nge a si nṋekedze nduvho nga tshifhinga tsho vhewaho. O fanela u pfa vhuṱungu nga mulandu wa vhutshinyi hawe.

JOHANISI 8:24

Ndi zwe nda ni vhudza nda ri ni ḓo fela vhutshinyini haṋu. Nangoho ni ḓo fela vhutshinyini haṋu arali ni sa tendi uri ‘Ndi ane nda vha Ene’.”

VHAHEBERU 10:29

Zwino muthu ane a nyadza Murwa wa Mudzimu, a nyefula malofha a khwaṱhisaho mulanga e a mu ita mukhethwa, a nyefula Muya ane ra wana ngae tshilidzi tsha Mudzimu, onoyo u ḓo rwiwa nga ṱhamu nngafhani?

VHAHEBERU 9:10

Haya a tou vha mafhungo a zwiḽiwa na zwinwiwa na maitele o fhambanaho a u ḓikumulula; i tou vha milayo i kwamaho zwa nga nnḓa, ine ya shuma u swika Mudzimu a tshi ḓo vhekanya zwoṱhe nga huswa.

NZUMBULULO 21:8

Magoswi one na vho guneaho na vho kumalaho na dziphondi na dziphombwe na vhaloi na vha no luvha midzimu na vhoṱhe vhadzia-u-zwifha, ho vha fanelaho ndi ishani ḽi dugaho mulilo na tsevhela. Ndi lwone lufu lwa vhuvhili.”

NZUMBULULO 22:11

Ane a vha muvhi nga a ṱhaphudze vhuvhi hawe; o kumalaho a ṱhaphudze u kumala hawe; muvhuya a ṱhaphudze vhuvhuya hawe; mukhethwa a ṱhaphudze vhukhethwa hawe.”

NZUMBULULO 22:15

Ngei nnḓa ha muḓi hone hu wanala dzimmbwa na vhaloi na dziphombwe na dziphondi na vha luvhaho midzimu na vha no funa zwa mazwifhi na zwa vhufhura.