NUMERI 19:12 - BIVHILI KHETHWA Mafhungo Madifha

¹² O fanela u ṱamba nga maḓi a u kumulula muthu nga ḓuvha ḽa vhuraru na nga ḓuvha ḽa vhuṱanu na vhuvhili, ndi hone a tshi ḓo vha o kumululwa. Hone arali a sa ḓikumululi nga ḓuvha ḽa vhuraru na nga ḓuvha ḽa vhuṱanu na vhuvhili, u ḓo vha a songo kumululwa.

NUMERI 19:12 Iomraidhean Croise

DZIPHISALEMA 51:7

Nkhandulule nga muhisopo ndi kune, nṱanzwe ndi tshene u fhira mahaḓa.

EKISODA 19:11

vha ḓilugisele mbamatshelo, ngauri nga ḓuvha ḽa vhuraru ndi ḓo tsela thavhani ya Sinai vhathu vhoṱhe vha tshi zwi vhona.

EKISODA 19:15

Zwenezwo Mushe a vhudza vhathu a ri, “Ḓilugiseleni ḓuvha ḽa vhuraru, ni songo dzhenisana nḓuni.”

ESEKIELE 36:25

Ndi ḓo ni handulula nga maḓi o kunaho nda ni ṱanzwa tshika, ndi ḓo ni ṱanzwa tshika dzaṋu dzoṱhe dze na ḓishata nga midzimu yaṋu yoṱhe ya tshika.

HOSIA 6:2

Hu ḓo ri u fhela maḓuvha mavhili a dovha a ri ṋea vhutshilo, nga ḓuvha ḽa vhuraru a dovha a ri vusa, uri ri dzule nae a tshi ri lisa.

LIVITIKO 14:7

Nga a handulule uyo muthu a no khou kumululwa vhulwadze ha lukanda, a mu handulule nga malofha, a ite kaṱanu na kavhili, a ḓivhadze uri uyo muthu o kumululwa. Zwenezwo nga a litshe itsho tshiṋoni tshi tshilaho tshi fhufhe tshi ye ḓakani.

LIVITIKO 7:17

Ṋama ine ya sala ya swika ḓuvha ḽa vhuraru i fhisiwe.

NUMERI 31:19

Zwino inwi noṱhe no vhulahaho muthu kana no kwamaho tshitumbu no fanela u dzula nnḓa ha mishasha na fhedza maḓuvha maṱanu na mavhili. Nga ḓuvha ḽa vhuraru na nga ḓuvha ḽa vhuṱanu na vhuvhili ni ḓikumulule khathihi na vhasadzi vhe na vha thuba.

MISHUMO 15:9

Ho ngo vha ṱalula kha riṋe; o vha ṱanzwa dzimbilu nge vha mu ṱanganedza.

NZUMBULULO 7:14

Nṋe nda ri, “Muṋe wanga, zwi sa ḓihwi ngeo naa?” Ene a ri, “Havha ndi vho tambudzwaho zwihulu. Vho ṱanzwa nguvho dzavho nga malofha a Ngwana, dza tshena.