NUMERI 18:7 - BIVHILI KHETHWA Mafhungo Madifha

⁷ Huno iwe na vhana vhau fhedzi, inwi ni khunyeledze pfanelo dza vhutshifhe kha zwa aḽiṱari na zwi re ngomu fhethu hukhethwa. Hezwo zwithu zwi londolwe nga inwi, ngauri ndo ni ṋea tshifhiwa tsha vhutshifhe. Muthu a songo fanelaho ane a vhuya a sendela tsini ha zwithu zwikhethwa u ḓo vhulawa.”

NUMERI 18:7 Iomraidhean Croise

DZIPHISALEMA 115:10

Nnḓu ya Aroni, fulufhelani Muṋe washu, ndi Ene Mutiki waṋu na tshiṱangu tshaṋu.

EKISODA 28:1

“Vhidzisa mukomana wau Aroni a bve kha Vhaisraele a ḓe ha iwe, a ḓe na vhana vhawe vha vhatuka, Nadaba na Abihu na Eliasara na Ithamara, vha vhe vhotshifhe vha ntshumele.

EKISODA 29:9

U vha vhofhe khundu nga mivhofho, u vha ambadze na mithini ṱhohoni. Vha ḓo vha vho vhumbwa vhotshifhe nga ndaela ya lini na lini. Aroni na vhana vhawe u vha ambadze nga u ralo.

ESEKIELE 44:15

“ ‘Huno vhotshifhe vha Vhalivi, vhana vha Tsadoko, vhe vha ntshumela fhethu hukhethwa musi vhaṅwe Vhaisraele vho mpfuralela, ndi vhone vhane vha ḓo sendela tsini hanga vha ntshumela; vha ḓo ima phanḓa hanga vha ṋekedza nduvho ya mapfura na malofha – hu amba Nṋe Muṋe wa zwoṱhe Yahavee.

ESEKIELE 44:16

Vhone vha ḓo dzhena fhethu hanga hukhethwa vha swika ḓafulani ḽanga vha ntshumela; vha ḓo ita mishumo yanga.

ESEKIELE 44:8

A no ngo tsha ita pfanelo dzaṋu fhethu hukhethwa, no tou ruma vhatsinda u yo ita pfanelo dzaṋu hukhethwa hanga.

LIVITIKO 16:2

Muṋe washu a ri, “Vhudza mukomana wau Aroni uri a songo mona murahu ha lupila a dzhena Hukhethwakhethwa arali hu si nga tshifhinga tsho teaho, ngauri henefho ndi hune nda ḓivhonadza hone ndi kha gole nṱha ha tshitibo tsha mbulungelo. Arali a sa pfi, u ḓo fa.

LIVITIKO 7:35

Hoyo ndi wone mukovhe wa zwiḽiwa zwi ṋekedzwaho Muṋe washu we wa ṋewa Aroni na vhana vhawe musi we vha vhumbwa vhutshifhe.

NUMERI 1:51

Musi ni tshi ṱokolola mishasha yaṋu ni tshi fhirela phanḓa, Vhalivi vha ḓo akhulula dennde, vha dovha vha i akha hoṱhe-hoṱhe hune na ḓo ṱoka mishasha yaṋu. Muthu a si Mulivi ane a vhuya a sendela tsini ha iyo dennde nga a vhulawe.

NUMERI 16:40

Izwo ho vha hu u kaidza Vhaisraele uri ane a si vhe wa lutsinga lwa Aroni a songo sendela aḽiṱarini a dubisela Muṋe washu zwioro. Arali a ralo u ḓo lozwiwa unga Kora na vhanna vhe vha ima nae. Izwo zwoṱhe zwo itwa nga he Muṋe washu a laya Eliasara nga mulomo wa Mushe.

NUMERI 18:20

Muṋe washu a amba na Aroni a ri, “Iwe a u nga wani thundu dzine dza ḓo vha dzau, nahone a u nga wani mukovhe wa shango ḽa Israele une wa ḓo vha wau. Mukovhe wau ndi Nṋe Yahavee.”

NUMERI 18:3

Vho fanela u khunyeledza mushumo wavho na pfanelo dzavho dza dennde nga u farisa, hone vha songo sendela tsini ha zwithu zwikhethwa na aḽiṱari. Arali vha sendela tsini hazwo, noṱhe iwe na vhone ni ḓo fa.

NUMERI 3:10

Iwe u vhee Aroni na vhana vhawe uri vha shume mushumo wa vhutshifhe, hone arali muṅwe a vhuya a linga u ḓidzhenisa kha mushumo wonoyo, u ḓo vhulawa.”

NUMERI 3:38

Mushe na Aroni na vhana vhawe vho vha vha tshi fanela u ṱoka mishasha yavho phanḓa ha dennde ya u ṱangana na Muṋe washu sia ḽa vhubvaḓuvha. Vhone vho vha vhe vha u londola Hukhethwa vha tshi itela Vhaisraele. Muṅwe-vho ane a vhuya a linga u sendela tsini na Hukhethwa o vha a tshi vhulawa.

MATIOSI 10:8

Fhodzani vhalwadze, ni vuse vhafu, ni fhodze na vha lwalaho lukanda, ni pandele na thuṅwa dza Saṱhane. No zwi ṋewa nga fhedzi, inwi-vho ni zwi ṋee vhaṅwe nga fhedzi.

JOHANISI 3:27

Johanisi a fhindula a ri, “A hu na muthu ane a nga sokou wana tshithu arali a songo tou tshi fhiwa nga Mudzimu.

VHAEFESA 3:8

Kha vhakhethwa vhoṱhe vha Mudzimu nṋe ndi tou vha muṱuku sa muroho; naho zwo ralo Mudzimu nga vhuthu hawe a nthuma u vhudza vhannḓa mafhungo maḓifha a lupfumo lwa Khristo lu sa vhalei,

DOTORONOMIO 18:2

Zwenezwo a vha wani mukovhe wa shango unga vhaṅwe Vhaisraele, mukovhe wavho ndi Muṋe washu, unga o dzula o vha vhudza.

VHAHEBERU 5:4

Nahone a hu na ane a nga sokou ḓiita tshifhe nga u funa hawe, tshawe ndi u tou vhidzwa nga Mudzimu, sa Aroni.

JOSHUA 18:7

Vhalivi vhone iḽo shango vha nga si kovhekane na inwi, mukovhe wavho ndi wa u vha vhotshifhe vha Muṋe washu. Vha matsinde a Gadi na Rubeni na hafu ya tsinde ḽa Manase vho no ḓi wana shango ḽavho vhubvaḓuvha ha Jorodani, ḽe vha ṋewa nga Mushe muḓinḓa wa Muṋe washu.”

1 PITROSI 5:2

Lisani sambi ḽa Mudzimu ḽe a ni kumedza. Ni songo ḽi linda nga u tou kombetshedzwa, ni ḽi linde nga mbilu tshena, vhunga zwi zwenezwo zwine Mudzimu a zwi funa; ni songo zwi ita nga u funesa malamba, ni zwi ite ni tshi takadzwa nga mushumo wone uṋe;

1 PITROSI 5:3

nahone ni songo nga ni khou ḓiita vhalangi vha vhathu vhe na vha kumedzwa, tshaṋu nga hu vhe u sumbedza sambi vhuṱala havhuḓi.

1 SAMUELE 2:28

Ndo nanga makhulukuku wau kha matsinde oṱhe a Israele uri a vhe tshifhe wanga, a gonye aḽiṱarini yanga a fhise zwioro, a ambare luvhemba lwa u pakata phanḓa hanga. Nda ita na u ṋea nnḓu ya makhulukuku wau mukovhe wa nduvho dzoṱhe dza mbeu dza Vhaisraele.