NUMERI 18:4 - BIVHILI KHETHWA Mafhungo Madifha

⁴ Nga vha shume na iwe vha khunyeledze pfanelo dzavho dza mishumo yoṱhe ya dennde ya u ṱangana na Nṋe, hone ni songo shuma na muthu a songo teaho.

NUMERI 18:4 Iomraidhean Croise

ESEKIELE 44:14

Ndi ḓo vha ita vhashumi vha thembeleni vha ite zwoṱhe zwine zwa fanela u itwa henefho.

NUMERI 1:51

Musi ni tshi ṱokolola mishasha yaṋu ni tshi fhirela phanḓa, Vhalivi vha ḓo akhulula dennde, vha dovha vha i akha hoṱhe-hoṱhe hune na ḓo ṱoka mishasha yaṋu. Muthu a si Mulivi ane a vhuya a sendela tsini ha iyo dennde nga a vhulawe.

NUMERI 1:53

Hone Vhalivi vha ṱoke mishasha yavho u mona na dennde uri vha i linde, hu songo vhuya ha sendela muthu tsini hayo a ntsinyusa nda vhulaha vhathu vha Israele.”

NUMERI 18:3

Vho fanela u khunyeledza mushumo wavho na pfanelo dzavho dza dennde nga u farisa, hone vha songo sendela tsini ha zwithu zwikhethwa na aḽiṱari. Arali vha sendela tsini hazwo, noṱhe iwe na vhone ni ḓo fa.

NUMERI 18:5

Iwe na vhana vhau no fanela u khunyeledza pfanelo dza fhethu hukhethwa na aḽiṱari, uri ndi si tsha dovha nda sinyutshela Vhaisraele.

NUMERI 3:10

Iwe u vhee Aroni na vhana vhawe uri vha shume mushumo wa vhutshifhe, hone arali muṅwe a vhuya a linga u ḓidzhenisa kha mushumo wonoyo, u ḓo vhulawa.”

NUMERI 31:30

Kha tshipiḓa tsho kovhekanywaho Vhaisraele u bvise tshipiḓa tshithihi kha zwa 50, vha nga vha vhathu kana kholomo kana donngi kana nngu kana mbudzi kana zwiṅwe zwifuwo. Izwo u zwi fhe Vhalivi vhane vha londola dennde ya u ṱangana na Nṋe.”

NUMERI 8:26

Ngavhuya a nga ḓi farisa Vhalivi vha hawe vha tshi shuma mishumo yavho yo fanelaho denndeni ya u ṱangana na Nṋe, hone a songo ita mushumo na muthihi nga ene muṋe. U dzudzanye mishumo ya Vhalivi nga u ralo.”

1 SAMUELE 6:19

Huno Mudzimu a vhulaha vhanna vha 70 vha Bethe Shemeshe nge vha ṱolela ngomu ha mbulungelo ya Muṋe washu. Vhathu vha lila nge Muṋe washu a vha rwa zwingafho.