NUMERI 18:3 - BIVHILI KHETHWA Mafhungo Madifha

³ Vho fanela u khunyeledza mushumo wavho na pfanelo dzavho dza dennde nga u farisa, hone vha songo sendela tsini ha zwithu zwikhethwa na aḽiṱari. Arali vha sendela tsini hazwo, noṱhe iwe na vhone ni ḓo fa.

NUMERI 18:3 Iomraidhean Croise

ESEKIELE 44:13

A vha tsha ḓo dovha vha sendela tsini hanga vha ita mushumo wavho wa vhutshifhe kana vha kwama zwithu zwanga zwikhethwa na zwithu zwanga zwikhethwakhethwa; vho fanela u ambara ṱhoni dza mishumo yavho i nengisaho.

NUMERI 1:51

Musi ni tshi ṱokolola mishasha yaṋu ni tshi fhirela phanḓa, Vhalivi vha ḓo akhulula dennde, vha dovha vha i akha hoṱhe-hoṱhe hune na ḓo ṱoka mishasha yaṋu. Muthu a si Mulivi ane a vhuya a sendela tsini ha iyo dennde nga a vhulawe.

NUMERI 1:53

Hone Vhalivi vha ṱoke mishasha yavho u mona na dennde uri vha i linde, hu songo vhuya ha sendela muthu tsini hayo a ntsinyusa nda vhulaha vhathu vha Israele.”

NUMERI 16:40

Izwo ho vha hu u kaidza Vhaisraele uri ane a si vhe wa lutsinga lwa Aroni a songo sendela aḽiṱarini a dubisela Muṋe washu zwioro. Arali a ralo u ḓo lozwiwa unga Kora na vhanna vhe vha ima nae. Izwo zwoṱhe zwo itwa nga he Muṋe washu a laya Eliasara nga mulomo wa Mushe.

NUMERI 18:4

Nga vha shume na iwe vha khunyeledze pfanelo dzavho dza mishumo yoṱhe ya dennde ya u ṱangana na Nṋe, hone ni songo shuma na muthu a songo teaho.

NUMERI 18:7

Huno iwe na vhana vhau fhedzi, inwi ni khunyeledze pfanelo dza vhutshifhe kha zwa aḽiṱari na zwi re ngomu fhethu hukhethwa. Hezwo zwithu zwi londolwe nga inwi, ngauri ndo ni ṋea tshifhiwa tsha vhutshifhe. Muthu a songo fanelaho ane a vhuya a sendela tsini ha zwithu zwikhethwa u ḓo vhulawa.”

NUMERI 3:25

Vho vha vha tshi londola dennde ya u ṱangana na Muṋe washu na lupila lwayo lwa ngomu na lwa nnḓa na luvhemba lune lwa nembeledzwa muṋangoni,

NUMERI 3:31

Vho vha vha tshi londola mbulungelo ya mulanga na ṱafula na tshivheambone na dziaḽiṱari na midzio ine vhotshifhe vha i shumisa Hukhethwa, na luvhemba lune lwa nembeledzwa muṋangoni wa Hukhethwakhethwa. Vho vha vha tshi shuma mishumo yoṱhe ya thundu idzo.

NUMERI 3:36

Vho vha vha tshi londola thikho dza dennde ya u ṱangana na Muṋe washu na mbalelo dza mabaphathi na phuphu na zwiraho, vha shuma na u zwi kwea. Vho vha vha tshi shuma zwoṱhe zwine zwa kwamana na thundu dzenedzo.

NUMERI 31:30

Kha tshipiḓa tsho kovhekanywaho Vhaisraele u bvise tshipiḓa tshithihi kha zwa 50, vha nga vha vhathu kana kholomo kana donngi kana nngu kana mbudzi kana zwiṅwe zwifuwo. Izwo u zwi fhe Vhalivi vhane vha londola dennde ya u ṱangana na Nṋe.”

NUMERI 4:15

Musi tshifhinga tsha u thutha mishasha tshi tshi swika, Aroni na vhana vhawe vhó no fhedza u zwi putela na thundu dzazwo dzoṱhe, hu fanela u ḓa vha mutupo wa Kehathi vha hwale thundu heyo khethwa. Ndi wone mushumo une vha fanela u shuma denndeni ya u ṱangana na Muṋe washu, hone hezwo zwikhethwa vha songo vhuya vha zwi kwama, vha sa ḓo fa.