NUMERI 18:12 - BIVHILI KHETHWA Mafhungo Madifha

¹² “Ndi u ṋea zwavhuḓi zwi fhiraho zwoṱhe kha zwibveledzwa zwa u ranga zwine Vhaisraele vha nṋea ṅwaha muṅwe na muṅwe: mapfura a muolivi na waini na goroi.

NUMERI 18:12 Iomraidhean Croise

GENESI 27:28

Ngavhe Mudzimu a tshi u wisela ṅwando u bvaho ṱaḓulu, a ita uri masimu au a vhibvele, wa kaṋa mavhele manzhi na nḓirivhe dza waini.

2 MAHOSI 4:42

Ha ḓa muṅwe munna a tshi bva Baali Shalisha, a ḓisela muḓinḓa wa Mudzimu mikonde ya 20 ya vhurotho ha baḽi ho bagiwaho nga thoro dze dza ranga u vhibva, na tshikwama tsha ṱhotshe dza thoro ntswa. Elisha a ri, “Ṋeani vhathu vha ḽe.”

2 KORONIKA 31:5

Musi ndaela i tshi tou bviswa, Vhaisraele vha ṋea nga hune vha kona vha isa zwikaṋwa zwa u thoma zwa thoro dzavho na waini ntswa na mapfura a muolivi na ṋotshi na zwoṱhe zwi no bva masimuni, vha isa zwinzhi, vha ita na u isa tshafumi tsha zwoṱhe zwine vha vha nazwo.

DZIPHISALEMA 147:14

U ladza shango masakhani au, a u fusha nga mavhele avhuḓi.

DZIPHISALEMA 81:16

Inwi ndo vha ndi tshi ḓo ni funda nga mavhele avhuḓi, nda ni fusha nga mutoli u no bva bakoni.”

EKISODA 22:29

“Nṋekedze nduvho i no bva kha mavhele au na waini yau na mapfura a muolivi nga tshifhinga tshazwo. Nkumedze tanzhe ḽau ḽa mutuka.

EKISODA 23:19

“U nange zwi fhiraho zwoṱhe zwa zwiranzhe zwa zwe wa kaṋa masimuni au u zwi ḓise nḓuni ya Yahavee Mudzimu wau. “U songo bika ngwana kana mbudzana nga mukhaha wa mme ayo.

EKISODA 34:26

“Ṅwaha muṅwe na muṅwe ni dzhie zwa u thoma zwe na zwi kaṋa masimuni ni zwi ḓise nḓuni ya Yahavee. “Ni songo bika ngwana kana mbudzana nga mukhaha wa mme ayo.”

ESEKIELE 44:30

Mitshelo yaṋu yoṱhe ya zwiranzhe i fhiraho yoṱhe, na tshakha dzoṱhe dza nduvho na zwoṱhe zwine na zwi ṋekedza, zwi ḓo vha zwa vhotshifhe, na mikonde i fhiraho yoṱhe ni i ṋee vhotshifhe, uri muṱani waṋu hu vhe na mashudu.

LIVITIKO 2:12

Nduvho ya zwa u ranga zwe na kaṋa masimuni ṅwaha muṅwe na muṅwe i ḓiswe ha Yahavee, hone i songo fhiswa kha aḽiṱari.

LIVITIKO 2:14

“Musi ni tshi ḓisela Yahavee nduvho ya zwa u ranga zwe na kaṋa masimuni, mu ṋekedzeni thoro dzo hadzingwaho kana vhurotho ho bagiwaho nga zwo kaṋiwaho masimuni.

LIVITIKO 23:17

Muṱa muṅwe na muṅwe u ḓise mikonde mivhili ya vhurotho, vha i ṋekedze Muṋe washu i vhe nduvho ya u imiselwa nṱha. Mukonde muṅwe na muṅwe u itwe khilogiramu tharu dza vhukhopfu ho bagwa na mbilisa, dzi ṋekedzwe Muṋe washu dzi vhe nduvho ya zwiliṅwa zwa u thoma zwe zwa kaṋiwa.

LIVITIKO 23:20

Tshifhe nga a ṋekedze Muṋe washu nduvho ya uho vhurotho na idzo ngwana mbili i nduvho ya u imiselwa nṱha. Nduvho hedzo ndi khethwa, dzi ḽiwa nga vhotshifhe.

DOTORONOMIO 18:3

“Musi vhathu vha tshi ṱhavha kholomo kana nngu kana mbudzi ine ya ṋekedzwa ya vha nduvho, vhotshifhe vha fanela u ṋewa voho na luṱaha na magulu;

DOTORONOMIO 18:4

na goroi ine na thoma u kaṋa, na waini ya u thoma na mapfura a u thoma a muolivi, na vhukuse ha u thoma ha nngu na mbudzi vhune na vheula ni fanela u ṋea vhone.

DOTORONOMIO 26:2

ni fanela u dzhia zwiranzhe zwoṱhe zwa zwine na kaṋa shangoni ḽaṋu ḽine Muṋe washu Mudzimu waṋu a ni ṋea, na zwi vhea tshirunduni, na ya fhethu hune Muṋe washu Mudzimu waṋu a khethela dzina ḽawe,

DOTORONOMIO 32:14

vha ḽa luvhomba lwa kholomo na mukhaha wa mbudzi, na ngwana dzo nonaho, na thutha na thongo dza Bashani, na goroi yavhuḓi i fhiraho yoṱhe, a vha nwisa waini ya nḓirivhe dzi ḓifhaho.