NUMERI 18:11 - BIVHILI KHETHWA Mafhungo Madifha

¹¹ “Na misumo yoṱhe i imiselwaho nṱha ine Vhaisraele vha bvisa vha i ṋekedza Nṋe ndi yau. Ndi khou zwi ṋea iwe na vhana vhau vha vhatuka na vha vhasidzana lini na lini. Vhoṱhe vha muṱa wau vho kumululwaho vha nga ḓi zwi ḽa.

NUMERI 18:11 Iomraidhean Croise

LIVITIKO 10:14

Huno inwi na miṱa yaṋu ni nga ḓi ḽa tshiakha tshe tsha imiselwa nṱha na tshizwa tshe tsha ṋekedzwa Muṋe washu. Ni nga zwi ḽela fhethu ho kumululwaho. Nduvho hedzo dzo ṋewa inwi na vhana vhaṋu, ndi mukovhe waṋu u no bva kha nduvho ya Vhaisraele ya u konana na Mudzimu.

LIVITIKO 7:14

Kha nduvho iṅwe na iṅwe a ṋekedze Muṋe washu gaku; izwo ndi zwa tshifhe ane a dzhia malofha a tshifuwo a handulula aḽiṱari ngao.

NUMERI 18:1

Muṋe washu a vhudza Aroni a ri, “Ha khakhea tshithu hukhethwa, ndi mulandu wau na vhana vhau na vhaṅwe Vhalivi, hone mulandu wa u khakhela vhutshifhe u ḓo hwaliwa nga iwe na vhana vhau ni noṱhe.

NUMERI 18:10

Hezwo zwithu u zwi ḽele hukhethwa, zwi ḽiwe nga vhanna fhedzi, u zwi sedze zwi zwikhethwa.

NUMERI 18:19

“Misumo yoṱhe ine Vhaisraele vha nṋekedza ndi i ṋea iwe na vhana vhau vha vhatuka na vha vhasidzana lini na lini. Hoyo ndi mulanga u sa vhofhololwi we nda vhofha na iwe na vhaḓuhulu vhau.”

NUMERI 18:8

Muṋe washu a amba na Aroni a ri, “Ndi khou u ṋea misumo yoṱhe ine Vhaisraele vha nnduvha ngayo. Ndi khou zwi ṋea iwe na vha lutsinga lwau uri zwi vhe mukovhe wau lini na lini.

DOTORONOMIO 18:3

“Musi vhathu vha tshi ṱhavha kholomo kana nngu kana mbudzi ine ya ṋekedzwa ya vha nduvho, vhotshifhe vha fanela u ṋewa voho na luṱaha na magulu;